Read ახალი ქართულით, Modern Georgian Bible, 1982 2 კორინთელთა 2 Bible Online

2 კორინთელთა 2 - ახალი ქართულით, Modern Georgian Bible, 1982 bible

2 კორინთელთა 2

¹ამიტომაც გადავწყვიტე, დამწუხრებული აღარ მოვსულიყავი თქვენთან.

²რადგანაც თუ მე გამწუხრებთ, მაშ, ვინღა გამახარებს, თუარა ის, ვინც ჩემს მიერ წუხს?

³სწორედ ეს მოგწერეთ, რათა ჩემი მოსვლისას აღარა მქონდესწუხილი მათგან, ვის მიერაც უნდა მეხარა; რადგანაც ყველას გიცნობთ დადარწმუნებული ვარ, რომ ჩემი სიხარული ყოველი თქვენგანის სიხარულია.

⁴ვინაიდან ესოდენ დიდი მწუხარებით, გულისტკივილითა დაცრემლების ფრქვევით იმიტომ კი არ გწერდით, რომ დამემწუხრებინეთ, არამედიმიტომ, რომ გეგრძნოთ, რა უსაზღვროა ჩემი სიყვარული თქვენდამი.

⁵ხოლო თუ ვინმემ დამამწუხრა, მე კი არ დამამწუხრა, არამედ,რომ არ გადავაჭარბო, ნაწილობრივ ყველა თქვენგანიც.

⁶მის სასჯელად ისიცა კმარა, რომ დაიგმო მრავალთა მიერ.

⁷ასე რომ, პირიქით, გმართებთ უმალ მიუტევოთ და ანუგეშოთ,რათა მეტისმეტ მწუხარებას არ მიეცეს.

⁸ამიტომაც შეგაგონებთ, თქვენი სიყვარული დაუდასტუროთ.

⁹მეც სწორედ ამიტომ მოგწერეთ, რომ გამომეცადეთ, რამდენადმორჩილნი ხართ ყველაფერში.

¹⁰ხოლო ვისაც რას მიუტევებთ, ასევე მეც; რადგან ვისაც რა მივუტევე, თქვენი გულისთვის მივუტევე ქრისტეს წინაშე.

¹¹რათა არ ვიძლიოთ სატანის მიერ, ვინაიდან ჩვენთვის ცნობილია მისი ზრახვანი.

¹²ხოლო მე, ტროას ჩასულმა ქრისტეს სახარებლად, - თუმცა კი გამეღო კარი უფლის მიერ, -

¹³ვერ მოვუპოვე ლხინება ჩემს სულს, რადგანაც ვერ შევხვდი იქ ჩემს ძმას ტიტეს; ამიტომაც დავემშვიდობე მათ და მაკედონიისკენ გავწიე.

¹⁴მაგრამ მადლობა ღმერთს, რომელიც ყოველთვის გვანიჭებს ძლევას ქრისტეს მიერ და ჩვენი მეოხებით ავრცელებს ყველგან თავისი შემეცნების სურნელს;

¹⁵რადგანაც ქრისტეს სურნელი ვართ ღვთის წინაშე, როგორც ხსნის, ისე დაღუპვის გზაზე დამდგართათვის.

¹⁶ზოგისთვის სიკვდილის სურნელი სასიკვდილოდ, ზოგისთვის სიცოცხლის სურნელი სასიცოცხლოდ; სხვას ვის შესწევს ამისი ძალი?

¹⁷ვინაიდან მრავალთა მსგავსად როდი ვბღალავთ ღვთის სიტყვას, არამედ წრფელად, როგორც ღვთისგან, ღვთის წინაშე ვქადაგებთ ქრისტეს მიერ.