Read ახალი ქართულით, Modern Georgian Bible, 1982 მსაჯულნი 10 Bible Online

მსაჯულნი 10 - ახალი ქართულით, Modern Georgian Bible, 1982 bible

მსაჯულნი 10

¹აბიმელექის შემდეგ გამოჩნდა თოლაყი, ძე ფუასი, ძისა დოდოსი, ისაქარელი, ისრაელის სახსნელად. იგი შამირში ცხოვრობდა, ეფრემის მთაში.

²მსაჯულობდა ისრაელზე ოცდასამი წელი, მერე მოკვდა დაშამირში დამარხეს.

³მის შემდგომ გალაადელი იაირი გამოჩნდა და მსაჯულობდაისრაელზე ოცდაორი წელი.

⁴ოცდაათი ვაჟი ჰყავდა, ოცდაათ ახალგაზრდა სახედარზეამხედრებული, პატრონი ოცდაათი ქალაქისა, რომელთაც დღემდე იაირისნასახლარებს უწოდებენ გალაადის მხარეში.

⁵მერე მოკვდა იაირი და კამონში დამარხეს.

⁶კვლავ უკუღმართად იქცეოდნენ ისრაელიანები უფლის თვალში,ემსახურებოდნენ ბაალებსა და აშთაროთებს, არამის, სიდონის, მოაბის ღმერთებს,ყამონელებისა და ფილისტიმელების ღმერთებს. უფალი კი დაივიწყეს და აღარემსახურებოდნენ მას.

⁷აღიგზნო უფლის რისხვა ისრაელის მიმართ და ხელში ჩაუგდოისინი ფილისტიმელებსა და ყამონელებს.

⁸იმ წლიდან მოკიდებული ავიწროებდნენ და ჩაგრავდნენ ისინიისრაელიანებს თვრამეტი წელი, ყველა ისრაელიანს, ვინც იორდანეს გაღმა ესახლაამორეველების მიწაზე, გალაადის მხარეში.

⁹ბოლოს გადმოლახეს ყამონელებმა იორდანე, რომ შებრძოლებოდნენ იუდას, ბენიამინსა და ეფრემის სახლს. ძლიერ გაუჭირდა ისრაელს.

¹⁰შეჰღაღადეს ისრაელიანებმა უფალს და უთხრეს: შეგცოდეთ, რადგან დავივიწყეთ ჩვენი ღმერთი და ვემსახურებოდით ბაალებს.

¹¹უთხრა უფალმა ისრაელიანებს: ხომ მიხსნიხართ ეგვიპტისგან, ამორეველთაგან, ყამონიანთაგან და ფილისტიმელთაგან;

¹²ციდონელები, ყამალეკი და მაყონი, გავიწროებდნენ და როცაკი შემოგიღაღადებიათ ჩემთვის, ხომ მიხსნიხართ მათი ხელიდან?

¹³თქვენ კი დამივიწყეთ და ემსახურებოდით უცხო ღმერთებს,ამიტომაც აღარ გიხსნით.

¹⁴წადით და შეჰღაღადეთ თქვენს მიერ არჩეულ ღმერთებს. მათგიხსნან თქვენს გასაჭირში.

¹⁵უთხრეს ისრაელიანებმა: შევცოდეთ! გვიყავ, რაც გენებოს,ოღონდ დღეს გვიხსენი.

¹⁶უარყვეს უცხო ღმერთები და უფლის მსახურებას შეუდგნენ. ვეღარ აიტანა მისმა სულმა ისრაელის ტანჯვა.

¹⁷შეიყარნენ ყამონიანები და გალაადში დაბანაკდნენ.შეიყარნენ ისრაელიანებიც და მიცფაში დაბანაკდნენ.

¹⁸თქვეს ერთმანეთში ხალხმა და გალაადის მთავრებმა: ვინცპირველი შეებრძოლება ყამონიანებს, ის იყოს მთელი გალაადის წინამძღოლი.