Read ახალი ქართულით, Modern Georgian Bible, 1982 წმ. მოციქულისა იაკობისი 3 Bible Online

წმ. მოციქულისა იაკობისი 3 - ახალი ქართულით, Modern Georgian Bible, 1982 bible

წმ. მოციქულისა იაკობისი 3

¹ძმანო ჩემნო, ბევრი თქვენგანი ნუ გახდება მოძღვარი: იცოდეთ, რომ მით უფრო დიდ სასჯელს მივიღებთ.

²რადგანაც ყველანი ბევრს ვცოდავთ; ვინც არა სცოდავსსიტყვით, იგია სრულქმნილი. კაცი, რომელსაც ძალუძს დაიურვოს თავისი ხორცი.

³აჰა, ჩვენ ლაგამით ვიურვებთ ცხენებს, რომ დაგვემორჩილონ,და ჩვენს ნებაზე ვათამაშებთ მათ სხეულს.

⁴თვით ხომალდებსაც, ესოდენ დიდსა და მძლავრი ქარიშხლითატორტმანებულ ხომალდებსაც, პატარა საჭით იქით მიაქცევს მესაჭე, საითაცნებავს.

⁵ასევე ენაც რა პატარა ასოა და რამდენს იქადის, ერთიციცქნა ალი კი რამხელა ტყესა ჰბუგავს.

⁶ენაც ალია, უსამართლობის სამყარო; ენას ისეთი ადგილიუჭრავს ჩვენს ასოებს შორის, რომ ბილწავს მთელ სხეულს, ალად აქცევსდაბადების ჩარხს და თვითონაც აალებულია გეენისაგან.

⁷რადგანაც მხეცთა და ფრინველთა, ქვეწარმავალთა და ზღვისცხოველთა მთელი ბუნება თვინიერდება და მოთვინიერებულია კაცის ბუნებით.

⁸ენის მოთვინიერება კი კაციშვილს არ შეუძლია; ესაააღვირახსნილი ბოროტება, მომაკვდინებელი გესლით აღვსილი.

⁹ენით ვაკურთხებთ ღმერთსა და მამას და ენითვე შევაჩვენებთღვთის ხატად შექმნილ კაცთაც.

¹⁰ერთსა და იმავე ბაგეთაგან გამოვა კურთხევაცა და წყევლაც; არ უნდა იყოს ეს, ძმანო ჩემნო, ასე.

¹¹განა ერთი და იმავე წყაროს თვალიდან მოჩუხჩუხებს ტკბილი და მწარე წყალი?

¹²განა შეიძლება, ძმანო ჩემნო, ლეღვის ხემ ზეთისხილი მოისხას, ვაზმა კი - ლეღვი? ასევე შეუძლებელია ერთი წყაროდან დიოდეს მლაშე და მტკნარი წყალი.

¹³ვინაა თქვენს შორის ბრძენი და გონიერი? გვიჩვენოს ეს კეთილი ქცევით და ბრძნული სიმშვიდით.

¹⁴ხოლო თუ გულში მწარე შური და შუღლი გიძევთ, ნუ იქადით დაგვიყალბებთ ჭეშმარიტებას.

¹⁵არ არის ეს ზეგარდმო გადმოსული სიბრძნე, არამედ მიწიერია, მშვინვიერი და ეშმაკეული.

¹⁶ვინაიდან სადაც არის შური და შუღლი, იქვეა შფოთი და ყოველი ბოროტი საქმე.

¹⁷ხოლო ზეგარდმო გადმოსული სიბრძნე, უწინარეს ყოვლისა, წმიდაა, მერე - მშვიდი, თვინიერი, მორჩილი, მოწყალებითა და კეთილი ნაყოფით სავსე, მიუკერძოებელი და უთვალთმაქცო.

¹⁸სიმართლის ნაყოფი მშვიდობით ითესება მშვიდობისმყოფელთათვის.