Read ახალი ქართულით, Modern Georgian Bible, 1982 მსაჯულნი 11 Bible Online

მსაჯულნი 11 - ახალი ქართულით, Modern Georgian Bible, 1982 bible

მსაჯულნი 11

¹იყო იფთახ გალაადელი, მაგარი ვაჟკაცი იყო. მეძავი ქალის ნაშობი იყო იგი. გალაადმა შვა იფთახი.

²ცოლმაც უშვა გალაადს ვაჟები. როცა წამოიზარდნენ ცოლისვაჟები, გააგდეს იფთახი, უთხრეს: შენ არ გიდევს წილი მამაჩვენის სახლში,რადგან სხვა ქალის ნაშობი ხარ.

³გაერიდა თავის ძმებს იფთახი და ტობის მხარეში დასახლდა.უღირსმა ხალხმა მოიყარა თავი მის გარშემო და დათარეშობდა მასთან ერთად.

⁴გამოხდა ხანი და გამოვიდნენ ყამონიანები ისრაელისწინააღმდეგ საბრძოლველად.

⁵და როცა ომი აუტეხეს ყამონიანებმა ისრაელს, მივიდნენგალაადის უხეცესები იფთახთან, რათა წამოეყვანათ ტობის მხარიდან.

⁶უთხრეს იფთახს: მოდი, გახდი ჩვენი წინამძღოლი დაშევებრძოლოთ ყამონიანებს.

⁷უთხრა იფთახმა გალაადის უხუცესებს: აკი მომიძულეთ დაგამომაგდეთ მამაჩემის სახლიდან? ახლა რატომ მომაკითხეთ, როცა გაგიჭირდათ?

⁸უთხრეს გალაადის უხუცესებმა იფთახს: იმიტომ მოგაკითხეთ,რომ წამოგვყვე, შეებრძოლო ყამონიანებს და მთელი გალაადის წინამძღოლი გახდე.

⁹უთხრა იფთახმა გალაადის უხუცესებს: თუ დამაბრუნეთ ყამონიანებთან საბრძოლველად და უფალმა ხელში ჩამიგდო ისინი, მერეც თქვენი წინამძღოლი ვიქნები?

¹⁰უთხრეს გალაადის უხუცესებმა იფთახს: უფალი იყოს მოწმეჩვენს შორის, რომ ისე მოვიქცევით, როგორც შენ იტყვი.

¹¹წამოჰყვა იფთახი გალაადის უხუცესებს და ხალხმა იგი თავის თავკაცად და წინამძღოლად აირჩია. გაიმეორა იფთახმა ყოველი თავისი სიტყვა უფლის წინაშე, მიცფაში.

¹²კაცები გაუგზავნა იფთახმა ყამონიანთა მეფეს და უთხრა: რახელი გაქვს ჩემთან, რომ მომიხდი და მებრძვი ჩემს მიწაზე?

¹³უთხრა ყამონიანთა მეფემ იფთახის კაცებს: როცა ეგვიპტიდანგამოვიდა ისრაელი, ჩემი ქვეყანა დაიკავა არნონიდან იაბოკამდე დაიორდანემდე. მშვიდობიანად დამიბრუნე იგი და დაგეხსნები.

¹⁴დაბრუნდნენ კაცები იფთახთან. მეორედ გაუგზავნა იფთახმაკაცები ყამონიანთა მეფეს.

¹⁵უთხრა: ასე ამბობს იფთახი: ისრაელს არ მიუტაცებია მოაბისქვეყანა და ყამონიანთა ქვეყანა.

¹⁶როცა ეგვიპტიდან გამოსულმა უდაბნოში იარა მეწამულ ზღვამდე და კადეშს მიადგა,

¹⁷კაცები გაუგზავნა ედომის მეფეს და შეუთვალა: გამატარეშენს ქვეყანაზე, მაგრამ ყური არ ათხოვა. მოაბის მეფესაც გაუგზავნა კაცები.მაგრამ მანაც უარი უთხრა. ამიტომაც კადეშში დარჩა ისრაელი.

¹⁸გამოიარა უდაბნო, გამოსცდა ედომელთა ქვეყანას და მოაბისქვეყანას, მოაღწია მოაბის ქვეყნის საზღვრამდე და არნონს იქით დაბანაკდა.მაგრამ არ შესულა მოაბის ქვეყანაში, რადგან არნონი მოაბის საზღვარია.

¹⁹კაცები გაუგზავნა ისრაელმა სიხონს, ამორეველთა მეფეს,ხეშბონის მეფეს, შეუთვალა მას ისრაელმა: გაგვატარე შენს ქვეყანაზე და ჩვენსადგილამდე მიგვიშვიო.

²⁰მაგრამ სიხონი არ დათანხმდა, გაეტარებინა ისრაელი თავისმიწა-წყალზე. შეაგროვა სიხონმა მთელი თავისი ხალხი, იააცში დაბანაკდა დაშეება ისრაელს.

²¹უფალმა, ისრაელის ღმერთმა, ხელში ჩაუგდო ისრაელს სიხონი და მთელი მისი ხალხი და მან გაწყვიტა ისინი. დაიმკვიდრა ისრაელმა ამორეველთა მთელი ქვეყანა, იმათი, ვინც იმ ქვეყანაში ცხოვრობდა.

²²დაიმკვიდრეს ამორეველთა მთელი მიწა-წყალი არნონიდანიაბოკამდე და უდაბნოდან იორდანემდე.

²³ასე აჰყარა უფალმა, ისრაელის ღმერთმა, ამორეველები თავისიერის ისრაელის წინაშე, შენ კი სამკვიდრებელში ეცილები მას?

²⁴ხომ ფლობ იმას, რაც დაგიმკვიდრა ქამოშმა, შენმა ღმერთმა?ჩვენც ვფლობთ ყველაფერს, რაც უფალს, ჩვენს ღმერთს, დაუმკვიდრებია ჩვენთვის.

²⁵რითი ჯობიხარ ბალაკ ციფორის ძეს, მოაბის მეფეს? ოდესმე თუწაკიდებია იგი ისრაელს ან თუ უომია მასთან?

²⁶სამასი წელია, რაც ცხოვრობს ისრაელი ხეშბონში და მისსოფლებში, ყაროყერში და მის სოფლებში, ყველა ქალაქში არნონისგაღმა-გამოღმა. რატომ იმთავითვე არ დაიბრუნე ისინი?

²⁷მე არ მაქვს ბრალი შენს წინაშე, შენ კი ბოროტებასმიკეთებ, ჩემზე რომ მოდიხარ საბრძოლველად. უფალი იყოს ახლა მსაჯულიისრაელიანთა და ყამონიანთაა შორის!

²⁸მაგრამ ყური არ ათხოვა ყამონიანთა მეფემ იფთახისშენათვალს.

²⁹გადმოვიდა უფლის სული იფთახზე და მან გაიარა გალაადი დამენაშე, გაიარა გალაადის მიცფა და გალაადის მიცფადან წავიდა ყამონელებზე.

³⁰ასე აღუთქვა იფთახმა უფალს: თუ ხელში ჩამაგდებინებყამონიანებს,

³¹როცა შინ მშვიდობით დავბრუნდები, ვინც პირველი გამომეგებება ჩემი სახლის ჭიშკართან, უფლისა იყოს და შევწირავ აღსავლენ მსხვერპლად.

³²წავიდა იფთახი ყამონიანებზე, შეება და უფალმა ხელშიჩააგდებინა ისინი.

³³სასტიკად დაამარცხა ისინი ყაროყერიდან მინათამდე, ოციქალაქი, და აბელ-კერამიმამდე. დაემორჩილნენ ყამონიანები ისრაელიანებს.

³⁴შინ მობრუნდა იფთახი მიცფაში და, აჰა, როკვით გამოეგებათავისი ასული დაირით ხელში. ეს ერთი ჰყავდა, მის გარდა არც ვაჟი ჰყავდა დაარც ქალი.

³⁵როცა დაინახა, შემოიხია ტანსაცმელი და თქვა: ვაიმე შვილო,როგორ დამღუპე, ეს რა უბედურება დამატეხე. მაგრამ მე ბაგე გავხსენი უფლისწინაშე და ვერ გადავალ სიტყვას.

³⁶უთხრა ასულმა: მამაჩემო! რაკი ბაგე გახსენი უფლის წინაშე,ის მიყავ, რაც შენმა ბაგემ წარმოთქვა, როცა უფალმა სამაგიერო მიაგო შენიხელით შენს მტრებს, ყამონიანებს.

³⁷უთხრა მამას: ოღონდ ერთი რამ შემისრულე: ორი თვითგამიშვი, წავალ, მთაში ავალ და ჩემს დობილებთან ერთად გამოვიტირებ ჩემსყმაწვილქალობას.

³⁸უთხრა: წადი. ორი თვით გაუშვა, წავიდა იგი თავისდობილებთან ერთად და მთაში გამოიტირა თავისი ყმაწვილქალობა.

³⁹ორი თვისა შემდეგ დაბრუნდა მამასთან და აღასრულებინადადებული აღთქმა, ისე რომ მამაკაცი არ შეუცვნია. წესად დაიდო ისრაელში:

⁴⁰წლიდან წლამდე, წელიწადში ერთხელ, მიდიან ისრაელიანიქალიშვილები და ოთხი დღე იხსენებენ იფთახ გალაადელის ასულს.