Read ახალი ქართულით, Modern Georgian Bible, 1982 2 კორინთელთა 4 Bible Online

2 კორინთელთა 4 - ახალი ქართულით, Modern Georgian Bible, 1982 bible

2 კორინთელთა 4

¹ამრიგად, რაკი მოწყალებით მოგვენიჭა ეს მსახურება, გულს არ ვიტეხთ.

²არამედ უარვყავით ყველაფერი, რასაც სირცხვილის გამოფარავენ, არ ვიარებით ზაკვით, არ ვბღალავთ უფლის სიტყვას და ჭეშმარიტებისსიცხადით წარვუდგებით ყოველი კაცის სინიდისს ღვთის წინაშე.

³ხოლო თუ ჩვენი სახარება დაფარულია, წარწყმედილთათვის არისდაფარული,

⁴რომელთაც ღმერთმა დაუბნელა ურწმუნო გონი, რათა არბრწყინავდეს მათთვის ნათელი ქრისტეს დიდების სახარებისა, ქრისტესი, რომელიცარის ღვთის ხატი.

⁵რადგანაც ჩვენს თავს კი არ ვქადაგებთ, არამედ ქრისტეიესოს, უფალს; ხოლო ჩვენ თქვენი მონები ვართ იესოსათვის.

⁶რადგანაც ღმერთმა, რომელმაც ბრძანა ბნელიდან ნათლისგამობრწყინება, გაანათლა ჩვენი გულები, რათა გავებრწყინებინეთ ღმერთისდიდების შემეცნებით, რომლითაც სხივოსნობს იესოს სახე.

⁷ხოლო ეს საუნჯე ჩვენ თიხის ჭურჭლებით დაგვაქვს, რათა ამძალის სიდიადე ღვთისაგან იყოს და არა ჩვენგან.

⁸ყოველნაირად გვავიწროებენ, მაგრამ დათრგუნვილად არავგრძნობთ თავს; გამოუვალ დღეში გვაგდებენ, მაგრამ მაინც ვპოულობთგამოსავალს.

⁹დევნილნი ვართ, მაგრამ არა მიუსაფარნი; გვამხობენ, მაგრამბოლოს ვერ გვიღებენ.

¹⁰ყოველთვის თან დავატარებთ სხეულით იესოს სიკვდილს, რათა იესოს სიცოცხლეც გაცხადდეს ჩვენს სხეულში.

¹¹ვინაიდან ჩვენ, ცოცხალნი, გამუდმებით ვეძლევით სიკვდილს იესოსათვის, რათა იესოს სიცოცხლეც გამოვლინდეს ჩვენს მოკვდავ ხორცში.

¹²ასე რომ, სიკვდილი ჩვენში მოქმედებს, ხოლო სიცოცხლე - თქვენში.

¹³მაგრამ რაკი რწმენის იგივე სული გვაქვს, რომელზედაც ამბობს წერილი: „მწამდა და მიტომ ვამბობდი“, ჩვენც გვწამს და მიტომ ვამბობთ.

¹⁴რაკიღა ვიცით, რომ, ვინც აღადგინა იესო, ჩვენც აღგვადგენს იესოსთან ერთად და თქვენი თანხლებით წარგვადგენს მის წინაშე.

¹⁵ვინაიდან ყველაფერი თქვენთვისაა, რათა მადლის სიუხვე მრავალთა მადლიერებად გადმოიფრქვეს ღვთის სადიდებლად.

¹⁶ამიტომაც არ ვიტეხთ გულს, რადგან თუ ჩვენი გარეგანი კაცი იხრწნება, დღითი დღე ახლდება შინაგანი.

¹⁷ვინაიდან ჩვენი წამიერი და მცირედი ტანჯვა უზღვავსა და უსაზომო დიდებას შეიქმს ჩვენთვის,

¹⁸როცა ხილულს კი არ მივაპყრობთ მზერას, არამედ უხილავს, ვინაიდან ხილული წარმავალია, უხილავი კი - წარუვალი.