Read ახალი ქართულით, Modern Georgian Bible, 1982 მსაჯულნი 1 Bible Online

მსაჯულნი 1 - ახალი ქართულით, Modern Georgian Bible, 1982 bible

მსაჯულნი 1

¹იესოს სიკვდილის შემდეგ ჰკითხეს ისრაელიანებმა უფალს: რომელი ჩვენგანი გავიდეს პირველი ქანაანელებთან საომრად?

²თქვა უფალმა: იუდა გავიდეს. აჰა, ხელში ჩამიგდია მისთვისეგ მიწა.

³უთხრა იუდამ თავის ძმას სიმონს: გამომყევი ჩემსწილხვდომილში, ერთად ვეომოთ ქანაანელებს. მერე მე გამოგყვები შენსწილხვდომილში. და გაჰყვა სიმონი.

⁴გავიდა იუდა და უფალმა ხელში ჩაუგდო ქანაანელები დაფერიზელები. ამოხოცეს ისინი ბეზეკში - ათი ათასი კაცი.

⁵ბეზეკშივე შეეყარნენ ადონი-ბეზეკს. შეებნენ და დაამარცხესქანაანვლები და ფერიზელები.

⁶უკუიქცა ადონი-ბეზეკი, დაედევნენ, შეიპყრეს და ხელებზე დაფეხებზე ცერები დააჭრეს.

⁷თქვა ადონი-ბეზეკმა: სამოცდაათი მეფე, ხელებზე და ფეხებზეცერები რომ დავაჭერი, ჩემი სუფრის ქვეშ აგროვებდა ნამვსრევს. რასაცჩავდიოდი, იგივე მომაგო ღმერთმა. წაიყვანეს იგი იერუსალიმში და იქ მოკვდა.

⁸შეუტიეს იუდიანებმა იერუსალიმს, აიღეს, მახვილით მოსრესდა ცეცხლს მისცეს ქალაქი.

⁹მერე ჩავიდნენ იუდიანები მთის, სამხრეთისა და ბარის ქანაანელებთან საომრად.

¹⁰გაილაშქრა იუდამ ხებრონში მცხოვრებ ქანაანელებზე (უწინჰებრონს კირიათ-არბა ერქვა); დაამარცხეს შეშაი, ახიმანი და თალმაი.

¹¹იქიდან დაბირის მცხოვრებლებზე გაილაშქრა (უწინ დაბირს კირიათ-სეფერი ერქვა).

¹²თქვა ქალებმა: ვინც დაამარცხებს და აიღებს კირიათ-სეფერს,ცოლად მიმიცია მისთვის ჩემი ასული ყაქსა.

¹³ღოთენიელმა, ქალების უმცროსი ძმის კენაზის ძემ, აიღოქალაქი და ქალებმა ცოლად მისცა მას თავისი ასული ყაქსა.

¹⁴ვიდრე შინ გაემგზავრებოდნენ, ცოლმა დაარიგა ღოთენიელი დათავისი მამისაგან მიწა გამოათხოვინა. თვითონ კი ჩამოხდა სახედრიდან და როცაქალებმა ჰკითხა, რა გინდაო,

¹⁵მიუგო: მომეცი კურთხევა, რაკი ურწყავ მიწას მაძლევ, ბარემწყალსატევვბიც მომეცი. შეუსრულა სათხოვარი. მისცა ქალებმა ზემოწყალსატევები და ქვემო წყალსატევები.

¹⁶მოსეს სიმამრის, იოთორ კენიელის შთამომავლებიც თან ამოჰყვნენ იუდიანებს ფინიკთა ქალაქიდან იუდას უდაბნოში, რომელიც არადის სამხრეთით მდებარეობს. მოვიდნენ და ადგილობრივ ხალხში ჩასახლდნენ.

¹⁷გავიდა იუდა თავის ძმასთან სიმონთან ერთად. დაამარცხესცეფათის ქანაანელები, ააოხრეს ქალაქი და უწოდეს ხორმა (ნაოხარი).

¹⁸აიღო იუდამ ღაზა და მისი შემოგარენი, ასკალონი და მისიშემოგარენი, ყეკრონი და მისი შემოგარენი, აშდოდი და მისი შემოგარენი.

¹⁹უფალი იყო იუდასთან და მან მთიანეთი დაიმკვიდრა, ბარელებიკი ვერ აჰყარა, რადგან მათ რკინის ეტლები ჰქონდათ.

²⁰მისცეს ხებრონი ქალებს, როგორც მოსესაგან იყო დანაბარები.დაიმკვიდრა მან ყანაკის ძეთა სამი ქალაქი და ყანაკის სამივე ძე აჰყარაიქიდან.

²¹მაგრამ იებუსეველები - იერუსალიმის მკვიდრნი ვერ აჰყარეს ბენიამინიანებმა და იებუსეველები დღემდე ცხოვრობენ იერუსალიმში ბენიამინიანთა გვერდით.

²²იოსების სახლიც გავიდა ბეთელის წინააღმდეგ და უფალი იყომასთან.

²³შეჩერდა და ზვერავდა იოსების სახლი ბეთელს (უწინ ამქალაქს ლუზი ერქვა).

²⁴დაინახეს მზვერავებმა ქალაქიდან გამომავალი კაცი,შეიპყრეს და უთხრეს: გვიჩვენე ქალაქში შესასვლელი და წყალობას გიზამთ.

²⁵უჩვენა კაცმა ქალაქში შესასვლელი. მახვილით მოსრესქალაქი, ხოლო ის კაცი და მთელი მისი სახლობა გაუშვეს.

²⁶წავიდა ის კაცი ხეთელების ქვეყანაში. ააშენა იქ ქალაქი დაუწოდა ლუზი. ეს სახელი ჰქვია მას დღემდე.

²⁷მენაშემ ვერ აჰყარა ბეთ-შეანი თავისი სოფლებითურთ, ვერცთაყანაქი თავისი სოფლებითა და მცხოვრებლებითურთ, ვერც დორი თავისისოფლებითა და მცხოვრებლებითურთ, ვერც იბლეყამი თავისი სოფლებითა დამცხოვრებლებითურთ, ვერც მეგიდო თავისი სოფლებითურთ. დარჩნენ და ცხოვრობდნენქანაანელები ამ მიწაზე.

²⁸როცა მომძლავრდა ისრაელი, დახარკა ქანაანელები, აყრით კივერ აჰყარა.

²⁹ეფრემმა ვერ აჰყარა გაზერის ქანაანელები, ცხოვრობდნენქანაანელები გაზერში მათ გვერდით და ხარკს უხდიდნენ.

³⁰ზაბულონმა ვერ აჰყარა კიტრონელები და ნაქლოლელები, ცხოვრობდნენ ისინი მათ გვერდით და მისი მოხარკენი შეიქნენ.

³¹აშერმა ვერ აჰყარა ყაქოელები, რომლებიც ხარკს უხდიდნენ,ვერც დორელები და სიდონელები, ვერც ახლაბელები, აქზიბელები, ქელბელები,აფიკელები და რექობელები.

³²ცხოვრობდა აშერი იქაურ ქანაანელებს შორის, რადგან ვერაჰყარა ისინი.

³³ნაფთალიმ ვერ აჰყარა ბეთ-შემეში და ბეთ-ანათი; ცხოვრობდაიქაურ ქანაანელებს შორის. ბეთ-შემეშელებიც და ბეთ-ანათელებიც მისიმოხარკენი შეიქნენ.

³⁴ამორეველებმა მთებში შეიმწყვდიეს დანელები და ბარად არჩამოუშვეს.

³⁵დარჩნენ და ცხოვრობდნენ ამორეველები ქარ-ქერესში, სადაცდათვები და მელებია, აიალონში და შაყალბიმში, მაგრამ იოსების სახლის ხელიმძიმედ დააწვა ამორეველებს და მოხარკედ გაუხდნენ ისინი.

³⁶ამორეველების საზღვარი ყაკრაბიმის მაღლობზე, სელაზე დამის მაღლა გადიოდა.