Read ახალი ქართულით, Modern Georgian Bible, 1982 ეფესელთა 1 Bible Online

ეფესელთა 1 - ახალი ქართულით, Modern Georgian Bible, 1982 bible

ეფესელთა 1

¹პავლე, ღვთის ნებით იესო ქრისტეს მოციქული, - ეფესოში მყოფ წმიდათ და მორწმუნეთ იესო ქრისტეში:

²მადლი და მშვიდობა ჩვენი მამა ღმრთისა და უფალ იესოქრისტესაგან.

³კურთხეულ იყოს ღმერთი და მამა ჩვენი უფლის იესო ქრისტესი,რომელმაც გვაკურთხა იესო ქრისტეს მიერ ყოველი სულიერი კურთხევით ცაში.

⁴ვინაიდან ქვეყნიერების შექმნამდე ამოგვირჩია მასში, რათაწმიდანი და უბიწონი ვყოფილიყავით მის წინაშე სიყვარულით;

⁵თავისი ნებისამებრ წინასწარვე რომ განსაზღვრავეშვილებინეთ იესო ქრისტეს მეშვეობით,

⁶რათა გვექო დიდება მისი მადლისა, რომელიც მოგვმადლა თავისსაყვარელ ძეში,

⁷ვის მიერაც გვაქვს გამოსყიდვა მისი სისხლით და ცოდვათამოტევება მისივე მადლის სიმდიდრით,

⁸ესოდენ უხვად რომ გვიბოძა ყოველგვარი სიბრძნითა დაგონიერებით,

⁹და გვაუწყა თავისი ნების საიდუმლო თავისივეკეთილმოსურნეობით,

¹⁰რითაც წინასწარ განსაზღვრა თავის თავში, განეგო ჟამთა სისრულე და ყოველივე ზეციურისა და მიწიერისთვის თავი მოეყარა ქრისტეში,

¹¹რომელშიაც გავხდით მემკვიდრენი, რაც წინასწარვე განკუთვნილი იყო ჩვენთვის მისი განჩინების თანახმად, ვინც ყველაფერს აღასრულებს თავისი ნებით,

¹²რათა მისი დიდების მაქებარნი ვყოფილიყავით, იმთავითვე ქრისტეს მოიმედენი;

¹³მასშივე მოისმინეთ თქვენც ჭეშმარიტების სიტყვა, თქვენი ხსნის სახარება, რაც იწამეთ და კიდევაც აღიბეჭდეთ აღთქმული წმიდა სულით,

¹⁴რომელიც არის ჩვენი მემკვიდრეობის წინდი საბოლოო გამოხსნამდე, როცა დავიმკვიდრებთ ჩვენს წილხვედრს მისი დიდების საქებრად.

¹⁵ამიტომ მეც, როცა გავიგე თქვენი რწმენა უფალ იესოსადმი და თქვენი სიყვარული ყველა წმიდის მიმართ,

¹⁶გამუდმებით მადლს ვწირავ ღმერთს თქვენს გამო და ჩემს ლოცვებში გიხსენებთ,

¹⁷რათა მოგცეთ ჩვენი უფლის იესო ქრისტეს ღმერთმა დიდებისმამამ, სიბრძნისა და გამოცხადების სული მის შესაცნობად;

¹⁸და გაანათლოს თქვენი გონების თვალი, რათა შეიცნოთ, რაარის მისი ხმობის იმედი და როგორია მისი დიადი მემკვიდრეობის სიმდიდრეწმიდათა შორის,

¹⁹ან რარიგ განუზომელია მისი ძალმოსილების სიდიადე ჩვენში,რომელთაც გვწამს მისი მძლეთამძლე ძალის წყალობით,

²⁰რომლითაც იმოქმედა ქრისტში, მკვდრეთით აღადგინა დამარჯვნივ დაისვა ცაში,

²¹ყველა მთავრობასა თუ ხელმწიფებაზე, ყველა ძალსა თუუფლებაზე, ყველა იმ სახელზე მაღლა, სახელად რომ ითქმის არა მარტო ამსაწუთროში, არამედ მომავალშიც;

²²ყველაფერი ფეხქვეშ გაუგო და დაუმორჩილა, და მისცა მასმთავრობა ყოველი ეკლესიისა,

²³რომელიც არის მისი სხეული, ყოვლის აღმვსები ყოვლით.