Read ახალი ქართულით, Modern Georgian Bible, 1982 იესო ნავეს ძე 4 Bible Online

იესო ნავეს ძე 4 - ახალი ქართულით, Modern Georgian Bible, 1982 bible

იესო ნავეს ძე 4

¹როცა მთელმა ერმა გადალახა იორდანე, ასე უთხრა უფალმა იესოს:

²ამოირჩიე ხალხიდან თორმეტი კაცი, თითო კაცი თითო შტოდან.

³ასე უბრძანე ხალხს: აკრიბეთ აქედან იორდანეს შუაგულიდან,სადაც მტკიცედ ედგათ ფეხი მღვდლებს, თორმეტი ქვა, თან წაიღეთ და დააწყვეთსათევში, სადაც ღამის გათევას დააპირებთ.

⁴დაიბარა იესომ თორმეტი კაცი, ისრაელიანთაგან რომგანაწესა, თითო კაცი თითო შტოდან.

⁵უთხრა მათ იესომ: იარეთ უფლის, თქვენი ღმერთის კიდობნისწინ, იორდანეს შუაგულამდე, და თითო ქვა აიკიდეთ ზურგზე, ისრაელის შტოთარიცხვის მიხედვით,

⁶რათა ეს იყოს ნიშანი თქვენს შორის. როცა შეგეკითხებიანოდესმე თქვენი შვილები: ეს რა ქვები გაქვთო?

⁷მიუგეთ: იორდანეს წყლები რომ გაიპო-თქო უფლის აღთქმისკიდობნის წინაშე; როცა იორდანეს გაღმა გადადიოდა ერი, გაიპო-თქო იორდანესწყლები. სამახსოვროდ ჰქონდეთ ეს ქვები ისრაელიანებს უკუნისამდე.

⁸ასე მოიქცნენ ისრაელიანები, როგორც უბრძანა მაი იესომ:აკრიბეს თორმეტი ქვა იორდანეს შუაგულიდან, როგორც ნაბრძანები ჰქონდა უფალსიესოსთვის, ისრაელის შტოთა რიცხვის მიხედვით, და გავიდნენ ამ ქვებიანად,გაღმა, სათევში, და იქ დააწყვეს.

⁹ასევე თორმეტი ქვა დააწყობინა იესომ იორდანეს შუაგულში იმ ადგილას, სადაც ფეხი ედგათ უფლის აღთქმის კიდობნის მტვირთველ მღვდლებს. დღემდე იქ აწყვია ის ქვები.

¹⁰უფლის კიდობნის მტვირთველი მღვდლები იორდანეს შუაგულშიიდგნენ, ვიდრე ყველაფერი არ შესრულდა, რაც უფალმა უბრძანა იესოსხალხისათვის სათქმელად, როგორც უანდერძა მოსემ იესოს. ხალხი აჩქარებითგადიოდა გაღმა.

¹¹როცა გადავიდა მთელი ხალხი, გადავიდნენ უფლის კიდობანი და მღვდლები ხალხის თვალწინ.

¹²გადავიდნენ რეუბენიანები, გადიანები და მენაშეს შტოსნახევარი ისრაელიანთა თვალწინ საომარი წყობით, როგორც ნათქვამი ჰქონდამათთვის მოსეს.

¹³ორმოციათასამდე იარაღასხმული კაცი გავიდა გაღმა უფლის წინაშე იერიხონის ველზე საბრძოლველად.

¹⁴იმ დღეს განადიდა უფალმა იესო მთელი ისრაელის თვალში დასიკვდილამდე ეშინოდათ მისი, როგორც მოსესი ეშინოდათ.

¹⁵ასე უთხრა უფალმა იესოს:

¹⁶უბრძანე მღვდლებს, რომელთაც მოწმობის კიდობანი მოაქვთ, იორდანედან ამოვიდნენ.

¹⁷უბრძანა იესომ მღვდლებს: ამოდით იორდანედან!

¹⁸როგორც კი იორდანედან ამოვიდნენ მღვდლები, რომელთაც უფლისაღთქმის კიდობანი მოჰქონდათ და ხმელეთზე დაიდგა მღვდლების ტერფები, ისევთავის ადგილას მოიქცა იორდანეს წყლები; როგორც გუშინ და გუშინწინ, იწყესდინება თავის კალაპოტში.

¹⁹ამოვიდა ხალხი იორდანედან პირველი თვის მეათე დღეს დადაბანაკდა გილგალში, იერიხონის აღმოსავლეთით.

²⁰ის თორმეტი ქვა, იორდანედან რომ წამოიღეს, გილგალშიდააწყობინა იესომ.

²¹ასე უთხრა ისრაელიანებს: როცა შეეკითხებიან ოდესმე თქვენიშთამომავლები თავიანთ მამებს: ეს რა ქვებიაო?

²²ასწავლეთ თქვენს შვილებს: მშრალზე გადმოლახათქო ისრაელმაეს იორდანე.

²³რადგან ამოშრობილი ჰქონდა უფალს, თქვენს ღმერთს, იორდანესწყლები თქვენს წინაშე, ვიდრე გაღმა არ გამოხვედით, როგორც უყო უფალმა,თქვენმა ღმერთმა, მეწამულ ზღვას, რომელიც ამოაშრო ჩვენს წინაშე, ვიდრეგაღმა არ გამოვედით,

²⁴რათა ყველა ხალხმა გაიგოს ამ ქვეყანაზე უფლის მარჯვენისამბავი, რომ მაგარია იგი, რათა მუდამ გეშინოდეთ უფლის, თქვენი ღმერთისა.