Read ახალი ქართულით, Modern Georgian Bible, 1982 ებრაელთა 10 Bible Online

ებრაელთა 10 - ახალი ქართულით, Modern Georgian Bible, 1982 bible

ებრაელთა 10

¹რადგანაც რჯული, მომავალ სიკეთეთა მხოლოდ ჩრდილის და არა თვით ნამდვილ საგანთა მქონე, ერთი და იმავე მსხვერპლით, გამუდმებით რომ სწირავენ ყოველწლიურად, ვერასოდეს ვერ შესძლებს სრულყოს მასთან მიმსვლელნი.

²ასე რომ არა, ვინღა შესწირავდა მსხვერპლს, რადგანაცერთხელ განწმედილთ წარმოდგენაც აღარ ექნებოდათ, რა არის ცოდვა.

³მაგრამ მსხვერპლშეწირვა ყოველწლიურად იწვევს ცოდვათაგახსენებას.

⁴რადგანაც შეუძლებელია ცოდვათა წარხოცა კაცთა და ხართასისხლით.

⁵ამიტომ ქვეყნად შემოსვლისას ქრისტე ამბობს: „მსხვერპლი დაშესაწირავი შენ არ ისურვე, მაგრამ სხეული კი განმიმზადე მე.

⁶სრულდასაწველრ და ცოდვის გამოსასყიდი ძღვენი არ ინებე.

⁷მაშინ მე ვთქვი: აჰა, მოვდივარ (როგორც წიგნის დასაწყისშიწერია ჩემზე), რათა აღვასრუღთ შენი ნება, ღმერთო“.

⁸ზემოთ რომ ამბობს: მსხვერპლი და შესაწირავი,სრულდასაწველი და ცოდვის გამოსასყიდი ძღვენი არ ისურვე და ინებეო,

⁹შემდეგ დასძენს: აჰა, მოვდივარ, რათა აღვასრულო შენინება, ღმერთო, რითაც აუქმებს პირველს, რათა მეორე დაადგინოს.

¹⁰სწორედ ამ ნებით ვართ განწმედილნი, იესო ქრისტეს სხეულის ერთგზის შეწირვით.

¹¹რამდენი მღვდელი ყოველდღე დგას მსახურებად და რამდენგზის სწირავს ერთსა და იმავე მსხვერპლს, რომელიც ვერასოდეს წარხოცავს ცოდვას.

¹²მან კი ერთადერთი მსხვერპლი შესწირა ცოდვებისათვის და სამუდამოდ დაჯდა ღვთის მარჯვნივ.

¹³მას შემდეგ ელის, როდის დაემხობიან მისი მტრები მის ფეხქვეშ.

¹⁴რადგანაც ერთი შეწირვით სამარადისოდ სრულყო განწმედილნი.

¹⁵ამასვე გვიმოწმებს სული წმიდაც, რადგანაც ნათქვამია:

¹⁶„ეს არის აღთქმა, რომელსაც აღვუთქვამ მათ იმ დღეთა შემდეგ, - ამბობს უფალი, - ჩავდებ ჩემს რჯულს მათ გულებში და მათ გონებაში ჩავწერ.

¹⁷აღარ გავიხსენებ მათ ცოდვებს და ურჯულოებას“.

¹⁸ხოლო იქ, სადაც ცოდვათა მიტევებაა, შესაწირავი ზედმეტი ხდება.

¹⁹ამრიგად, ძმანო, რაკი გვაქვს სითამამე საწმიდარში შესვლისა იესოს სისხლის მეოხებით,

²⁰ახალი და ცოცხალი გზით, რომელიც გაგვიხსნა მან ფარდით, ესე იგი თავისი ხორცით,

²¹და გვყავს მღვდელმთავარი ღვთის სახლში,

²²მივეახლოთ მას წრფელი გულითა და რწმენის სისრულით, უკეთური სინიდისისაგან სხურებით გულგაწმენდილნი და სუფთა წყლით ტანგაბანილნი,

²³მტკიცედ მივსდიოთ აღსარებას სასოებისას, რადგან სარწმუნოა აღმთქმელი.

²⁴ყურადღებას ნუ მოვაკლებთ ერთიმეორეს, რათა სიყვარულისა და კეთილ საქმეთათვის წავაქეზოთ ერთმანეთი.

²⁵ნუ მივატოვებთ ჩვენს შესაკრებელს, როგორც ზოგიერთებს სჩვევიათ, არამედ შევაგონოთ ერთმანეთს, და მით უფრო მეტად, რაც უფრო აშკარად გრძნობთ იმ დღის მოახლოებას.

²⁶რადგან თუ მას შემდეგ, რაც შევიცნეთ ჭეშმარიტება, კვლავ ჩვენი ნებით ვცოდავთ, უკვე აღარა რჩება მსხვერპლი ცოდვათათვის.

²⁷არამედ რაღაც საზარელი მოლოდინი მსჯავრისა და მტერთა შთასანთქმელად მოგიზგიზე შურის ცეცხლი.

²⁸თუკი მოსეს რჯულის უარმყოფელს, ორი თუ სამი კაცის მოწმობით, უწყალოდ უსჯიან სიკვდილს,

²⁹როგორ გგონიათ, რამდენად უფრო მძიმე იქნება მისი სასჯელი, ვინც ფეხქვეშ თელავს ძეს ღვთისას, უღირსად მიიჩნევს აღთქმის სისხლს, რომლითაც განიწმიდა, და აგინებს მადლის სულს?

³⁰რადგანაც ვიცნობთ ამის მთქმელს: „ჩემია შურისგება და მე მივაგებ“. ან კიდევ: „უფალი განიკითხავს თავის ხალხს“.

³¹მტერი ჩავარდა ცოცხალი ღმრთის ხელში!

³²გაიხსენეთ უწინდელი დღენი, როცა განათლდით და დაითმინეთ ვნებათა დიადი ღვაწლი;

³³როცა თქვენივე ურვითა და უბედურებით ან სხვების სასეიროდ იყავით ქცეულნი, ანდა სხვებს თანაუგრძნობდით, თქვენსავე დღეში ჩაცვენილთ.

³⁴ვინაიდან ჩემს ტყვეობასაც თანაუგრძნეთ და თქვენი ქონების დატაცებასაც სიხარულით შეხვდით, რადგანაც იცოდით, რომ უკეთესი და წარუვალი საუნჯე გაქვთ ცაში.

³⁵მაშ, ნუ გიღალატებთ მხნეობა, რომელსაც დიადი საზღაური ელის.

³⁶მოთმინება გმართებთ, რათა აღასრულოთ ღვთის ნება და მიიღოთ აღთქმული.

³⁷ვინაიდან ცოტაც, სულ ცოტაც, და არ დააყოვნებს, მოვა მომავალი.

³⁸მართალი რწმენით იცოცხლებს, ხოლო თუ უკუიქცევა, არ შეიწყალებს მას ჩემი სული.

³⁹მაგრამ ჩვენ უკუქცეულნი როდი ვართ წარსაწყმედად, არამედ მტკიცედ მორწმუნენი სულის სახსნელად.