Read ახალი ქართულით, Modern Georgian Bible, 1982 იესო ნავეს ძე 2 Bible Online

იესო ნავეს ძე 2 - ახალი ქართულით, Modern Georgian Bible, 1982 bible

იესო ნავეს ძე 2

¹გაგზავნა ფარულად იესო ნავეს ძემ შიტიმიდან ორი მსტოვარი და დააბარა მათ: წადით, დაზვერეთ ქვეყანა და იერიხონი. ისინიც წავიდნენ და მივიდნენ ერთი მეძავის, სახელად რახაბის სახლში. და ღამე გაათიეს იქ.

²ამბავი მოუვიდა იერიხონის მეფეს: აჰა, ხალხი მოსულა აქღამით ისრაელიანთაგან ქვეყნის დასაზვერად.

³შეუთვალა იერიხონის მეფემ რახაბს: გამოიყვანე კაცები,შენთან რომ მოვიდნენ, სახლში რომ გყავს, რადგან ქვეყნის დასაზვერად არიანმოსულნი.

⁴ადგა და დამალა ქალმა ეს ორი კაცი, თქვა: მართლაცმოვიდნენ ჩემთან კაცები, მაგრამ არ ვიცი, საიდან იყვნენ.

⁵მწუხრისას, კარიბჭეს რომ კეტავდნენ, მაშინ გავიდნენ ისკაცები, არ ვიცი, საით წავიდნენ; საჩქაროდ დაედევნეთ და დაეწევით.

⁶თავად კი სხვენზე აიყვანა ისინი და დამალა სელის ჩალაში,სხვენზე რომ ჰქონდა გაფენილი.

⁷მდევრები კი დაედევნენ მათ. გარბოდნენ იორდანისკენმიმავალ გზაზე, ფონამდე. ქალაქის კარიბჭე მდევრების გასვლისთანავე ჩაკეტ ეს.

⁸ვიდრე დაწვებოდნენ მსტოვრები, ქალი ავიდა მათთან,სხვენზე.

⁹უთხრა კაცებს: მე ვიცი, რომ უფალმა თქვენ მოგცათ ეს ქვეყანა, რომ თქვენმა შიშმა მოგვიცვა ყველანი და რომ ამ ქვეყნის მკვიდრნი შეძრწუნებულნი არიან თქვენს წინაშე.

¹⁰რადგან გვსმენია, როგორ ამოაშრო თქვენს წინამე უფალმამეწამული ზღვა, როცა ეგვიპტიდან გამოდიოდით, რა უყავით ორ ამორეველ მეფეს,იორდანეს გაღმელო სიხონსა და ყოგს, რომელთაც მუსრი გაავლეთ.

¹¹შევიტყვეთ და შეგვიდრკა გული, მხნეობა აღარავის შერჩა თქვენს გამო, რადგან უფალი, თქვენი ღმერთი ღმერთია მაღლა ცაში და დაბლა დედამიწაზე.

¹²ახლა დამიფიცეთ უფალი, რომ როგორც მე გიყავით სიკეთე,ასევე უყოფთ სიკეთეს მამაჩემის სახლს და სარწმუნო ნიშანს მომცემთ.

¹³დაინდეთ მამაჩემი და დედაჩემი, ჩემი ძმები და დები, და ყველანი, ვინც კი მათ ჰყავთ; გვიხსენით სიკვდილისგან.

¹⁴უთხრეს კაცებმა: თავს დავდებთ შენთვის, თუ არ გააცხადებამ ჩვენს ამბავს. და როცა უფალი მოგვცემს ამ ქვეყანას, ჩვენც სიყვარულსა დაერთგულებას დაგიმტკიცებთ.

¹⁵სარკმლიდან თოკით ჩაუშვა ისინი, რადგან გალავნის კედელშიიყო მისი სახლი, გალავანში ცხოვრობდა იგი.

¹⁶უთხრა მათ ქალმა: მთაში წადით, მდევრებს რომ არ გადააწყდეთ, სამ დღეს იქ დაიმალეთ, ვიდრე მდევრები დაბრუნდებოდნენ. მერე კი თქვენს გზას დაადექით.

¹⁷უთხრეს კაცებმა: თავისუფალნი ვიქნებით ამ ფიცისგან, რითაცდაგვაფიცე,

¹⁸თუ ეს მეწამული თოკი, რომლითაც ძირს ჩაგვიყვანე,ქვეყანაში ჩვენი შემოსვლისას სარკმელზე არ გექნა გამობმული; შენი დედ-მამა,შენი ძმები და მამაშენის მთელი სახლეული შენთან გყავდეს სახლში.

¹⁹თუ მოხდა და, შენი სახლის კარიდან ვინმე გარეთ გავიდა,მისი სისხლი მის თავზე იყოს. ჩვენ ბრალი არ გვექნება. ხოლო ვინც შენთანიქნება სახლში, მისი სისხლი ჩვენს თავზე იყოს, თუ ვინმემ ხელი გამოიღო მათწინააღმდეგ.

²⁰თუ გათქვამ ამ ჩვენს საქმეს, თავისუფალნი ვარ ფიცისაგან,რომლითაც შენ დაგვაფიცე.

²¹თქვა ქალმა: თქვენის სიტყვისამებრ იყოს. გაისტუმრა დაწავიდნენ ისინიც. ხოლო მან სარკმელს გამოაბა მეწამული თოკი.

²²წავიდნენ და მივიდნენ მთაში, იქ დარჩნენ სამ დღეს, ვიდრემდევრები უკან არ გაბრუნდნენ. ეძებეს ისინი მთელს გზაზე მდევრებმა, მაგრამვერ მიაგნეს.

²³დაბრუნდა ეს ორი კაცი; მთიდან დაეშვნენ, გაღმა გავიდნენ,მივიდნენ იესო ნავეს ძესთან და უამბეს ყველაფერი, რაც შეემთხვათ.

²⁴უთხრეს იესოს: უფალს ჩაუგდია ჩვენს ხელში მთელი ესქვეყანა და ქვეყნის მკვიდრნიც დაშინებული ყოფილან ჩვენგან.