Read ახალი ქართულით, Modern Georgian Bible, 1982 2 კორინთელთა 8 Bible Online

2 კორინთელთა 8 - ახალი ქართულით, Modern Georgian Bible, 1982 bible

2 კორინთელთა 8

¹ახლა კი გაუწყებთ, ძმანო, ღვთის მადლს, რომელიც მიეცა მაკედონიის ეკლესიებს.

²ვინაიდან, დიდი ჭირნაცადობის მიუხედავად, მათი სიხარულისსავსება და მათი სიღატაკის სიღრმე მოჭარბებულად გამოჩნდა მათივე სიწრფელისსიუხვით.

³რადგანაც ვმოწმობ, რომ შეძლებისდაგვარად გულუხვნი იყვნენდა უფრო მეტადაც.

⁴თვითონვე დაჟინებით გვთხოვეს მადლი და მონაწილეობის ნებაწმიდათა მსახურებაში.

⁵და არა მარტო ის, რისი იმედიც გვქონდა, არამედ თავიანთითავი მისცეს ჯერ უფალს და მერე ჩვენც, ღვთის ნებით.

⁶ამიტომაც ვთხოვეთ ტიტეს, როგორც დაიწყო, ასევედაესრულებინა ეს სამადლო საქმე თქვენს შორის.

⁷და რაკი უხვად გაქვთ ყველაფერი: რწმენა და სიტყვა, ცოდნა და გულმოდგინება, ისევე, როგორც ჩვენმიერი სიყვარული თქვენში, მაშ, უხვად გქონდეთ ეს მადლიც.

⁸ბრძანებით კი არ ვამბობ, არამედ სხვების გულმოდგინებითვცდი თქვენი სიყვარულის სიწრფელეს.

⁹რადგანაც იცით ჩვენი უფლის იესო ქრისტეს მადლი, რომ ის,მდიდარი, გაღატაკდა თქვენი გულისთვის, რათა გამდიდრებულიყავით მისისიღატაკით.

¹⁰მე გირჩევთ იმას, რაც სარგოა თქვენთვის: აღასრულეთ ის, რაც ხალისით წამოიწყეთ ჯერ კიდევ შარშან.

¹¹მაშ, ახლა ბოლომდე მიიყვანეთ საქმე, რათა როგორი გულმოდგინებითაც გსურდათ, ისევე დაასრულოთ თქვენი შეძლებისამებრ.

¹²ვინაიდან, როცა არის გულმოდგინება, შეწირულობა მიიღება იმის მიხედვით, ვის რა აქვს, და არა იმისა, რაც არა აქვს.

¹³ისე ნუკი იქნება, რომ სხვებს ლხინი, ხოლო თქვენ - ჭირი, არამედ თანასწორობით იყოს.

¹⁴ამჟამად თქვენმა ნამეტმა შეავსოს მათი ნაკლულება, შემდეგ კი თქვენი ნაკლულება შეივსოს მათი ნამეტით, რათა არ დაირღვეს თანასწორობა.

¹⁵რადგანაც დაწერილია: „ვინც ბევრი შეაგროვა, არ მოსჭარბდა, და ვინც ცოტა, არ დააკლდა“.

¹⁶მადლობა ღმერთს, რომელმაც ასეთი სწრაფვა ჩაუნერგა ტიტეს გულს თქვენს მიმართ.

¹⁷რადგანაც არა მარტო შეიწყნარა თხოვნა, არამედ გულმოდგინებით აღძრული თავისი ნებით გამოეშურა თქვენსკენ.

¹⁸მასთან ერთად წარმოვგზავნეთ ძმა, რომელსაც ყველა ეკლესიაში აქებენ სახარების ქადაგებისთვის.

¹⁹მეტიც, ეკლესიების მიერვე არჩეულ იქნა ჩვენს თანამგზავრად ამ სამადლო საქმეში, რომელსაც ვემსახურებით უფლის სადიდებლად და ჩვენი კეთილი ზრახვის აღსასრულებლად.

²⁰თანაც ვფრთხილობთ, რომ არავინ დაგვგმოს იმ უხვი შემოწირულობის გამო, რაც შეგროვებულ იქნა ჩვენი მსახურებით.

²¹რადგანაც სიკეთეა ჩვენი საზრუნავი არა მარტო ღმერთის, არამედ კაცთა წინაშეც.

²²მათთან ერთადვე გამოვგზავნეთ ჩვენი ძმა, ვისი გულმოდგინებაც ბევრჯერ გამოგვიცდია სხვადასხვა საქმეში, ხოლო ამჟამად კიდევ უფრო გულმოდგინეა, რადგანაც დიდი ნდობა აქვს თქვენი.

²³ტიტე კი ჩემი მეგობარი და თანამოსაქმეა თქვენს შორის, ხოლო ჩვენი ძმები ეკლესიის წარგზავნილნი არიან და დიდება ქრისტესი.

²⁴მაშ, ეკლესიების წინაშე დაუდასტურეთ თქვენი სიყვარული და ისიც, რის გამოც მართებულად ვიქადით თქვენით.