Read ახალი ქართულით, Modern Georgian Bible, 1982 1 ტიმოთეს 1 Bible Online

1 ტიმოთეს 1 - ახალი ქართულით, Modern Georgian Bible, 1982 bible

1 ტიმოთეს 1

¹პავლე, მოციქული ქრისტე იესოსი, ღმერთის, ჩვენი მაცხოვრისა და ჩვენი სასოების ქრისტე იესოს ბრძანებით, -

²ტიმოთეს, ჭეშმარიტ შვილს რწმენაში: მადლი, წყალობა დამშვიდობა მამა ღმერთისა და ჩვენი უფლის ქრისტე იესოსაგან.

³მაკედონიაში წასვლისას მე გთხოვე ეფესოში დარჩენილიყავი,რათა გემცნო ზოგიერთისთვის, რომ ნუ ასწავლიან სხვა რამეს,

⁴და ნუ გადაჰყვებიან არაკებსა თუ გვარტომობის დაუსრულებელამბებს, რომლებიც უფრო მეტ დავას იწვევენ, ვიდრე ღვთის შეგონებას რწმენით.

⁵ხოლო მცნების მიზანია სიყვარული წმიდა გულით, წრფელისინიდისითა და უპირფერო რწმენით,

⁶რასაც ზოგიერთი დაშორდა და ფუჭ მოლაყბედ იქცა.

⁷რჯულისმოძღვრობა სწადიათ, მაგრამ არც ის ესმით, რასაცამბობენ, და არც ის, რასაც ამტკიცებენ.

⁸ხოლო ჩვენ ვიცით, რომ რჯული კეთილია, თუკი ვინმერჯულიერად მოიხმარს მას.

⁹რადგანაც გვესმის, რომ რჯული მართლისთვის კი არაადადგენილი, არამედ ურჯულოთა და ურჩთა, უღმერთოთა და ცოდვილთა, მკრეხელთა და ბილწთა, დედ-მამის მკვლელთა და კაცისმკვლელთათვის,

¹⁰მეძავთა, მამათმავალთა, კაცის გამყიდველთა, ცრუთა, ფიცის გამტეხთა და ყველა სხვათათვის, თავიანთი ქცევით რომ ეწინააღმდეგებიან საღ მოძღვრებას,

¹¹თანახმად ნეტარი ღვთის დიდებული სახარებისა, რომელიც მე მაქვს მონდობილი.

¹²მადლიერი ვარ მისი, ვინც მომცა ძალა, - ჩვენი უფლის იესო ქრისტესი, სარწმუნოდ რომ შემრაცხა და მსახურად დამადგინა,

¹³მე, რომელიც უწინ ვიყავი მგმობელი, მდევნელი და მაგინებელი, მაგრამ შეწყაღებულ ვიქენ, რადგანაც ასე ვიქცეოდი უმეცრებით, ურწმუნოების გამო.

¹⁴ხოლო ჩვენი უფლის მადლმა უფრო მეტად იმრავლა რწმენითა და სიყვარულით ქრისტე იესოში.

¹⁵სარწმუნოა და ყოველგვარი შეწყნარების ღირსია სიტყვა, რომ ქრისტე იესო მოვიდა ქვეყნად, რათა ეხსნა ცოდვილნი, რომელთა შორისაც პირველი მე ვარ.

¹⁶მაგრამ სწორედ იმიტომ ვიქენ შეწყალებული, რომ იესო ქრისტეს პირველად ეჩვენებინა ჩემში მთელი დიდსულოვნება მათდა სანიმუშოდ, მომავალში რომ ირწმუნებენ მას საუკუნო სიცოცხლისათვის.

¹⁷ხოლო საუკუნეთა მეუფეს, უხრწნელს, უხილავსა და ერთადერთ ღმერთს - პატივი და დიდება უკუნითი უკუნისამდე. ამინ.

¹⁸ამ მცნებას შენ განდობ. შვილო ტიმოთე, შენთვის მოვლენილი წინასწარმეტყველების თანახმად, რათა იომო კეთილი ომით,

¹⁹გქონდეს რწმენა და წრფელი სინიდისი, რაც უარყო ზოგიერთმა და მარცხი იწვნია რწმენაში, როგორც ხომალდმა - ზღვაში.

²⁰მათ შორის ჰიმენეოსმა და აღექსანდრემ, რომელნიც გადავეცი სატანას, რათა თავი ანებონ გმობას.