Read ახალი ქართულით, Modern Georgian Bible, 1982 ეფესელთა 5 Bible Online

ეფესელთა 5 - ახალი ქართულით, Modern Georgian Bible, 1982 bible

ეფესელთა 5

¹მაშ, მიბაძეთ ღმერთს, როგორც საყვარელმა შვილებმა.

²და იარეთ სიყვარულით, როგორც შეგვიყვარა ქრისტემ და ჩვენიგულისთვის შესაწირავად და კეთილსურნელოვან მსხვერპლად მისცა თავისი თავიღმერთს.

³ხოლო სიძვა, ყოველგვარი უწმინდურება და ანგარება საერთოდაღარ იხსენებოდეს თქვენში, როგორც შეშვენის წმიდათ,

⁴არც სიბილწე, ბრიყვული სიტყვა თუ უკადრი ლიზღობა, არამედუპირატესად - მადლიერება.

⁵რადგანაც იცით, რომ არც მეძავს, არც უწმინდურსა დაანგარს, რომელიც არის კერპთმსახური, არა აქვს სამკვიდრო ქრისტესა და ღვთისსასუფეველში.

⁶არავინ გაცდუნოთ ფუჭი სიტყვით, რადგანაც ამისთვის მოიწევარისხვა ღვთისა ურჩობის ძეთა თავზე.

⁷ამიტომაც ნუ იქნებით მათი თანაზიარნი.

⁸რადგან ოდესღაც ბნელი იყავით, ახლა კი ნათელი ხართუფალში. მაშ, იარეთ, როგორც ნათლის შვილებს შეშვენით.

⁹ვინაიდან ნათლის ნაყოფი ყოველგვარ სიკეთეშია,სამართლიანობასა და ჭეშმარიტებაში.

¹⁰გამოსცადეთ, რა შეიძლება მოსწონდეს უფალს.

¹¹ნუ ეზიარებით ბნელის უნაყოფო საქმეს, არამედ უმეტესად ამხილეთ,

¹²ვინაიდან რასაც ფარულად სჩადიან ისინი, სათქმელადაც სამარცხვინოა.

¹³ხოლო ყოველივე მხილებული ნათლით ცხადდება,

¹⁴რადგანაც ნათელია ყოველივე გაცხადებული. ამიტომაც ითქვა: „გაიღვიძე, მძინარევ, აღსდეგ მკვდრეთით, და გაგანათლებს შენ ქრისტე“.

¹⁵მაშ, დაუკვირდით თქვენს ქცევას, არა როგორც უგუნურნი, არამედ როგორც ბრძენნი.

¹⁶გაუფრთხილდით დროს, რადგანაც უკეთურნი არიან დღენი.

¹⁷ასე რომ, ნუ იქნებით უგუნურნი, არამედ შეიცანით, რა არის ნება ღვთისა.

¹⁸ნუ დათვრებით ღვინით, საიდანაც წარმოსდგებააღვირახსნილობა, არამედ აღივსეთ სულით.

¹⁹ფსალმუნებით, საგალობლებითა და სულიერი სიმღერებითელაპარაკეთ ერთმანეთს; თქვენი გულებით უგალობეთ და უმღერეთ უფალს.

²⁰მარადჟამ მადლს სწირავდეთ ყველაფრისათვის ღმერთსა დამამას, ჩვენი უფლი იესო ქრისტეს სახელით.

²¹ქრისტეს შიშით ჰმორჩილებდეთ ერთმანეთს.

²²ცოლებო, დაემორჩილეთ თქვენს ქმრებს, როგორც უფალს.

²³რადგანაც ქმარია ცოლის თავი, ისევე, როგორც ქრისტე თავიაეკლესიისა და თვითონვეა სხეულის მხსნელი.

²⁴მაგრამ როგორც ეკლესია ემორჩილება ქრისტეს, ასევე ცოლებიცთავიანთ ქმრებს - ყველაფერში.

²⁵ქმრებო, გიყვარდეთ თქვენი ცოლები, როგორც ქრისტემშეიყვარა ეკლესია და თავი გასწირა მისთვის,

²⁶რათა სიწმიდით შეემოსა, მას შემდეგ, რაც გაწმინდა წყლისსაბანელით და სიტყვით,

²⁷და ამრიგად განემზადებინა იგი თავის დიდებულ ეკლესიად,ყოველგვარი ნაკლის, მანკის და სხვა მისთანათა გარეშე, არამედ რათა წმიდა დაუმწიკვლო ყოფილიყო.

²⁸ქმრებს ისე უნდა უყვარდეთ თავიანთი ცოლები, როგორცსაკუთარი სხეული; ვისაც ცოლი უყვარს, თავისი თავი უყვარს.

²⁹ვინაიდან არავის არასოდეს მოსძულებია თავისი ხორცი,არამედ ისე უვლის და ასაზრდოებს, როგორც უფალი - ეკლესიას.

³⁰რადგანაც მისი სხეულის ასოები ვართ, მისი ხორცთაგანნი დამისი ძვალთაგანნი.

³¹ამიტომაც მიატოვებს კაცი თავის დედ-მამას, მიეკვრის თავისცოლს და იქნებიან ორივენი ერთ ხორც.

³²ასევე ყოველ თქვენგანსაც თავისი თავივით უყვარდეს ცოლი,ხოლო ცოლს ეშინოდეს ქმრისა.