Read ახალი ქართულით, Modern Georgian Bible, 1982 მსაჯულნი 12 Bible Online

მსაჯულნი 12 - ახალი ქართულით, Modern Georgian Bible, 1982 bible

მსაჯულნი 12

¹შეიკრიბნენ ეფრემელები, გადავიდნენ ცაფონში და უთხრეს იფთახს: რატომ წახვედი ყამონიანებთან საომრად და ჩვენ არ დაგვიძახე. სახლკარიანად გადაგბუგავთ.

²უთხრა მათ იფთახმა: მაგარი მტრობა გვქონდა ყამონიანებთანმე და ჩემს ხალხს. გიძახდით, მაგრამ არ მიხსენით მათი ხელიდან.

³როცა ვნახე, არავინ დამიხსნიდა, თავი გამოვიმეტე, წავედიყამონიანებზე და ღმერთმა ხელში ჩამიგდო ისინი. ახლა რისთვის მეჩხუბებით?

⁴შეკრიბა იფთახმა ყველა გალაადელი და შეება ეფრემს.დაამარცხეს გალაადელებმა ეფრემი, რადგან ამბობდნენ, თქვენ ეფრემიდან ხართოგადმოხვეწილნი. გალაადი ეფრემს შორისაა და მენაშეს შორისაა.

⁵გადაუჭრა გალაადმა ეფრემს იორდანეზე გადასასვლელი ფონი დაროცა რომელიმე გადარჩენილი ეფრემიანი იტყოდა, გაღმა გადამიშვითო,ჰკითხავდნენ, ეფრემიანი ხომ არა ხარო? თუ მიუგებდა: არაო,

⁶უბრძანებდნენ: თქვი „შიბოლეთი“ (თავთავი). ის კი იტყოდა:„სიბოლეთი“, სხვაგვარად წარმოთქმა არ შეეძლო. მაშინ შეიპყრობდნენ დაკლავდნენ იორდანეს ფონთან. ორმოცდაორი ათასი ეფრემიანი დაეცა იმჟამად.

⁷ექვსი წელი მსაჯულობდა იფთახი ისრაელზე. მერე მოკვდაიფთახ გალაადელი და დამარხეს გალაადის ერთერთ ქალაქში.

⁸მის შემდეგ ისრაელის მსაჯული გახდა იბცან ბეთლემელი.

⁹ოცდაათი ვაჟი ჰყავდა, შინიდან ოცდაათი ქალი გაისტუმრა, ოცდაათი ქალი შინ მოუყვანა თავის ვაჟებს და შვიდი წელი მსაჯულობდა ისრაელზე.

¹⁰მერე მოკვდა იბცანი და დამარხეს ბეთლემში.

¹¹მის შემდეგ ისრაელის მსაჯული გახდა ელონ ზებულონელი. ათი წელი მსაჯულობდა იგი ისრაელზე.

¹²მერე მოკვდა ელონ ზებულონელი და დამარხეს აიალონში,ზებულონის მხარეში.

¹³მას შემდეგ ისრაელის მსაჯული გახდა ყაბდონი, ჰილელის ძე,პირყათონელი.

¹⁴ორმოცი ვაჟი და ოცდაათი შვილიშვილი ჰყავდა, სამოცდაათახალგაზრდა სახედარზე ამხედრებული, და რვა წელი მსაჯულობდა ისრაელზე.

¹⁵მერე მოკვდა ყაბდონ ჰილელის ძე, პირყათონელი, და დამარხესპირყათონში, ეფრემის მხარეში, ყამალეკის მთაში.