Read ახალი ქართულით, Modern Georgian Bible, 1982 ტიტეს 3 Bible Online

ტიტეს 3 - ახალი ქართულით, Modern Georgian Bible, 1982 bible

ტიტეს 3

¹შეახსენე მათ, დაემორჩილონ მთავართა და ხელისუფალთ; მორჩილნი იყვნენ და ყოველგვარი კეთილი საქმისათვის მზადმყოფნი.

²ნურავის ჰგმობენ, არამედ უშფოთველნი იყვნენ,შემწყნარებელნი და კეთილმოსურნენი ყოველი კაცის მიმართ.

³ვინაიდან ოდესღაც ჩვენც უგუნურნი ვიყავით, ურჩნი,შეცდთმილნი, სხვადასხვა გულისთქმათა და განცხრომათა მონები, ბოროტებასა დაშურში დანთქმულნი, ბილწნი და ურთიერთმოძულენი.

⁴ხოლო როდესაც გამოჩნდა სიკეთე და კაცთმოყვარეობა ჩვენიმაცხოვრის - ღვთისა,

⁵მან გვიხსნა არა ჩვენს მიერ აღსრულებულ კეთილ საქმეთაგამო, არამედ თავისი წყალობით, ხელახლა შობის განბანითა და სული წმიდისმიერ განახლებით,

⁶რომელიც უხვად მოგვფინა ჩვენი მაცხოვრის იესო ქრისტესმიერ,

⁷რათა მისი მადლით გამართლებულთ სასოებისამებრდაგვემკვიდრებინა საუკუნო სიცოცხლე.

⁸სარწმუნოა ეს სიტყვა, და მე მინდა, რომ მტკიცედ იდგე ამაზრზე, რათა ღვთის მორწმუნენი გულმოდგინედ ცდილობდნენ კეთილ საქმეთაკეთებას, რაც სარგო და სასიკეთოა კაცთათვის.

⁹ხოლო ფუჭ ძიებას, გვარტომობის ჩხრეკას, შუღლსა და დავასრჯულის თაობაზე თავი არიდე, რადგანაც ყოველივე ეს ურგებია და ამაო.

¹⁰მწვალებელ კაცს, ერთი თუ ორი შეგონების შემდეგ, განეშორე.

¹¹იცოდე, რომ გარყვნილია და სცოდავს, თავისივე თავის მიერ დასჯილი.

¹²როდესაც არტემასსა და ტიქიკოსს გამოგიგზავნი, ჩემსკენ გამოეშურე, ნიკოპოლისს, რადგანაც აქ გადავწყვიტე გამოზამთრება.

¹³ხელი შეუწყვე რჯულის მოძღვარ ძენასისა და აპოლოსის გამომგზავრებას, რომ არაფერი მოაკლდეთ.

¹⁴ჩვენიანებმაც ისწავლონ კეთილ საქმეთა კეთება გაჭირვებაში დასახმარებლად, რათა არ იყვნენ უნაყოფონი.

¹⁵მოგიკითხავს ყველა, ვინც ჩემთანაა. მოიკითხე, ვისაც ვუყვარვართ რწმენაში. მადლი ყველა თქვენგანთან. ამინ.