Read ახალი ქართულით, Modern Georgian Bible, 1982 ეფესელთა 4 Bible Online

ეფესელთა 4 - ახალი ქართულით, Modern Georgian Bible, 1982 bible

ეფესელთა 4

¹ამრიგად, შეგაგონებთ მე, ტყვე უფლისა, მოიქეცით იმ ხმობის ღირსად, რომლითაცა ხართ ხმობილნი.

²მთელი ქედმოდრეკილობით და თვინიერებით, დიდსულოვნებითა დასიყვარულით შეიწყნარეთ ერთმანეთი.

³ეცადეთ მშვიდობის საკვრელით შეინარჩუნოთ სულის ერთობა.

⁴ერთია ხორცი და ერთია სული, ისევე, როგორც ხმობილნი ხართთქვენი ხმობის ერთი იმედით.

⁵ერთია უფალი, ერთია რწმენა, ერთია ნათლისღება.

⁶ერთია ღმერთი და ყოველთა მამა, ყველაზე უზენაესი, ყოვლისგამრიგე და ყველაში დავანებული.

⁷ხოლო თვითეულ ჩვენგანს ქრისტესმიერი ნიჭის ზომისამებრმიეცა მადლი.

⁸ამიტომაც თქმულა: „ავიდა მაღლა, წამოასხა ტყვენი დასაბოძვარი უბოძა ხალხს“.

⁹მაგრამ რას ნიშნავს „ავიდა“, თუ არა იმას, რომ უფრო უმალქვესკნელში უნდა ჩასულიყო?

¹⁰ჩასული კი იგივეა, რაც ყველა ცაზე მაღლა ასული, რათა აღავსოს ყოველი.

¹¹მანვე დაადგინა ზოგი მოციქულად, ზოგი წინასწარმეტყველად, ზოგი მახარებლად, ზოგნიც მწყემსებად და მოძღვრებად.

¹²რათა სრულეყოთ წმიდანი მსახურების საქმისათვის - ქრისტეს სხეულის ასაშენებლად,

¹³ვიდრე ყველანი მივაღწევდეთ რწმენის ერთობას და ღმერთის ძის შემეცნებას სრულყოფილ კაცად, ქრისტეს ასაკის სისრულის ზომას,

¹⁴რათა აღარ ვიყოთ ბალღები, რომელთაც არყევს და იტაცებს მოძღვრების ყოველი ქარი, კაცთა ცბიერებითა და ცდუნების მზაკვრული ხერხით,

¹⁵არამედ სიყვარულით მივსდევდეთ ჭეშმარიტებას და ყოველმგრივ ვიზრდებოდეთ მასში, ვინც არის თავი - ქრისტე,

¹⁶ვის მიერაც მთელი სხეული, ურთიერთმჭიდე სახსრებით მტკიცედ შეკრული, თვითეული ასოს ზომიერი ურთიერთშეწევნით იზრდება, რათა აღეშენოს სიყვარულში.

¹⁷ამას ვამბობ და ვმოწმობ უფალში, რათა აღარ იქცეოდეთ ისე, როგორც თავიანთი გონების ამაოებით იქცევიან წარმართნი.

¹⁸გონებადაბნელებულნი და საღმრთო სიცოცხლისაგანგაუცხოებულნი, თავიანთი უმეცრებისა და გულქვაობის გამო,

¹⁹გარყვნილებას რომ მისცემიან გრძნობამიხდილნი და მზადარიან ყოველგვარი უწმინდურება ჩაიდინონ გაუმაძღრობით.

²⁰ხოლო თქვენ ასე როდი შეგიცვნიათ ქრისტე,

²¹რადგანაც არა მარტო მოგისმენიათ, კიდევაც გისწავლიათმისგან (ვინაიდან იესოშია ჭეშმარიტება), -

²²განშორებოდით მაცდურ გულისთქმათაგან გახრწნილი ძველიკაცის უწინდელ ყოფას,

²³განახლებულიყავით თქვენი გონების სულით

²⁴და შეგემოსათ ახალი კაცი, ღვთის მსგავსად შექმნილისამართლიანობითა და ჭეშმარიტების სიწმინდით.

²⁵მაშ, განიშორეთ სიცრუე და თვითეული თქვენგანიჭეშმარიტებას აუწყებდეს თავის მოყვასს, რადგანაც ერთმანეთის ასოები ვართ.

²⁶მრისხანებისას ნუ სცოდავთ; ნუ ჩაესვენება მზე თქვენირისხვით.

²⁷ადგილს ნუ დაუთმობთ ეშმაკს.

²⁸მპარავი ნუღარ მოიპარავს, არამედ იშრომოს და თავისი ხელითკეთილი საქმე აკეთოს, რათა შეეძლოს გაიკითხოს გაჭირვებული.

²⁹ნურავითარი უგვანი სიტყვა ნუ დასცდება თქვენს ბაგეს,არამედ მხოლოდ კეთილიშესაგონებლად, რათა მადლი მიაგოს მსმენელთ.

³⁰ნუ შეაჭირვებთ წმიდა სულს ღვთისას, რომლითაც აღიბეჭდეთგამოხსნის დღისთვის.

³¹ყოველგვარი სიმწარე, მრისხანება, ყვირილი, გმობა შორსიყოს თქვენგან ყოველივე ბოროტთან ერთად.

³²არამედ კეთილნი და ლმობიერნი იყავით ერთურთის მიმართ დამიუტევეთ ერთმანეთს, როგორც ქრისტეში მოგიტევათ თქვენ ღმერთმა.