Read ახალი ქართულით, Modern Georgian Bible, 1982 გალატელთა 2 Bible Online

გალატელთა 2 - ახალი ქართულით, Modern Georgian Bible, 1982 bible

გალატელთა 2

¹თოთხმეტი წლის შემდეგ კვლავ ავედი იერუსალიმს ბარნაბასთან ერთად, და თან ვიახლე ტიტეც.

²ასვლით კი გამოცხადებით ავედი და იქაურებს (უპირატესად -ყველაზე ცნობილთ) წარვუდგინე სახარება, რომელსაც ვქადაგებ წარმართთა შორის:ამაოდ ხომ არ მიწვალია, ან ვწვალობ-მეთქი.

³მაგრამ თვით ჩემთან მყოფი ტიტეც კი, მიუხედავად იმისა,რომ ბერძენია, არ გაუხდიათ იძულებული, წინადაეცვითა.

⁴შემოპარულ ცრუ ძმებს კი, მალულად რომ შემოძვრნენ, რათაეთვალთვალებინათ ჩვენი თავისუფლებისათვის, რომელიც გვაქვს ქრისტე იესოში,და ამრიგად, დავემონებინეთ, -

⁵წამითაც არა დავუთმეთ რა და არ დავემორჩილეთ, რათასახარების ჭეშმარიტება დარჩენილიყო თქვენში.

⁶ხოლო მათ, ვინც ყველაზე ცნობილნი ჩანდნენ (როგორნი იყვნენისინი უწინ, მე არ დავეძებ: ღმერთი არ უყურებს სახეს კაცისას), მეტიარაფერი დაუვალებიათ ჩემთვის.

⁷პირიქით, როცა დაინახე, რომ მე მომენდო ხარებაწინადაუცვეთელთათვის, ისევე, როგორც პეტრეს - წინადაცვეთილთათვის

⁸(რადგან ვინც წინადაცვეთილთა შორის მოციქულობაში შეეწიაპეტრეს, მეც შემეწია წარმართთა შორის)

⁹და შეიცნეს მადლი, რომელიც მომეცა, ბურჯებად მიჩნეულმაიაკობმა, კეფამ და იოანემ თანაზიარობის მარჯვენა გამოგვიწოდეს მე დაბარნაბას, რათა ჩვენ წარმართებთან წავსულიყავით, ისინი კი -წინადაცვეთილებთან.

¹⁰მხოლოდ უნდა გვხსომებოდა ღატაკნი, და მე გულმოდგინედ ვცდილობდი ამესრულებინა ეს.

¹¹მაგრამ, როცა ანტიოქიაში მოვიდა პეტრე, წინ აღვუდექი მას, რადგანაც გასაკიცხი იყო;

¹²ვინაიდან იაკობის მიერ ზოგიერთი წარმოგზავნილის მოსვლამდე წარმართებთან ერთად ჭამდა, ხოლო მათი მოსვლის შემდეგ განდგა და განცალკევდა წინადაცვეთილთა შიშით.

¹³მასთან ერთად თვალთმაქცობდნენ დანარჩენი იუდეველნიც, ასე რომ, თვით ბარნაბაც კი ჩაითრია მათმა თვალთმაქცობამ.

¹⁴მაგრამ, როდესაც დავრწმუნღი, რომ წრფელი გზით როდი მიდიან სახარებისეული ჭეშმარიტებისკენ, ყველას წინაშე ვუთხარი კეფას: თუკი შენ, იუდეველი, წარმართულად ცხოვრობ და არა იუდეურად, რატომღა აიძულებ წარმართებს, რომ იუდეველობდნენ?

¹⁵ჩვენ ბუნებით იუდეველნი ვართ და არა ცოდვილი წარმართნი.

¹⁶მაგრამ რაკიღა გავიგეთ, რომ კაცი რჯულის საქმეთაგან როდი გამართლდება, არამედ იესო ქრისტეს რწმენით, ჩვენც ვირწმუნეთ იესო ქრისტე, რათა ქრისტე იესოს რწმენით გავმართლდეთ და არა რჯულის საქმით, რადგანაც რჯულის საქმით ვერ გამართლდება ვერცერთი ხორციელი.

¹⁷ხოლო თუ ქრისტეში ვეძებთ გამართლებას, მაგრამ თვითონ კივცოდეთ, ნუთუ ქრისტე ცოდვის მსახურთა? არამც და არამც.

¹⁸რადგანაც თუ კვლავ ვაგებ იმას, რაც დავანგრიე, ხომშემცოდედ ვავლენ ჩემს თავს?

¹⁹ვინაიდან მე რჯულით მოვკვდი რჯულისათვის, რათა ვიცოცხლოღვთისათვის.

²⁰ქრისტესთან ერთად ვეცვი ჯვარს, და მე კი აღარა ვცოცხლობ,არამედ ქრისტე ცოცხლობს ჩემში, ხოლო თუ ახლა ხორციელად ვცოცხლობ, რწმენითავცოცხლობ ღვთის ძეში, რომელმაც შემიყვარა მე და თავისი თავი მისცა ჩემთვის.

²¹არ უგულებელვყოფ ღვთის მადლს, რადგან თუ გამართლებარჯულისგანაა, მაშინ ამაოდ მომკვდარა ქრისტე.