Read ახალი ქართულით, Modern Georgian Bible, 1982 გალატელთა 4 Bible Online

გალატელთა 4 - ახალი ქართულით, Modern Georgian Bible, 1982 bible

გალატელთა 4

¹ამასაც ვიტყვი: ვიდრე მემკვიდრე ყრმაა, არაფრით არ განირჩევა მონისაგან, თუმცა ყველაფრის ბატონ-პატრონია.

²არამედ, მამის მიერ მიჩენილ დრომდე, მზრუნველებსა დამეურვეებს ემორჩილება.

³ასევე ჩვენც, ვიდრე ყრმანი ვიყავით, ქვეყნიერების ნივთიერსაწყისთ ვემონებოდით.

⁴მაგრამ, როდესაც მოიწია დროის სისრულე, ღმერთმა მოავლინათავისი ძე, რომელიც იშვა ქალისაგან და დაემორჩილა რჯულს.

⁵რათა გამოესყიდა რჯულიქვეშ მყოფნი და, ამრიგად, მიგვეღოძეობა.

⁶ხოლო რაკი ძენი ხართ, ღმერთმა მოავლინა თქვენს გულებშითავისი ძის სული, რომელიც ღაღადებს: „აბბა, მამაო“!

⁷ასე რომ, მონა კი აღარა ხარ, არამედ ძე: ხოლო თუ ძე ხარ,მემკვიდრეცა ხარ ღვთის მიერ.

⁸მაგრამ მაშინ არ იცნობდით ღმერთს და მსახურებდით მათ,რომელნიც, ბუნებით, არც არიან ღმერთები.

⁹ახლა კი, როცა იცანით ღმერთი, ან, უფრო სწორად, ღმერთმაგიცნოთ, როგორღა უბრუნდებით ქვეყნიერების უმწეო და უბადრუკ საწყისთ, რათაკვლავ მათ დაემონოთ?

¹⁰დღეებს და თვეებს, წელიწადის დროებსა და წლებს უკვირდებით.

¹¹ვშიშობ, ვაითუ ამაოდ გავისარჯე თქვენი გულისთვის.

¹²გევედრებით, ძმანო, ჩემსავით იყავით, ვინაიდან მეც თქვენსავით ვარ. არაფერი დაგიშავებიათ ჩემთვის.

¹³ეს კი იცით, რომ პირველად ხორცის უძლურებით გახარეთ.

¹⁴მაგრამ თქვენ არ შეიზიზღეთ და არც უგულებელყავით ჩემი ხორციელი განსაცდელი, არამედ შემიწყნარეთ, როგორც ღვთის ანგელოზი, როგორც ქრისტე იესო.

¹⁵სად არის თქვენი მაშინდელი ნეტარება? რადგანაც გემოწმებით: შესაძლებელი რომ ყოფილიყო, ალბათ, თვალებსაც დაითხრიდით და მე მომცემდით.

¹⁶მერედა, ნუთუ მტრად გექეცით იმის შედეგად, რომ ჭეშმარიტებას გიქადაგებთ?

¹⁷თქვენდა სასიკეთოდ როდი მცდელობენ, არამედ სურთ ჩვენგან გაგრიყონ, რათა თავი გამოიდოთ მათთვის.

¹⁸მაგრამ სასიკეთოა მუდმივი მცდელობა სიკეთისათვის, და არამარტო მაშინ, როცა თქვენთანა ვარ.

¹⁹შვილნო ჩემნო, რომელთათვისაც კვლავაც მშობიარობისსალმობით მელმის, ვიდრე თქვენში გამოისახებოდეს ქრისტე.

²⁰ოჰ, ნეტა თქვენს შორის ვიყო და ხმა გამომაცვლევინა,ვინაიდან აღარა მესმის რა თქვენი.

²¹მითხარით, რჯულის ქვეშ ყოფნის მოსურნენო, უსმენთ თუ არარჯულს?

²²რადგანაც დაწერილია, რომ ორი ძე ჰყავდა აბრაამს, ერთიმხევლისაგან, მეორე კი - თავისუფალი ქალისაგან.

²³მაგრამ მხევლისა ხორცისაგან შობილი იყო, ხოლო თავისუფლისა- აღთქმისაგან,

²⁴რაც არის ქარაგმა; ესაა ორი აღთქმა: ერთი სინას მთით,მონის მშობელი, ანუ აგარი,

²⁵რადგანაც აგარი იგივე სინას მთაა არაბეთში დაშეესატყვისება აწინდელ იერუსალიმს, ვინაიდან თავისი შვილებითურთ მონობაშია.

²⁶ხოლო ზენა იერუსალიმი თავისუფალია: ის არის ჩვენი დედა.

²⁷რადგანაც დაწერილია: „გიხაროდეს, უნაყოფოვ, რომელსაც არგიშობია; იმძლავრე და იღაღადე, შობის სალმობით ულმობო, ვინაიდან მიტოვებულსმეტი შვილი ეყოლება, ვიდრე ქმრიანს“.

²⁸ხოლო თქვენ, ძმანო, როგორც ისააკი, აღთქმის შვილები ხართ.

²⁹და როგორც მაშინ ხორციელად შობილი სდევნიდა სულიერს,ასევე ახლაც.

³⁰მაგრამ რას ამბობს წერილი? „განდევნე მხევალი თავისიძითურთ, ვინაიდან ძე მხევლისა ვერ იქნება თავისუფლის ძის თანამემკვიდრე“.

³¹ასე რომ, ძმანო, მხევლის ძენი კი არა ვართ, არამედთავისუფლისა.