Read ახალი ქართულით, Modern Georgian Bible, 1982 იესო ნავეს ძე 1 Bible Online

იესო ნავეს ძე 1 - ახალი ქართულით, Modern Georgian Bible, 1982 bible

იესო ნავეს ძე 1

¹უფლის მორჩილის, მოსეს სიკვდილის შემდეგ უთხრა უფალმა იესო ნავეს ძეს, მოსეს მსახურს:

²მოკვდა ჩემი მორჩილი მოსე. ახლა ადექი და გადალახე ესიორდანე მთელი ერითურთ და შედი იმ ქვეყანაში, რომელიც მოგეცით თქვენ,ისრაელიანებს.

³ყოველი ადგილი, სადაც კი თქვენი ფეხის ტერფი დაიდგმება,თქვენთვის მომიცია, როგორც ვუთხარი მოსეს -

⁴უდაბნოდან და ამ ლიბანიდან დიდ მდინარემდე, ევფრატისმდინარემდე ხეთელთა მთელი ქვეყანა. დიდ ზღვამდე და მზის დასავლამდეგექნებათ საზღვრები.

⁵ვერვინ დაგიდგება წინ მთელი შენი სიცოცხლე. როგორცმოსესთან ვიყავი, ასევე შენთან ვიქნები, არ გამოგეცლები და არ მიგატოვებ.

⁶გამაგრდი და მტკიცედ დეგ, რადგან შენ უნდა დაუმკვიდრო ამხალხს ის ქვეყანა, რომლის მიცემასაც შევპირდი მათ მამა-პაპას.

⁷ოღონდ გამაგრდი და მტკიცედ დეგ მთელი რჯულის აღსრულებაში,რაც გიანდერძა მოსემ, ჩემმა მორჩილმა. არ გადაუხვიო მისგან არც მარჯვნივ,არც მარცხნივ, რომ ყველგან წარმატებით იარო.

⁸ნუ გაქრება რჯულის ეს წიგნი შენი ბაგეებიდან, დღითა დაღამით ფიქრობდე მასზე, რომ ყველაფერი შეასრულო, რაც იქ წერია. რადგან მაშინწარგემართება გზა და მაშინ გექნება წარმატება.

⁹ხომ ჩაგაგონე, გამაგრდი, გამხნევდი, ნუ შედრკები და ნუ შეშინდები-მეთქი, რადგან შენთან იქნება უფალი, შენი ღმერთი, სადაც კი წახვალ.

¹⁰უბრძანა იესომ ერის რჯულისკაცებს:

¹¹მოიარეთ ბანაკი და გამოუცხადეთ ხალხს: გაიმზადეთ-თქო საგზალი, რადგან სამი დღის შემდეგ უნდა გახვიდეთ ამ იორდანეს გაღმა, რათა დაიმკვიდროთ ქვეყანა, რომელიც უფალმა, თქვენმა ღმერთმა მოგცათ დასამკვიდრებლად.

¹²რეუბენელებს, გადელებს და მენაშეს შტოს ნახევარს ასეუთხრა იესომ:

¹³გაიხსენეთ სიტყვა, რომელიც გამოგიცხადათ მოსემ, უფლისმორჩილმა: უფალი, თქვენი ღმერთი დაგასვენებთ და მოგცემთ ამ ქვეყანას.

¹⁴თქვენი ცოლები, თქვენი ბავშვები და თქვენი საქონელიდარჩეს ქვეყანაში, რომელიც მოგცათ მოსემ იორდანეს გაღმა; თქვენ კიშეჭურვილნი გაუძეღიი თქვენს ძმებს, მეომრებო, და შეეწიეთ მათ,

¹⁵ვიდრე არ დაგასვენებთ უფალი თქვენ და თქვენს ძმებს, ვიდრეისინიც არ დაიმკვიდრებენ ქვეყანას, რომელსაც აძლევს მათ უფალი. მერედაბრუნდით თქვენს სამკვიდრო ქვეყანაში და დაიმკვიდრეთ ის, რომელიც მოგცათმოსემ, უფლის მორჩილმა, იორდანეს გაღმა, აღმოსავლეთის მხარეს.

¹⁶პასუხად უთხრეს იესოს: რაც გვიბრძანე, ყველაფერს შევასრულებთ და ყველგან წავალთ, სადაც კი გაგვგზავნი.

¹⁷როგორც მოსეს ვუჯერებდით, ისე შენ დაგიჯერებთ. ოღონდუფალი, შენი ღმერთი, იყოს შენთან, როგორც მოსესთან იყო.

¹⁸ყოველი კაცი, ვინც არ დაემორჩილება შენს ნაბრძანებს და არგაიგონებს შენს სიტყვას, რასაც გვიბრძანებ, სიკვდილით დაისჯება. ოღონდგამაგრდი და მტკიცედ დეგ.