Read ახალი ქართულით, Modern Georgian Bible, 1982 2 კორინთელთა 6 Bible Online

2 კორინთელთა 6 - ახალი ქართულით, Modern Georgian Bible, 1982 bible

2 კორინთელთა 6

¹ხოლო ჩვენ, როგორც თანამშრომელნი, შეგაგონებთ: ამაოდ არ მიიღოთ ღვთის მადლი.

²რადგანაც ამბობს: „შეწყალების ჟამს ვისმინე შენი და ხსნისდღეს შეგეწიე“. აჰა, ესაა შეწყალების ჟამი; აჰა, ესაა ხსნის დღე.

³ჩვენ არაფერში ვიძლევით დაბრკოლების საბაბს, რათა არდაიგმოს მსახურება.

⁴არამედ ყველაფერში ღვთის მსახურებად ვავლენთ თავს:მრავლის თმენაში, ჭირში, სიმძიმილში, ვიწროებაში,

⁵გვემაში, დილეგში, დევნაში, გარჯაში, სიფხიზლეში,მარხვაში,

⁶სიწმიდეში, შემეცნებაში, სულგრძელობაში, სიწრფელეში, სულიწმიდაში, უპირფერო სიყვარულში,

⁷ჭეშმარიტების სიტყვაში, ღვთის ძალაში, სიმართლისსაჭურვლით მარჯვენასა და მარცხენაში,

⁸სახელსა თუ უსახელობაში, გმობასა თუ ქებაში, თითქოსმაცთურნი, მაგრამ მართალნი.

⁹თითქოს უცნობნი, მაგრამ ცნობილნი; თითქოს მომაკვდავნი,მაგრამ ცოცხალხი; თითქოს დასჯილნი, მაგრამ სიკვდილს გადარჩენილნი;

¹⁰თითქოს მწუხარენი, მაგრამ მარადის მოხარულნი, თითქოს ღატაკნი, მაგრამ მრავალთა მამდიდრებელნი; თითქოს არას მქონენი, მაგრამ ყველაფრის მფლობელნი.

¹¹ჩვენი ბაგენი თქვენთვის მეტყველებენ, კორინთელნო, და თქვენთვისვე გვაქვს გახსნილი გული.

¹²ვიწროდ როდი ხართ ჩვენში, მაგრამ ვიწროებაა თქვენსავე გულში.

¹³თანაბარი ნაცვლისგებისთვის მოგმართავთ, როგორც შვილებს: თქვენც განივრცენით.

¹⁴ნუ შეებმებით უცხო უღელში ურწმუნოებთან ერთად; ვინაიდან რა აკავშირებს სამართლიანობასა და ურჯულოებას? რაა საერთო ნათელსა და ბნელს შორის?

¹⁵რამ შეათანხმოს ქრისტე და ბელიარი? ან რა ხელი აქვს მორწმუნეს ურწმუნოსთან?

¹⁶რამ შეუთავსოს ღვთის ტაძარი კერპებს? რადგანაც თქვენ ხართ ტაძარი ცოცხალი ღვთისა, როგორც თქვა ღმერთმა: „დავმკვიდრდები მათში და ვივლი მათ შორის; მე ვიქნები მათი ღმერთი, ხოლო ისინი იქნებიან ჩემი ხალხი.

¹⁷ამიტომ გამოდით და გამოეყავით მათ, ამბობს უფალი, ნუ შეეხებით უწმინდურს და მე შეგიწყნარებთ თქვენ.

¹⁸მე ვიქნები თქვენი მამა, ხოლო თქვენ იქნებით ჩემი ძენი და ასულნი“, ამბობს უფალი ყოვლისმპყრობელი.