Read ახალი ქართულით, Modern Georgian Bible, 1982 იესო ნავეს ძე 3 Bible Online

იესო ნავეს ძე 3 - ახალი ქართულით, Modern Georgian Bible, 1982 bible

იესო ნავეს ძე 3

¹ადგა ადრე დილით იესო და დაიძრნენ შიტიმიდან და მიადგნენ იორდანეს, ის და მთელი ისრაელობა, და იქ დაიღამეს, ვიდრე გაღმა გავიდოდნენ.

²სამი დღის შემდეგ მოიარეს ხალხის გამრიგეებმა ბანაკი,

³დაარიგეს ხალხი და უთხრეს: როცა დაინახავთ უფლის, თქვენიღმერთის აღთქმის კიდობანს და ლევიან მღვდლებს, რომელთაც მოაქვთ იგი, თქვენცდაიძარით თქვენი ადგილიდან და უკან მიჰყევით.

⁴ოღონდ ორი ათასი წყრთა მაინც უნდა გშორავდეთ მისგან; ნუმიუახლოვდებით, რომ იცოდეთ გზა, რომლითაც მიდიხართ, რადგან არ გივლიათ ამგზით არც გუშინ, არც გუშინწინ.

⁵უთხრა იესომ ერს: განიწმიდენით, რადგან ხვალ მოიმოქმედებსუფალი თქვენში სასწაულებს.

⁶ასე უთხრა იესომ მღვდლებს: ასწიეთ აღთქმის კიდობანი დახალხის წინ ჩაიარეთ. ასწიეს აღთქმის კიდობანი და ჩაუარეს ხალხს.

⁷უთხრა უფალმა იესოს: დღეიდან უნდა დავიწყო შენი განდიდებამთელი ისრაელის თვალში, რათა დარწმუნდნენ, რომ როგორც მოსესთან ვიყავი,ასევე ვიქნები შენთან.

⁸შენ კი ასე უბრძანე მღვდლებს, რომელნიც აღთქმის კიდობანსატარებენ: როგორც კი იორდანეს ნაპირს მიადგებით, იორდანესთან გაჩერდით.

⁹უთხრა იესომ ისრაელიანებს: ახლოს მოდექით და ისმინეთ უფლის, თქვენი ღმერთის სიტყვები.

¹⁰თქვა იესომ: ამით დარწმუნდებით, რომ ცოცხალი ღმერთია თქვენს შორის და იგი აჰყრის თქვენგან ქანაანელებს, ხეთელებს, ხივიელებს, ფერიზელებს, გირგაშველებს, ამორევლებს და იებუსეველებს.

¹¹აჰა, მთელი ქვეყნის პატრონის აღთქმის კიდობანი თქვენს თვალწინ გადალახავს იორდანეს.

¹²ახლა, ამოირჩიეთ თორმეტი კაცი ისრაელის შტოთაგან, თითოკაცი თითო შტოდან.

¹³როგორც კი მღვდლები, რომლებიც უფლის, მთელი ქვეყნის პატრონის კიდობანს ატარებენ, ფეხს ჩადგამენ იორდანეს წყალში, გაიპობა დაღმა იორდანის წყალი და ერთ კედლად აღიმართება.

¹⁴როცა დაიძრა ხალხი თავ-თავისი კარვებიდან, რომ გადაელახათიორდანე, მღვდლებმაც წაიღეს ხალხის წინ აღთქმის კიდობანი.

¹⁵როგორც კი კიდობნის მტვირთველები მიადგნენ იორდანეს დაფეხი ჩადგეს ნაპირის წყალში (მკათათვეში ნაპირებზე გადმოდის იორდანე),

¹⁶დადგა დაღმა მდინარი წყალი და ერთ კედლად აღიმართა კარგა მანძილზე ქალაქ ადამიდან, ცართანის გვერდით რომ არის. უდაბურ ზღვაში, ანუ მარილოვან ზღვაში ჩამდინარი წყალი კი დაიწრიტა და შეწყდა. იერიხონის პირდაპირ გადიოდა იორდანეზე ხალხი.

¹⁷უფლის აღთქმის კიდობნის მტვირთველი მღვდლები მყარადიდგნენ მშრალზე შუაგულ იორდანეში. ასე გადიოდა მთელი ისრაელი მშრალზე,ვიდრე მთელმა ერმა არ გადალახა იორდანე.