Read ახალი ქართულით, Modern Georgian Bible, 1982 ეფესელთა 6 Bible Online

ეფესელთა 6 - ახალი ქართულით, Modern Georgian Bible, 1982 bible

ეფესელთა 6

¹შვილებო, დაემორჩილეთ თქვენს მშობლებს უფალში, რადგანაც ეს სამართლიანია.

²„პატივი ეცი მამას შენსას და დედას“, ესაა პირველი მცნებააღთქმით, -

³რათა სიკეთე არ მოგეშალოს და დღეგრძელი იყო ამ ქვეყნად.

⁴თქვენ კი, მამებო, მოთმინებიდან ნუ გამოიყვანთ შვილებს,არამედ აღზარდეთ ისინი უფლის შეგონებით და სწავლით.

⁵მონებო, დაემორჩილეთ თქვენს ხორციელ ბატონებს შიშით,ძრწოლით და გულის სიწრფელით, როგორც ქრისტეს;

⁶არა თვალთმაქცური სამსახურით, როგორც პირმოთნენი, არამედროგორც ქრისტეს მონები, სულით რომ ასრულებენ ღვთის ნებას.

⁷კეთილი ნებით ჰმონებდეთ მათ, როგორც უფალს, და არა როგორცადამიანებს.

⁸იცოდეთ, რომ ყველა, მონაც და თავისუფალიც, ვინც კისიკეთეს სჩადის, საზღაურს მიიღებს უფლისგან.

⁹თქვენც, ბატონებო, ასევე ექცეოდეთ მონებს; დაიოკეთსისასტიკე, გახსოვდეთ, რომ ცაშია თქვენი და მათი უფალი, ვისთვისაც უცხოამიკერძოება.

¹⁰და ბოლოს, ძმანო, გასალკლდევდით უფლის მეოხებით და მისი ძალის სიმტკიცით.

¹¹შეიმოსეთ ღვთის სრული საჭურველი, რათა შეგეძლოთ წინ აღუდგეთ ეშმაკის ხრიკებს,

¹²რადგანაც სისხლისა და ხორცის წინააღმდეგ კი არ ვიბრძვით, არამედ მთავრობათა და ხელმწიფებათა, ამ ბნელი საწუთროს მპყრობელთა და ცისქვეშეთის უკეთურ სულთა წინააღმდეგ.

¹³ამიტომ ხელთ იპყარით ღვთის საჭურველი, რათა უკეთურ დღეს შეგეძლოთ წინააღმდეგობა და, ყოვლის მძლეველნი, კვლავ მტკიცედ იდგეთ.

¹⁴მაშ, აღიმართეთ, ჭეშმარიტება შეირტყით წელზე და სიმართლის აბჯრით შეიმოსეთ,

¹⁵ფეხთ კი მზადყოფნა ჩაიცვით მშვიდობის სახარების საქადაგებლად.

¹⁶ამასთან, იფარეთ რწმენის ფარი, რომლითაც შესძლებთ ბოროტების ცეცხლოვან ისართა დაშრეტას,

¹⁷აიღეთ ხსნის ჩაჩქანი და სულის მახვილი, რომელიც არისღვთის სიტყვა.

¹⁸ყოველგვარი ლოცვა-ვედრებით დღენიადაგ ილოცეთ სულით,ეცადეთ მუდამ ფხიზლად იყოთ და გულმხურვალედ ლოცულობდეთ ყველა წმიდისთვის,

¹⁹ისევე, როგორც ჩემთვის, რათა მომეცეს სიტყვა და ჩემიპირით თამამად ვიქადაგო სახარების საიდუმლო,

²⁰რისთვისაც ვმოციქულობ ბორკილდადებული და თამამადვლაპარაკობ, რისი თქმაც მმართებს.

²¹ხოლო ჩემს ამბავს დაწვრილებით გაუწყებთ ტიქიკოსი,საყვარელი ძმა და უფლის ერთგული მსახური,

²²რომელიც სწორედ იმიტომ წარმოვგზავნე, რომ ჩვენი ამბავიშეეტყობინებინა და ენუგეშებინა თქვენი გულები.

²³მშვიდობა ძმებს და სიყვარული რწმენითურთ, მამა ღმერთისადა უფალ იესო ქრისტესაგან.

²⁴მადლი ყველას, ვისაც უცვლელი სიყვარულით უყვარს უფალიჩვენი იესო ქრისტე. ამინ.