Read ახალი ქართულით, Modern Georgian Bible, 1982 კოლასელთა 3 Bible Online

კოლასელთა 3 - ახალი ქართულით, Modern Georgian Bible, 1982 bible

კოლასელთა 3

¹თუკი ქრისტესთან ერთად აღდექით, ზეცისას ეძიებდეთ, სადაც ქრისტე ზის ღვთის მარჯვნივ.

²ზეცისას ფიქრობდეთ და არა მიწისას.

³რადგანაც მოკვდით და თქვენი სიცოცხლე ქრისტესთან ერთადდაიფარა ღმერთში.

⁴როდესაც გამოჩნდება ქრისტე, თქვენი სიცოცხლე, მასთანერთად თქვენც გამოჩნდებით დიდებით.

⁵მაშ, მოაკვდინეთ თქვენი მიწიერი ასონი: სიძვა,უწმინდურება, ვნება, ბოროტი გულისთქმა და ანგარება, რომელიც არისკერპთმსახურება.

⁶მათ გამო მოიწევა ღვთის რისხვა ურჩობის ძეთა თავზე,

⁷რომელთა შორისაც იყავით თქვენც, როცა მათთან ერთადცხოვრობდით.

⁸ახლა კი განიშორეთ ყველაფერი: რისხვა, გულისწყრომა,ბოროტება, გმობა და უგვანი სიტყვა თქვენს ბაგეთაგან.

⁹ნუ ეცრუებით ერთმანეთს, რაკიღა უკვე შემოიძარცვეთ ძველიკაცი მისი ყოველი საქმითურთ,

¹⁰და შეიმოსეთ ახალი, რომელიც განახლდება შემეცნებით მისი შემოქმედის ხატად,

¹¹სადაც არ არის ბერძენი და იუდეველი, წინადაცვეთილობა თუ წინადაუცვეთელობა, ბარბაროსი, სკვითი, მონა თუ თავისუფალი, არამედ ქრისტეა ყველაფერი და ყველაფერში.

¹²მაშ, ღვთის რჩეულთა, წმიდათა და საყვარელთა დარად, შეიმოსეთ გულმოწყალება, სიტკბოება შემწყნარებლობა, სიმდაბლე, სიმშვიდე, დიდსულოვნება.

¹³შემწყნარენი და მიმტევებელნი იყავით ერთურთის მიმართ: თუკი ვინმეს რაიმე სადავო აქვს ვინმესთან, როგორც ქრისტემ მოგიტევათ, თქვენც ასევე მიუტევეთ ერთმანეთს.

¹⁴ყოველივე ამას კი თან ახლდეს სიყვარული, რომელიც არის საკვრელი სრულქმნილებისა.

¹⁵დაე, სუფევდეს თქვენს გულებში ქრისტეს მშვიდობა, რის მიმართაც ერთ სხეულად ხართ ხმობილნი; და მადლიერნი იყავით.

¹⁶დაე, ქრისტეს სიტყვა მთელი სიბრძნითა და სიუხვით დაემკვიდროს თქვენში; ფსალმუნებით, საგალობლებითა და სულიერი შესხმით ასწავლეთ და შეაგონეთ ერთმანეთს; მადლიერებით უგალობეთ უფალს თქვენს გულებში.

¹⁷ყველაფერი, რასაც სიტყვით თუ საქმით ასრულებთ, აღასრულეთუფალ იესოს სახელით, რათა მის მიერ ჰმადლობდეთ ღმერთსა და მამას.

¹⁸ცოლებო, დაემორჩილეთ თქვენს ქმრებს, როგორც გმართებთკიდეც უფალში.

¹⁹ქმრებო, გიყვარდეთ თქვენი ცოლები და ნუ იქნებით მკაცრნიმათ მიმართ.

²⁰შვილებო, დაემორჩილეთ თქვენს მშობლებს ყველაფერში,რადგანაც ეს ეამება უფალს.

²¹მამებო, ნუ აღაშფოთებთ თქვენს შვილებს, რათა სულით არდაეცნენ.

²²მონებო, ყველაფერში დაემორჩილეთ თქვენს ხორციელ ბატონებს,მაგრამ მოჩვენებითი სამსახურით კი არა, როგორც იქცევიან პირფერნი, არამედგულის სიწრფელით და ღვთისმოშიშებით.

²³ყველაფერი, რასაც აკეთებთ, გულით აკეთეთ, როგორც ღვთისათვის და არა კაცთათვის.

²⁴იცოდეთ, რომ უფლისგან საზღაურად მიიღებთ მემკვიდრეობას, ვინაიდან უფალ იესოს ემსახურებით.

²⁵უსამართლოს კი მიეგება იმის მიხედვით, რაც უსამართლოდ მოიმოქმედა, რადგანაც უფლისთვის უცხოა მიკერძოება.