Read ახალი ქართულით, Modern Georgian Bible, 1982 კოლასელთა 4 Bible Online

კოლასელთა 4 - ახალი ქართულით, Modern Georgian Bible, 1982 bible

კოლასელთა 4

¹ბატონებო, მიაგეთ მონებს, რაც სწორია და სამართლიანი; გახსოვდეთ, რომ თქვენცა გყავთ უფალი ცაში.

²გულმოდგინედ ილოცეთ და იფხიზლეთ მასში მადლიერებით.

³ჩვენთვისაც ილოცეთ, რათა უფალმა გაგვიღოს სიტყვის კარიქრისტეს საიდუმლოს საუწყებლად, რისთვისაც მადევს ბორკილი;

⁴რათა ისე განვაცხადო, როგორც მმართებს მისი უწყება.

⁵ბრძნულად მოიქეცით გარეშეთა მიმართ; დრო მოიხმარეთ.

⁶თქვენი სიტყვა ყოველთვის მადლიანი იყოს, მარილითშეზავებული, რათა იცოდეთ, ვის რა მიუგოთ.

⁷ჩემს ამბავს დაწვრილებით გაუწყებთ ტიქიკოსი, საყვარელიძმა, სანდო მსახური და თანამოღვაწე უფალში,

⁸რომელიც იმიტომ გაახლეთ, რომ გაუწყოთ ჩვენი ამბავი დანუგეში სცეს თქვენს გულებს,

⁹ონისიმესთან, სანდო და საყვარელ ძმასთან ერთად; ისინიგაუწყებენ აქაურ ამბებს.

¹⁰მოკითხვას გითვლით არისტარქე, ჩემთან ერთად ტყვედ ნამყოფი, აგრეთვე მარკოზი, ბარნაბას ბიძაშვილი, ვისზედაც გაცნობეთ, თუ გეწვიათ, შეიწყნარეთ-მეთქი,

¹¹და იესო, იუსტუსად წოდებული; წინდაცვეთილთაგან მხოლოდ ესენი მედგნენ მხარში ღვთის სასუფევლის ქადაგებისას, მხოლოდ ესენი იყვნენ ჩემი ნუგეში.

¹²მოკითხვას გითვლით თქვენიანი ეპაფრა, დღენიადაგ რომ ლოცულობს თქვენთვის, რათა მტკიცედ იდგეთ, სრულნი და სავსენი ღვთის მთელი ნებით.

¹³მე ვუმოწმებ, რომ დიდად მოწადინებულია თქვენთვის, ლაოდიკელთა და ჰიერაპოლისელთათვის.

¹⁴მოგიკითხავთ ლუკა, საყვარელი მკურნალი, და დემასი.

¹⁵მოიკითხეთ ლაოდიკელი ძმები, აგრეთვე ნიმფასი და მისი შინაური ეკლესია.

¹⁶როცა ამ წერილს წაიკითხავთ, ისე მოიქეცით, რომ ლაოდიკელთა ეკლესიაშიც წაიკითხონ, მათთვის გაგზავნილი წერილი კი თქვენც წაიკითხეთ.

¹⁷არქიპოსს უთხარით: შენ იცი, როგორ აღასრულებ მსახურებას,უფლისგან რომ მიიღე-თქო.

¹⁸მოგიკითხავთ მე, პავლე, ჩემი ხელით. გახსოვდეთ ჩემიტყვეობა. მადლი თქვენთან. ამინ.