Read ახალი ქართულით, Modern Georgian Bible, 1982 1 ტიმოთეს 3 Bible Online

1 ტიმოთეს 3 - ახალი ქართულით, Modern Georgian Bible, 1982 bible

1 ტიმოთეს 3

¹სარწმუნოა სიტყვა: თუ ვინმეს ეპისკოპოსობა სურს, კეთილი საქმის მსურველია.

²მაგრამ ეპისკოპოსი უნდა იყოს უმწიკვლო, ერთი ცოლის ქმარი,ფხიზელი, გონიერი, ღირსეული, სტუმართმოყვარე, განმსწავლელი,

³არა მემთვრალე, არა ჩხუბისთავი, არამედ წყნარი, თვინიერი,ვერცხლისმოძულე,

⁴თავისი სახლის კეთილად გამგებელი, შვილების მორჩილებითმყოლი მთელი ღირსებით,

⁵(რადგან ვინც თავის სახლს ვერ განაგებს, როგორღა იზრუნებსღვთის ეკლესიაზე?),

⁶არა ახლად მოქცეული, რათა თავს არ გაუვიდეს და ეშმაკისსასჯელის ღირსი არ გახდეს.

⁷უნდა ჰქონეს აგრეთვე კეთილი მოწმობა გარეშეთაგან, რათასაგმობი არ გახდეს და ეშმაკის მახეში არ გაებას.

⁸დიაკვნებიც ასევე ღირსეულნი უნდა იყვნენ, არა ორპირნი,არა ღვინოს მიძალებულნი, არა ანგარნი,

⁹რწმენის საიდუმლოს შემნახველნი წრფელი სინიდისით.

¹⁰ესენიც ჯერ უნდა გამოიცადონ და მხოლოდ შემდეგ, თუ უმწიკვლონი აღმოჩნდნენ, მიენდოთ მსახურება.

¹¹მათი ცოლებიც ღირსეულნი უნდა იყვნენ, არა მაბეზღარნი, კდემამოსილნი და ყოველმხრივ სარწმუნონი.

¹²დიაკონიც ერთი ცოლის ქმარი იყოს, შვილებისა და თავისი სახლის კეთილი გამგებელი.

¹³ვინაიდან კეთილად მომსახურენი თავიანთ თავს უმზადებენ კეთილ ხარისხსა და მხნეობას ქრისტე იესოს რწმენაში.

¹⁴ამას გწერ და იმედი მაქვს მალე გეწვევი.

¹⁵მაგრამ თუ დავიგვიანე, იცოდე, როგორ უნდა მოიქცე ღვთის სახლში, რომელიც არის ეკლესია ცოცხალი ღვთისა, ჭეშმარიტების სვეტი და საფუძველი.

¹⁶უცილობლად დიდია ღეთისმოსაობის საიდუმლო: ღმერთი გამოჩნდა ხორცით, გამართლდა სულით, ეჩვენა ანგელოზებს, ქადაგებულ იქნა წარმართთა შორის, სარწმუნო იქნა საწუთროსათვის და ამაღლდა დიდებით.