Read ახალი ქართულით, Modern Georgian Bible, 1982 ფილიპელთა 2 Bible Online

ფილიპელთა 2 - ახალი ქართულით, Modern Georgian Bible, 1982 bible

ფილიპელთა 2

¹ამრიგად, თუ არის რაიმე ნუგეში ქრისტეში, თუ არის რაიმე სიამე სიყვარულისა, თუ არის რაიმე თანაზიარობა სულისა, თუ არის რაიმე თანალმობა ან წყალობა,

²აღავსეთ ჩემი სიხარული, რათა იყოთ თანამზრახველნი, ერთიდა იმავე სიყვარულით გულშეძრულნი, ერთსულოვანნი და თანამოაზრენი.

³ნურას ჩაიდენთ ცილობით და ცუდმედიდობით, არამედ,ქედმოდრეკილნი, საკუთარ თავზე უმეტესად მიიჩნევდეთ ერთიმეორეს.

⁴მარტო თავის თავზე ნუკი ზრუნავს თვითეული თქვენგანი,არამედ სხვებზეც იზრუნოს.

⁵იგივე ზრახვები გქონდეთ, როგორიც ქრისტე იესოს,

⁶რომელსაც, თუმცა ღვთის ხატი იყო, ნაძარცვად არ შეურაცხავსღვთის სწორად ყოფნა.

⁷მაგრამ თავი დაიმცრო, მონის ხატი შეიმოსა და გარეგნობითკაცის მსგავსებად იქცა.

⁸თავი დაიმდაბლა და მორჩილი გახდა თვით სიკვდილამდე,ჯვარცმით სიკვდილამდე.

⁹ამიტომაც აღამაღლა იგი ღმერთმა და ყველა სახელზე უზენაესისახელი მისცა,

¹⁰რათა იესოს სახელის წინაშე მოიდრიკოს ყოველი მუხლი, ზეცისაც, ქვეყნისაც და ქვესკნელისაც,

¹¹და ყველა ენამ აღიაროს, რომ იესო ქრისტე არის უფალი, სადიდებლად ღვთის და მამისა.

¹²ამრიგად, ჩემო საყვარელნო, როგორც ყოველთვის მორჩილნი იყავით, არა მარტო ჩემი მანდ ყოფნისას, არამედ, მით უმეტეს, ახლა, როცა შორსა ვართ თქვენგან, - შიშით და ძრწოლით აღასრულეთ თქვენი ხსნის საქმე.

¹³რადგან ღმერთია ის, ვინც ბადებს თქვენში ნდომასაც და ქმედებასაც თავისი კეთილნებელობით.

¹⁴ყველაფერი აღასრულეთ უდრტვინველად და უყოყმანოდ,

¹⁵რათა იყოთ უბიწონი და უმანკონი, ღვთის უმწიკვლო შვილნი უკუღმართ და გახრწნილ მოდგმაში, რომელშიც ნათობთ, როგორც მნათობნი სამყაროში,

¹⁶სიცოცხლის სიტყვის მფლობელნი, რათა ქრისტეს დღეს დავიქადო, რომ ამაოდ არ ვრბოდი და არც ამაოდ ვიღვწოდი.

¹⁷მაგრამ სისხლადაც რომ ვესხურო თქვენი რწმენის მსხვერპლსდა მსახურებას, თქვენთან ერთად ვილხენ და ვხარობ.

¹⁸მაშ, თქვენც ილხენდეთ და ხარობდეთ ჩემთან ერთად.

¹⁹იმედი მაქვს, თუ უფალმა ჩვენმა ქრისტემ ინება, მალეგაახლოთ ტიმოთე, რათა შევიტყო თქვენი ამბავი და მეც გავმხნევდე სულით.

²⁰რადგანაც სხვა არავინ მყავს ჩემი სულის თანაზიარი,მასავით წრფელად რომ ზრუნავდეს თქვენზე.

²¹ვინაიდან ყველა თავისას ეძებს და არა იესო ქრისტესას.

²²მის გამოცდილებას კი იცნობთ, ვინაიდან, როგორც მამას -შვილი, ისე ემსახურა სახარებას ჩემთან ერთად.

²³ასე რომ, იმედი მაქვს მალე გაახლოთ, როგორც კი გავიგებ, რა მელის.

²⁴მჯერა უფლისა, რომ თვითონაც მალე გეწვევით.

²⁵მაგრამ საჭიროდ მივიჩნიე გამომეგზავნა ეპაფროდიტოსი, ჩემი ძმა, ჩემი თანამოსაქმე და თანამებრძოლი, იგივე თქვენი მოციქული და ჩემი გაჭირვების მსახური.

²⁶რადგანაც გულით უნდოდა ყველა თქვენგანის ნახვა და ძალზე შეწუნდა, როცა გაიგო, რომ თქვენამდეც მოუღწევია მისი ავადმყოფობის ამბავს.

²⁷და მართლაც, ისე ავად იყო, რომ კინაღამ ხელიდან გამოგვეცალა, მაგრამ ღმერთმა შეიწყალა ის, და არა მარტო ის, არამედ მეც, რათა მწუხარება მწუხარებაზე არ დამრთვოდა.

²⁸ამიტომ საჩქაროდ გამოვგზავნე, რომ გაგეხარათ მისი ხილვით და მეც მომკლებოდა სადარდელი.

²⁹მთელი სიხარულით შეიწყნარეთ იგი უფალში და პატივი ეცით მისთანებს.

³⁰ვინაიდან ქრისტეს სამსახურისათვის გადადო და სასიკვდილოდ გასწირა თავი, რათა ჩემდამი თქვენი სამსახურის დანაკლისი შეევსო.