Read ახალი ქართულით, Modern Georgian Bible, 1982 ებრაელთა 3 Bible Online

ებრაელთა 3 - ახალი ქართულით, Modern Georgian Bible, 1982 bible

ებრაელთა 3

¹ამიტომ, ძმანო წმიდანო, ზეციური ხმობის ზიარნო, დაუკვირდით მოციქულსა და ჩვენი აღსარების მღვდელმთავარს, ქრისტე იესოს,

²რომელიც ისეთივე ერთგულია თავისი შემოქმედისა, როგორცმოსე ღვთის სახლში.

³ვინაიდან მოსესთან შედარებით უფრო მეტი დიდების ღირსიშეიქნა, ისევე, როგორც სახლთან შედარებით მეტი პატივი აქვს მის ამშენებელს.

⁴რადგანაც ყველა სახლს ვიღაც აშენებს, ყოვლის ამშენებელიკი ღმერთია.

⁵მოსე ერთგული იყო მთელ მის სახლში, როგორც მსახური, რათაემოწმებინა, რაც უნდა თქმულიყო,

⁶ქრისტე კი - როგორც ძე მის სახლში. ხოლო მისი სახლი ჩვენავართ, თუკი ბოლომდე მტკიცედ დავიცავთ სითამამესა და სასოების სიქადულს.

⁷ამიტომ, როგორც იტყვის სული წმიდა: „დღეს, როცა მოისმენთმის ხმას,

⁸ნუ გაიქვავებთ თქვენს გულებს, როგორც დრტვინვის ჟამს,უდაბნოში გამოცდის დღეს,

⁹სადაც გამომცადეს თქვენმა მამებმა და ხედავდნენ ჩემსსაქმეებს ორმოც წელიწადს.

¹⁰ამიტომაც მოვიძულე ეს მოდგმა და ვთქვი: მარადჟამ ცდებიან გულით, და ვერ შეიცნეს ჩემი გზა.

¹¹ასე დავიფიცე ჩემი რისხვით, რომ არ ეღირსებათ ჩემს სიმშვიდეში შემოსვლა“.

¹²იფხიზლეთ, ძმანო, რომ არცერთ თქვენგანს არ ჰქონდეს უკეთური და ურწმუნო გული, რათა არ განუდგეს ცოცხალ ღმერთს.

¹³არამედ ყოველდღე შეაგონეთ ერთმანეთს, ვიდრე არ ითქმის „დღესო“, რათა არცერთი თქვენგანი არ გაქვავდეს ცოდვის საცდურით.

¹⁴რადგანაც ქრისტეს თანაზიარნი გავხდით, თუკი არსობის საწყისს ბოლომდე დავიცავთ მტკიცედ.

¹⁵ვიდრე არ ითქმის: „დღეს, როცა მოისმენთ მის ხმას, ნუ გაიქვავებთ თქვენს გულებს, როგორც დრტვინვისას“.

¹⁶ვინაიდან ზოგმა ისმინა და დრტვინვას მოჰყვა; მაგრამ ყველა კი არა, ვინც მოსეს მეოხებით გამოვიდა ეგვიპტიდან.

¹⁷მაშ, ვის გამო მრისხანებდა ორმოც წელიწადს, თუ არა შემცოდეთა გამო, რომელთა ძვლებიც უდაბნოში დაცვივდნენ?

¹⁸ან ვის მიმართ დაიფიცა, რომ ვერ ეღირსებოდნენ მის სიმშვიდეში შესვლას, თუ არა ურჩთა მიმართ?

¹⁹და ჩვენ ვხედავთ, რომ ურწმუნოების გამო მართლაც ვერ ეღირსნენ შესვლას.