Read ახალი ქართულით, Modern Georgian Bible, 1982 წმ. მოციქულისა პეტრესი (მეორე) 1 Bible Online

წმ. მოციქულისა პეტრესი (მეორე) 1 - ახალი ქართულით, Modern Georgian Bible, 1982 bible

წმ. მოციქულისა პეტრესი (მეორე) 1

¹სიმონ-პეტრე, იესო ქრისტეს მონა და მოციქული, - მათ, ვინც ჩვენსავით მიიღო იგივე ძვირფასი რწმენა, ჩვენი ღვთისა და მაცხოვრის იესო ქრისტეს სიმართლით,

²მადლი და მშვიდობა გიმრავლოთ ღვთისა და ჩვენი უფლის იესოსშემეცნების წყალობით.

³რაკიღა მისმა საღვთო ძალამ მოგვანიჭა ყველაფერი, რაცცხოვრებისა და ღვთისმოსაობისთვის გვჭირდება, მისი შემეცნების მეოხებით,ვინც თავისი დიდებისა და სათნოებისაკენ გვიხმო,

⁴რომელთაგანაც გვებოძა დიადი და ფასდაუდებელი აღთქმანი,რათა ამ ქვეყნად გულისთქმის ხრწნილებისაგან განრიდებულნი საღმრთო ბუნებისთანაზიარნი გახდეთ.

⁵ამიტომ თქვენც გულმოდგინედ ეცადეთ, რომ თქვენს რწმენასსათნოებაც ზედ მიუსართოთ, სათნოებას კი - შემეცნება,

⁶შემეცნებას - თავშეკავება, თავშეკავებას - მოთმინება,ხოლო მოთმინებას - ღვთისმოსაობა,

⁷ღვთისმოსაობას - ძმათმოყვარეობა, ძმათმოყვარეობას კი -სიყვარული.

⁸თუ ყოველივე ეს თქვენშია და მრავლდება, უქმად და უნაყოფოდარ დარჩებით ჩვენი უფლის იესო ქრისტეს შემეცნებისას.

⁹ხოლო ვის სულშიც ეს არ არის, თვალდავსილია ან ბეცი,რადგანაც დაივიწყა, რომ უკვე განწმენდილია თავისი უწინდელი ცოდვებისაგან.

¹⁰ამიტომ, ძმანო, უფრო გულმოდგინედ ეცადეთ განამტკიცოთ თქვენი მოწოდება და რჩეულობა, რადგანაც თუ ასე მოიქცევით, არასოდეს წაიბორძიკებთ.

¹¹ვინაიდან ასე უფრო ფართოდ გაიღება თქვენს წინაშე ჩვენი უფლისა და მაცხოვრის იესო ქრისტეს საუკუნო სასუფევლის კარი.

¹²ამიტომაც გამუდმებით შეგახსენებთ ამას, თუმცაღა იცით და მტკიცედაც ადგახართ აწინდელ ჭეშმარიტებას.

¹³მართებულად მიმაჩნია, ვიდრე ამ კარავში ვარ, შეხსენებით გამოგაფხიზლოთ.

¹⁴რადგანაც ვიცი, რომ მალე უნდა დავუტევო ჩემი კარავი, როგორც მაუწყა ჩვენმა უფალმა იესო ქრისტემ.

¹⁵ასე რომ, ვეცდები ჩემი წასვლის შემდეგაც ყოველთვის იხსენებდეთ ამას.

¹⁶ვინაიდან თავშესაქცევი იგავებით როდი გაუწყეთ ჩვენი უფლის იესო ქრისტეს მოსვლა და ძალმოსილება, არამედ მისი სიდიადე საკუთარი თვალით ვიხილეთ.

¹⁷რადგანაც მამა ღმერთისაგან მიიღო პატივი და დიდება, როდესაც მისწვდა ესოდენ დიდმშვენიერი დიდების ხმა: ეს არის ძე ჩემი საყვარელი, რომელშიაც კეთილად გამოვჩნდი მე.

¹⁸და ეს ხმა, ზეცით ჩამოსული, ჩვენც ჩაგვესმა, როცა მასთან ერთად ვიყავით წმიდა მთაზე.

¹⁹ეგეც არ იყოს, ხელთა გვაქვს უმტკიცესი წინასწარმეტყველური სიტყვა, და კარგად იქცევით, ისე რომ ესწრაფით მას, როგორც ბნელში მანათობელ ლამპარს, ვიდრე ირიჟრაჟებდეს და თქვენს გულებში ამობრწყინდებოდეს ცისკრის ვარსკვლავი.

²⁰უწინარეს ყოვლისა, უნდა იცოდეთ, რომ წერილის არცერთი წინასწარმეტყველება თავისით არ განიმარტება.

²¹რადგანაც წინასწარმეტყველება არასოდეს კაცის ნებით არ წარმოთქმულა, არამედ სული წმიდის კარნახით წარმოსთქვამდნენ მას ღვთის წმიდა კაცნი.