Read ახალი ქართულით, Modern Georgian Bible, 1982 2 კორინთელთა 5 Bible Online

2 კორინთელთა 5 - ახალი ქართულით, Modern Georgian Bible, 1982 bible

2 კორინთელთა 5

¹რადგანაც ვიცით, რომ თუ ეს ჩვენი მიწიერი სახლი, თუ ეს კარავი დაინგრევა, ღმერთის მიერ გვაქვს სასახლე ცაში, ხელთუქმნელი და მარადიული.

²მიტომაც ვგმინავთ, რომ გვსურს შევიმოსოთ ზეციური სასახლეჩვენი.

³მხოლოდ შემოსილნიც არ აღმოვჩნდეთ შიშველნი.

⁴ვინაიდან ამ კარავში მყოფნი სიმძიმილით ვგმინავთ,რადგანაც განძარცვა კი არა გვსურს, არამედ შემოსვა, რათა ცოცხალმა შთანთქასმოკვდავი.

⁵სწორედ ამისთვის შეგვქმნა ღმერთმა და მოგვცა სულის წინდი.

⁶ამიტომ ყოველთვის ნდობით ვართ აღვსილნი და ვიცით, რომვიდრე სხეულში ვსახლობთ, ღვთის გარეთ ვსახლობთ.

⁷რადგანაც რწმენით ვიარებით და არა ხედვით.

⁸მაგრამ ნდობით ვართ აღვსილნი და გვიჯობს სხეულიდანგამოვსახლდეთ, რათა უფალთან დავესახლოთ.

⁹ამიტომაც ვცდილობთ, რომ, გამოვსახლდებით თუ დავსახლდებით,მისთვის სათნონი ვიყოთ.

¹⁰რადგან ყველანი უნდა წარვსდგეთ ქრისტეს სამსჯავროს წინაშე, რათა თვითეულს მიეგოს მისი კუთვნილი, იმის მიხედვით, თუ რას იქმოდა სხეულში მყოფი: კეთილს თუ ბოროტს.

¹¹და რაკი უფლის შიში ვიცით, ხალხს ვარწმუნებთ, ხოლო ღმერთისთვის ცხადნი ვართ. და, იმედი მაქვს, ცხადნი ვართ თქვენი სინიდისისთვისაც.

¹²მაგრამ ხელახლა კი არ წარმოგიდგენთ თავს, არამედ იმის საბაბს გაძლევთ, რომ ჩვენით იქადოდეთ, რათა სათქმელი გქონდეთ მათთვის, ვინც სახით იქადის და არა გულით.

¹³რადგან თუ გონს გადავდივართ, ღვთისთვის გადავდივართ, ხოლო თუ გონიერნი ვართ, - თქვენთვის.

¹⁴ვინაიდან ქრისტეს სიყვარულით ვართ მოცულნი, როცა ამგვარად ვმსჯელობთ: თუ ერთი მოკვდა ყველასათგის, ყველანი მოკვდნენ.

¹⁵მაგრამ ქრისტე ყველასთვის მოკვდა, რათა ცოცხალნი თავისთვის კი აღარ ცოცხლობდნენ, არამედ იმისთვის, ვინც მათთვის მოკვდა და აღდგა.

¹⁶ასე რომ, ამიერიდან აღარავის ვიცნობთ ხორციელად, რადგან თუ ხორციელად ვიცნობდით ქრისტეს, აწ უკვე აღარ ვიცნობთ.

¹⁷ამრიგად, ვინც ქრისტეშია, ახალი ქმნილებაა. ძველმა განვლო და, აჰა, ყოველივე არის ახალი.

¹⁸ხოლო ყველაფერი ღმერთისგანაა, რომელმაც შეგვირიგა ქრისტეს მიერ და მოგვცა მსახურება შერიგებისა.

¹⁹რადგანაც ღმერთმა ქრისტეში შეირიგა ქვეყანა, არ შეურაცხა ხალხს მისი ცოდვები და მოგვცა ჩვენ შერიგების სიტყვა.

²⁰ამრიგად, ქრისტეს გულისთვის ვართ მოვლინებულნი, და, თითქოს ღმერთი შეგაგონებდეთ ჩვენი მეშვეობით, ქრისტეს სახელით გთხოვთ: შეურიგდით ღმერთს,

²¹რომელმაც ცოდვის არმცოდნე ცოდვის მსხვერპლად აქცია, რათა ღვთის სიმართლედ ვქცეულიყავით მასში.