Read ახალი ქართულით, Modern Georgian Bible, 1982 კოლასელთა 1 Bible Online

კოლასელთა 1 - ახალი ქართულით, Modern Georgian Bible, 1982 bible

კოლასელთა 1

¹პავლე, ღვთის ნებით იესო ქრისტეს მოციქული, და ძმა ტიმოთე -

²კოლოსეში მყოფი წმიდათ და მორწმუნე ძმებს ქრისტეში: მადლითქვენდა და მშვიდობა ჩვენი მამა ღმრთისაგან.

³დღენიადაგ თქვენთვის მლოცველნი მადლს ვწირავთ ღმერთს დაჩვენი უფლის იესო ქრისტეს მამას,

⁴რადგანაც გავიგეთ თქვენი რწმენა ქრისტე იესოში დასიყვარული ყველა წმიდის მიმართ,

⁵ცაში თქვენთვის გამზადებული იმედის გამო, რაც წინასწარვეისმინეთ სახარების ჭეშმარიტი სიტყვით,

⁶რომელიც ისევეა თქვენში, როგორც მთელ საწუთროში, სადაცგამოაქვს ნაყოფი და ისევე იზრდება, როგორც თქვენს შორის, იმ დღიდანმოყოლებული, რაც ისმინეთ და ჭეშმარიტებით შეიმეცნეთ ღვთის მადლი;

⁷როგორც გისწავლიათ ჩვენი საყვარელი თანამდგომის,ეპაფრასაგან, ერთგულად რომ ემსახურება ქრისტეს თქვენი ხსნისათვის;

⁸მანვე გვაუწყა თქვენი სიყვარული სულით.

⁹ამიტომ ჩვენც, იმ დღის შემდეგ, რაც ეს გავიგეთ,გამუდმებით ვლოცულობთ თქვენთვის და შევთხოვთ ღმერთს, რომ აღივსოთ მისინების შემეცნებით, მთელი სიბრძნითა და სულიერი წვდომის უნარით,

¹⁰რათა ისე იქცეოდეთ, რისი ღირსიცაა უფალი, ყოველნაირად ცდილობდეთ აამოთ მას, ნაყოფი გამოგქონდეთ ყველა კეთილ საქმეში და იზრდებოდეთ ღვთის შემეცნებით,

¹¹ყოველმხრივ ძლიერდებოდეთ მისი დიდების სიმტკიცით, რათა ყოვლისმთმენნი და სულგრძელნი იყოთ,

¹²სიხარულით ჰმადლობდეთ ღმერთსა და მამას, რომელმაც იმის ღირსნი გვყო, რომ წმიდათა ხვედრს ვზიარებოდით ნათელში;

¹³რომელმაც გვიხსნა სიბნელის ხელმწიფებისგან და შეგვიყვანა თავისი ძის სასუფეველში,

¹⁴ვინც გამოგვისყიდა თავისი სისხლით და მოგვიტევა ჩვენი ცოდვები;

¹⁵ვინც არის ხატი უხილავი ღვთისა, ყველა ქმნილებაზე უწინარესი,

¹⁶რადგანაც მასში შეიქმნა ყოველი, მიწიერიც და ზეციერიც; ხილული თუ უხილავი, საყდარნი თუ უფლებანი, მთავრობანი თუ ხელმწიფებანი - ყველაფერი მის მიერ და მისთვის შეიქმნა.

¹⁷ის არის ყოვლის უწინარესი, და ყველაფერი მისი მეოხებითდგას.

¹⁸ის არის თავი ეკლესიის სხეულისა, პირმშო მკვდართაგან,რათა ყველაფერში პირველობდეს,

¹⁹რადგანაც კეთილინება მამამ, რომ მასში დამკვიდრებულიყომთელი სავსება,

²⁰რათა მისი მეშვეობიი, შემოერიგებინა ყოველი და მისი ჯვრისსისხლით დაეცხრო ყველაფერი - მიწიერიც და ზეციერიც.

²¹და თქვენც, ოდესღაც უცხოქმნილნი თუ გონებით მტერნი,უკეთურ საქმეთაკენ მიდრეკილნი,

²²აწ მისი სიკვდილით შეგირიგათ მისსავე ხორციელ სხეულში,რათა წმიდანი, უბიწონი და უბრალონი წარგადგინოთ თავის წინაშე,

²³მაგრამ ამისთვის საჭიროა, რომ რწმენით დამკვიდრებულნი და განმტკიცებულნი არ განეშოროთ სასოებას სახარებისას, რომელიც გსმენიათ, ცისქვეშეთის ყველა ქმნილებისთვის ქადაგებული, და რომლის მსახურიც გავხდი მე, პავლე.

²⁴ახლა კი ვხარობ ჩემი ვნებების გამო, რომლებიც დავითმინე ჩვენი გულისთვის, და რაც დააკლდა ქრისტეს ურვას, ჩემი ხორცით ვავსებ მისი სხეულისათვის, რომელიც არის ეკლესია.

²⁵ხოლო მე მისი მსახური გავხდი ღვთის განგებულებით, რომელიც მომენდო თქვენთვის, რათა აღვასრულო ღვთის სიტყვა, -

²⁶საიდუმლო, დაფარული უკუნისიდან და თაობათა დასაბამიდან, ხოლო აწ გაცხადებული მის წმიდათათვის,

²⁷რომელთაც ღვთის ნებით ეუწყა, რა არის სიუხვე ამ საიდუმლოს დიდებისა წარმართთა შორის: ესაა ქრისტე თქვენში, დიდების სასოება,

²⁸რომელსაც ვქადაგებთ და შევაგონებთ ყველას, რათა მთელი სიბრძნით დავმოძღვროთ ყოველი კაცი და სრულქმნილად წარვადგინოთ ქრისტე იესოში;

²⁹რისთვისაც ვშრომობ და ვიღწვი მისი ძალით, ძლევამოსილად რომ მოქმედებს ჩემში.