Read ახალი ქართულით, Modern Georgian Bible, 1982 გალატელთა 1 Bible Online

გალატელთა 1 - ახალი ქართულით, Modern Georgian Bible, 1982 bible

გალატელთა 1

¹პავლე, მოციქული არა კაცთაგან და არც კაცის მიერ, არამედ იესო ქრისტესა და მამა ღმერთისაგან, რომელმაც აღადგინა იგი მკვდრეთით,

²და ჩემთან მყოფი ყველა ძმა - გალატიის ეკლესიებს:

³მადლი თქვენდა და მშვიდობა ჩვენი მამა ღმერთისა და უფალიესო ქრისტესაგან,

⁴რომელმაც ჩვენი ცოდვებისათვის მისცა თავისი თავი, რათადავეხსენით ამ უკეთური ქვეყნისგან ჩვენი მამა ღმერთის ნება-სურვილით,

⁵ვისიცაა დადება უკუნითი უკუნისამდე. ამინ.

⁶მიკვირს, რომ იმისაგან, ვინც ქრისტეს მადლით გიხმოთ, ასემალე გადახვედით სხვა სახარებაზე.

⁷თუმცა არ არსებობს სხვა სახარება, არიან მხოლოდზოგიერთნი, რომელნიც გამღვრევენ და ცდილობენ შერყვნან ქრისტეს სახარება.

⁸მაგრამ ჩვენ კი არა, თვით ანგელოსმა ზეცითაც რომ გახაროთსხვა სახარება, და არა ის, რაც გვიხარებია, წყეულიმც იყოს.

⁹რაც უწინ მითქვამს, ახლაც იმასვე ვიტყვი: ვინც სხვა რამესგახარებთ და არა იმას, რაც მიგიღიათ, წყეულიმც იყოს.

¹⁰ხოლო ამჟამად ხალხს ვარწმუნებ თუ ღმერთს? ან იქნებ ვცდილობ ხალხს ვაამო? ეს რომ კვლავაც ჩემი მიზანი იყოს, აღარ ვიქნებოდი მონა ქრისტესი.

¹¹გაუწყებთ, ძმანო, რომ სახარება, რომელიც ჩემგან გეხარათ, არ არის კაცის მიერი,

¹²ვინაიდან მეც კაცისგან როდი მიმიღია ან მისწავლია, არამედ იესო ქრისტეს გამოცხადებით.

¹³თქვენ გსმენიათ, როგორ ვიქცეოდი ოდესღაც იუდეველობაში, რა სასტიკად ვდევნიდი ღვთის ეკლესიას და ვარბევდი მას.

¹⁴ასე რომ, აღვემატებოდი იუდეველობაში ყველა ტოლსწორს ჩემი მოდგმისას, რადგანაც უკიდურესი გულმოდგინებით ვიცავდი მამაპაპეულ გადმოცემებს.

¹⁵ხოლო როდესაც ღმერთმა, დედის საშოდანვე რომ ამირჩია და თავისი მადლით მიხმო, -

¹⁶კეთილინება თვისი ძე გამოეცხადებინა ჩემში, რათა წარმართთათვის მეხარებინა იგი, მაშინვე როდი დავკითხვივარ სისხლსა და ხორცს.

¹⁷არც იერუსალიმს ავსულვარ, ჩემს წინამორბედ მოციქულებთან,არამედ არაბიას წავედი და კვლავ დავბრუნდი დამასკოს.

¹⁸სამი წლის შემდეგ კი პეტრეს სანახავად ავედი იერუსალიმსდა თხუთმეტი დღე დავყავი მასთან.

¹⁹სხვა მოციქულთაგან არავინ მინახავს, უფლის ძმის, იაკობისგარდა.

²⁰ხოლო იმაში, რასაცა გწერთ, ღმერთია მოწმე, არ ვცრუობ.

²¹შემდგომ ამისა, სირიასა და კილიკიაში ჩავედი.

²²ხოლო ქრისტეს ეკლესიები იუდეაში პირადად არ მიცნობდნენმე. -

²³მხოლოდ ის სმენოდათ, რომ ოდესღაც მათი მდევნელი ამჟამად ახარებს რწმენას, რომელსაც უწინ ებრძოდა.

²⁴და ადიდებდნენ ღმერთს ჩემს გამო.