Read ახალი ქართულით, Modern Georgian Bible, 1982 იესო ნავეს ძე 14 Bible Online

იესო ნავეს ძე 14 - ახალი ქართულით, Modern Georgian Bible, 1982 bible

იესო ნავეს ძე 14

¹ეს არის, რაც დაიმკვიდრეს ისრაელიანებმა ქანაანის ქვეყანაში, რაც გაუნაწილეს მათ სამკვიდროებად ელეაზარ მღვდელმა, იესო ნავეს ძემ და ისრაელიანთა შტოების მამამთავრებმა.

²წლის ყრით ერგოთ საზღვრები, როგორც ნაბრძანები ჰქონდაუფალს მოსეს პირით, ცხრა შტოს და ნახევარ შტოს.

³რადგან ორ შტოსა და ნახევარ შტოს იორდანეს გაღმა მისცამოსემ სამკვიდრო; ხოლო ლევიანთათვის არ მიუცია სამკვიდრო ამათ შორის.

⁴ეს იმიტომ, რომ იოსების სახლიდან ორი შტო იყო გამოსული:მენაშე და ეფრემი. არ მიუციათ ლევიანებისთვის წილი მიწაზე, არამედ მხოლოდქალაქები მისცეს საცხოვრებლად და მათი შემოგარენი საქონლისა და სხვასარჩო-საბადებლისთვის.

⁵როგორც ნაბრძანები ჰქონდა უფალს მოსესთვის, ისე მოიქცნენისრაელიანები: დაინაწილეს ქვეყანა.

⁶მივიდნენ იუდაელები იესოსთან გილგალში და უთხრა მას ქალებიეფუნეს ძემ, კენიზელმა: შენ იცი, რაც უთხრა უფალმა მოსეს ჩემზე და შენზეკადეშ-ბარნეაში.

⁷ორმოცი წლის ვიყავი, როცა გამგზავნა მოსემ, უფლისმორჩილმა, კადეშ-ბარნეაიდან ქვეყნის დასაზვერად. მეც უზაკველად მივუტანეამბავი.

⁸ჩემმა ძმებმა, ჩემთან რომ იყვნენ წამოსულნი, გულიგაუტეხეს ხალხს, მე კი ბოლომდე ვუერთგულე უფალს, ჩემს ღმერთს.

⁹ასე დაიფიცა იმ დღეს მოსემ: შენი და შენი შვილების სამკვიდრო იყოს ის მიწა, სადაც შენ ფეხი დაგიდგამს, რადგან ბოლომდე უერთგულე უფალს, ჩემს ღმერთს.

¹⁰აჰა, მაცოცხლა უფალმა, როგორც დაპირებული იყო.ორმოცდახუთი წელი გავიდა უკვე მას მერე, რაც ეს სიტყვები უთხრა უფალმამოსეს, როცა უდაბნოში დადიოდა ისრაელი. ახლა კი, აჰა, ოთხმოცდახუთი წლისვარ.

¹¹ჯერაც ისეთივე მაგარი ვარ, როგორც მაშინ, მოსე რომ მაგზავნიდა. რა ძალაც მაშინ მქონდა, ახლაც ის ძალა მაქვს საბრძოლველად და მისასვლელ-მოსასვლელად.

¹²ახლა მომეცი ის მთა, რომელზეც უფალი ლაპარაკობდა იმ დღეს,რადგან შენ გაგებული გქონდა იმ დღეს, რომ ყანაკები იყვნენ იქ და დიდიციხე-ქალაქები ეჭირათ. იქნებ უფალი შემეწიოს და ავყარო ისინი, როგორცნათქვამი აქვს უფალს.

¹³აკურთხა ქალებ იეფუნეს ძე იესომ და მისცა მას სამკვიდროდ ხებრონი.

¹⁴ამიტომ არის ქალებ იეფუნეს ძის, კენიზელის სამკვდროხებრონი დღევანდლამდე, რადგან ბოლომდე უერთგულა მან უფალს, ისრაელისღმერთს.

¹⁵უწინ ხებრონს კირიათ-არბაყი ერქვა; დიდი კაცი იყო იგიყანაკებში. დაისვენა ქვეყანამ ბრძოლებისგან.