Read ახალი ქართულით, Modern Georgian Bible, 1982 2 კორინთელთა 9 Bible Online

2 კორინთელთა 9 - ახალი ქართულით, Modern Georgian Bible, 1982 bible

2 კორინთელთა 9

¹რაც შეეხება წმიდათა სამსახურს, ამის თაობაზე ზედმეტად მიმაჩნია მოგწეროთ რამე.

²რადგანაც ვიცი თქვენი გულმოდგინება და ვიქადი კიდეც ამასმაკედონელთა წინაშე: აქაია შარშანდელს აქეთ მზადაა-მეთქი. და თქვენმაგულმოდგინებამ აღძრა მრავალნი.

³ძმები კი იმიტომ წარმოგვგზავნე, რომ არ გაცუდდეს ჩემისიქადული თქვენით და, როგორც ვთქვი, მართლაც მზად იყოთ,

⁴რათა, ჩემთან ერთად რომ მოვლენ მაკედონელნი, მოუმზადებელიარ დახვდეთ, თორემ თქვენ კი არა, ჩვენ შევრცხვებით, რაკიღა ასე დაბეჯითებითდავიქადეთ.

⁵ამიტომ საჭიროდ მივიჩნიე მეთხოვა ძმებისთვის, რომმოსულიყვნენ და გაემზადებინათ თქვენს მიერ აღთქმული ძღვენი, რათა მზად -ყოფილიყო, როგორც ძღვენი და არა როგორც ანგარება.

⁶ამასაც გეტყვით: ვინც ძუნწად თესავს, ძუნწად მოიმკის,ხოლო ვინც უხვად თესავს, უხვად მოიმკის.

⁷ყველამ გაიღოს გულის კარნახით და არა მწუხარებითა თუძალდატანებით, ვინაიდან ღმერთს უყვარს ის, ვინც სიხარულით გასცემს.

⁸ხოლო ღმერთს ძალუძს უხვად მოგაგოთ ყოველგვარი მადლი, რათაყოველთვის და ყველაფერში ყოველივე საკმაოდ გქონდეთ და, ამრიგად, ამრავლოთთქვენი კეთილი საქმე.

⁹როგორც დაწერილია: „გაანიავა, მისცა გლახაკებს; სიმართლემისი წარუვალია უკუნისამდე“.

¹⁰ხოლო ის, ვინც თესლს აძლევს მთესველს და პურს - საზრდოდ, ზღვად აქცევს თქვენს ნათესსაც და ამრავლებს თქვენი სიმართლის ნაყოფს,

¹¹რათა ყველაფრით გამდიდრდეთ ყოველგვარი გულუხვობისთვის, ჩვენი მეშვეობით რომ გადებს მადლიერებას ღვთის მიმართ.

¹²რადგანაც ამ საქმის სამსახური არა მარტო შეავსებს წმიდათა ნაკლულებას, არამედ ღვთის მიმართ მადლიერებასაც ამრავლებს,

¹³რამდენადაც ამ სამსახურის გამოცდილებით ადიდებენ ღმერთს, როცა იხილავენ თქვენს მორჩილებას ქრისტეს სახარების აღსარებისას და თქვენი ურთიერთობის სიწრფელეს არა მარტო მათდამი, არამედ ყველას მიმართაც;

¹⁴და თქვენზე მლოცველნი თავიანთ სიყვარულს არ მოგაკლებენ ღვთის მადლის გამო, ესოდენ უხვად რომ გადმოსულა თქვენზე.

¹⁵მადლობა ღმერთს მისი ენათუთქმელი საბოძვრის გამო.