Read ახალი ქართულით, Modern Georgian Bible, 1982 წმ. მოციქულისა იაკობისი 5 Bible Online

წმ. მოციქულისა იაკობისი 5 - ახალი ქართულით, Modern Georgian Bible, 1982 bible

წმ. მოციქულისა იაკობისი 5

¹და თქვენც, მდიდარნო, იტირეთ და ივაგლახეთ თქვენს თავს მოწევნადი უბედობისთვის.

²სიმდიდრე თქვენი დალპა და მღილმა შეჭამა თქვენი სამოსი.

³ოქრო-ვერცხლი თქვენი დაიჟანგა, მათი ჟანგი სამოწმებლადიქნება თქვენს წინააღმდეგ და შეჭამს თქვენს ხორცს, როგორც ცეცხლი;უკანასკნელ დღეთათვის დაიუნჯეთ თქვენი საუნჯე.

⁴აჰა, ღაღადებს საფასური, რომელიც დაუკავეთ თქვენი ყანისმომკელთ, და მომკელთა ღაღადისი უფალ საბაოთის ყურამდე აღწევს.

⁵ხარობდით ამ ქვეყნად და ნებივრობდით, თითქოს დაკვლისდღისათვის დაასუქეთ თქვენი გულები.

⁶მსჯავრი დასდეთ და მოკალით მართალი, ის კი წინაც არაღგდგომიათ.

⁷მაშ, მრავლისმთმენნი იყავით, ძმანო, უფლის მოსვლამდე.აჰა, გლეხკაცი ელის მიწის სანუკვარ ნაყოფს; მოთმინებით ელის როდის ეღირსებაწვიმას, ნაადრევს თუ ნაგვიანევს.

⁸თქვენც მრავლისმთმენნი იყავით და გაიმაგრეთ გული,რადგანაც მოახლოვდა მოსვლა უფლისა.

⁹ნუ დრტვინავთ, ძმანო, ერთურთის მიმართ, რათა არგანისაჯოთ; აჰა, მსაჯული კართანა დგას.

¹⁰ჭირთათმენისა და სულგრძელობის ნიმუშად გყავდეთ, ძმანო ჩემნო, წინასწარმეტყველნი, რომელნიც ლაპარაკობდნენ უფლის სახელით.

¹¹აჰა, ჩვენ შევნატრით ჭირთამთმენთ; ხოლო გსმენიათ იობის მოთმინება და გიხილავთ უფლის აღსასრული, რადგან ის მრავალმოწყალეა და მლმობელი.

¹²უწინარეს ყოვლისა კი, ძმანო ჩემნო, ნუ იფიცავთ ნურც ცას, ნურც მიწას და ნურც რაიმე სხვა ფიცს, არამედ თქვენი სიტყვა იყოს: ჰო, ჰო, და: არა, არა, რათა არ ჩაცვივდეთ განსაკითხველში.

¹³უჭირს რომელიმე თქვენგანს? ილოცოს. ულხინს? ფსალმუნი იგალობოს.

¹⁴ავადაა ვინმე? ეკლესიის ხუცესთ მოუხმოს, რათა ილოცონმისთვის და ზეთი სცხონ უფლის სახელით.

¹⁵რწმენის ლოცვა იხსნის ავადმყოფს, უფალი აღადგენს მას, და თუ ცოდვა რამ ჩაუდენია, მიეტევება.

¹⁶ერთმანეთის წინაშე აღიარეთ თქვენი ცოდვები და ილოცეთ ერთმანეთისთვის, ვინაიდან ბევრი რამ ძალუძს მართლის გულმოდგინე ლოცვას.

¹⁷ელია ჩვენნაირი კაცი იყო და ლოცვით ილოცა, რომ არ ეწვიმა, და სამი წლისა და ექვსი თვის მანძილზე წვეთი არ დასცემია მიწას.

¹⁸კვლავ ილოცა და მისცა ცამ წვიმა, და მიწამაც აღმოაცენა თვისი ნაყოფი.

¹⁹ძმანო, თუ ერთი თქვენგანი გადაუხვევს ჭეშმარიტებას და ვინმე მოაქცევს მას,

²⁰იცოდეს, რომ ცოდვილის მოქცევა მცდარი გზიდან სიკვდილისაგან იხსნის სულს და დაჩრდილავს უთვალავ ცოდვას.