Read ახალი ქართულით, Modern Georgian Bible, 1982 წმ. მოციქულისა იოანესი (პირველი) 2 Bible Online

წმ. მოციქულისა იოანესი (პირველი) 2 - ახალი ქართულით, Modern Georgian Bible, 1982 bible

წმ. მოციქულისა იოანესი (პირველი) 2

¹შვილნო ჩემნო, ამას გწერთ, რათა არ სცოდოთ, ხოლო თუ ვინმე შესცოდავს, ქომაგი გვყავს მამის წინაშე - იესო ქრისტე მართალი.

²ის არის ჩვენი და არა მარტო ჩვენი, არამედ მთელი ქვეყნისცოდვათა მიმტევებელი.

³იმით გავიგებთ, რომ შევიცნეთ იგი, თუ დავიმარხავთ მისმცნებებს.

⁴ვინც ამბობს, რომ შეიცნო იგი, მაგრამ არ იმარხავს მისმცნებებს, ცრუა და ჭეშმარიტება არ არის მასში.

⁵ხოლო ვინც იმარხავს მის სიტყვას, მასში ჭეშმარიტადაღსრულებულა ღვთის სიყვარული; ამით შევიცნობთ, რომ მასში ვართ.

⁶ვინც ამბობს, რომ მასში რჩება, ისე უნდა იაროს, როგორციარებოდა იგი.

⁷საყვარელნო, ახალ მცნებას კი არა გწერთ, არამედ ძველმცნებას, რომელიც გქონდათ დასაბამიდან; ძველი მცნება არის სიტყვა,დასაბამიდან რომ ისმინეთ.

⁸თუმცა ახალ მცნებასაც გწერთ, რომელიც ჭეშმარიტია მასშიცდა თქვენშიც; ვინაიდან ბნელი გადადის და ჭეშმარიტი ნათელი უკვე ნათობს.

⁹ვინც ამბობს, ნათელში ვარო, მაგრამ თავისი ძმა სძულს,ბნელშია დღემდე.

¹⁰ვისაც თავისი ძმა უყვარს, ნათელში მკვიდრობს და საცთური არ არის მასში.

¹¹ხოლო ვისაც თავისი ძმა სძულს, ბნელშია, ბნელშივე იარება და არ იცის, საით მიდის, რადგანაც ბნელმა დაუვსო თვალი.

¹²ამას გწერთ, შვილნო, ვინაიდან მისი სახელით მოგეტევათ თქვენი ცოდვანი.

¹³ამას გწერთ, მამანო, ვინაიდან შეიცანით დასაბამიდან მყოფი. ამას გწერთ, ჭაბუკნო, ვინაიდან სძლიეთ ბოროტი.

¹⁴ეს მოგწერეთ, ყრმანო, რადგანაც შეიცანით მამა. ეს მოგწერეთ, მამანო, რადგანაც შეიცანით დასაბამიდან მყოფი. ეს მოგწერეთ, ჭაბუკნო, რადგანაც ძლიერნი ხართ, ღვთის სიტყვა მკვიდრობს თქვენში და სძლიეთ ბოროტი.

¹⁵ნუ შეიყვარებთ ამ ქვეყანას, ნურც ამქვეყნიურს რასმე; ვისაც ეს ქვეყანა უყვარს, მამის სიყვარული არ არის მასში.

¹⁶ვინაიდან ამ ქვეყნად ყველაფერი - გულისთქმა ხორცის, გულისთქმა თვალის და სიამაყე არსებობისა, მამისგან კი არა, ამ ქვეყნისაგან არის.

¹⁷ეს ქვეყანაც გარდავა და მისი გულისთქმაც, ღვთის ნებისმყოფელი კი წარუვალია უკუნისამდე.

¹⁸ყრმანო, უკანასკნელი ჟამია, და, როგორც გსმენიათ, რომ მოდის ანტიქრისტე, აწ უკვე მრავლად არიან ანტიქრისტენი, საიდანაც ვიგებთ, რომ უკანასკნელი ჟამია.

¹⁹ჩვენგან გამოვიდნენ, მაგრამ არ იყვნენ ჩვენგანნი, ვინაიდან ჩვენგანნი რომ ყოფილიყვნენ, ჩვენთანვე დარჩებოდნენ; მაგრამ გამოვიდნენ, რათა ცხადი გამხდარიაო, რომ ყველანი როდი არიან ჩვენგანნი.

²⁰თქვენ კი ცხება გაქვთ წმიდისგან და იცით ყოველი.

²¹იმიტომ კი არ მოგწერეთ, რომ არ იცით ჭეშმარიტება, არამედ იმიტომ, რომ იცით და ისიც გესმით, რომ არცერთი სიცრუე ჭეშმარიტებისგან არ არის.

²²ვინ არის ცრუ, გარდა იმისა, ვინც უარყოფს, რომ იესო არის ქრისტე? ისაა ანტიქრისტე, მამის და ძის უარმყოფელი.

²³ვინც უარყოფს ძეს, აღარც მამა ჰყავს, ხოლო ვინც აღიარებს ძეს, მამაცა ჰყავს.

²⁴ამრიგად, რაც დასაბამიდან გსმენიათ, დე, დარჩეს თქვენში, რადგან თუ ის, რაც დასაბამიდან გსმენიათ, დარჩება თქვენში, თქვენც დარჩებით ძეში და მამაში.

²⁵ხოლო აღთქმა, რომელიც მან აღგვითქვა, არის საუკუნო სიცოცხლე.

²⁶თქვენი მაცთუნებლების გამო მოგწერეთ ეს.

²⁷თუმცა ცხება, რომელიც მისგან მიიღეთ, კვლავაც თქვენშია, და არ გჭირდებათ, რომ ვინმემ გასწავლოთ, რადგანაც ცხება, ჭეშმარიტი და არა ყალბი, თვითონვე გასწავლით ყველაფერს, ამიტომ რასაც გასწავლით, მასშივე დარჩით.

²⁸ასე რომ, შვილებო, დარჩით მასში, რათა მისი გამოცხადებისას თამამად ვიყოთ და არ შევრცხვეთ მის წინაშე, როდესაც მოვა.

²⁹თუკი იცით, რომ მართალია, ისიც იცოდეთ, რომ მის მიერაა შობილი სიმართლის ყველა მოქმედი.