Read ახალი ქართულით, Modern Georgian Bible, 1982 მსაჯულნი 15 Bible Online

მსაჯულნი 15 - ახალი ქართულით, Modern Georgian Bible, 1982 bible

მსაჯულნი 15

¹გამოხდა ხანი, და პურისმკის დროს წავიდა სამსონი თავისი ცოლის სანახავად და ერთი თიკანი წაიყვანა. თქვა: შევალ ჩემს ცოლთან სანთიობოშიო, მაგრამ ქალის მამამ არ შეუშვა.

²უთხრა ქალის მამამ: მეგონა, გული აიყარე მასზე, და შენსმაყარს მივათხოვე. აი, უმცროსი და მასზე ლამაზია, ეგ წაიყვანე მის ნაცვლად.

³უთხრა მათ სამსონმა: ხომ მართალი ვიქნებიფილისტიმელებთან, ავი საქმე რომ დავმართო?

⁴წავიდა სამსონი, დაიჭირა სამასი მელა, აიღო ჩირაღდნები,ორ-ორ მელას კუდები ერთმანეთზე გადაუსკვნა და ზედ თითო ჩირაღდანი მიაბა.

⁵აანთო ჩირაღდნები და შეუშვა ფილისტიმელების ყანებში.გადაუწვა ძნებიცა და სამკალიც, ვენახებიცა და ზეთისხილის ბაღებიც.

⁶თქვეს ფილისტიმელებმა: ვინ ჩაიდინა ეს საქმე? მიუგეს:სამსონმა, თიმნათელის სიძემ, რადგან ამ თიმნათელმა აიღო და მის მაყარსმიათხოვა მისი ცოლი. წავიდნენ ფილისტიმელები და ცეცხლში ამობუგესმამა-შვილი.

⁷უთხრა მათ სამსონმა: რაკი ასე მომექეცით, ვერ მოვისვენებ,სანამ თქვენს ჯავრს არ ამოვიყრი.

⁸მაგრად ურტყა მათ წვივებზე და თეძოებზე. მერე წავიდა დაყეტამის კლდეში ეხს შეაფარა თავი.

⁹წავიდნენ ფილისტიმელები, იუდაში დაბანაკდნენ და განივრცნენ ლეხამდე.

¹⁰უთხრეს იუდიანებმა: რატომ წამოხვედით ჩვენზე? მიუგეს:სამსონის შესაპყრობად წამოვედით, ის უნდა დავმართოთ, რაც ჩვენ დაგვმართა.

¹¹მივიდა სამასი კაცი იუდადან ყეტამის კლდის ეხთან და უთხრა სამსონს: ვითომ არ იცი, რომ ფილისტიმელები ბატონობენ ჩვენზე? ეს რა ჭირში ჩაგვყარე?

¹²უთხრეს: მოვედით, რომ შეგიპყროთ და ხელთ მიგცეთფილისტიმელებს. უთხრა სამსონმა: შემომფიცეთ, რომ არ მომკლავთ.

¹³უთხრეს: არა, მხოლოდ შეგიპყრობთ და ხელთ მიგცემთფილისტიმელებს. მოკვლით არ მოგკლავთო. ორი ახალი თოკით გაკოჭეს დაწაიყვანეს ეხიდან.

¹⁴ლეხთან რომ მივიდა, ყიჟინით შემოეხვივნენ ფილისტიმელები.უფლის სული გადმოვიდა მასზე, თოკები, რომლებითაც ხელები ჰქონდა შეკრული,დამწვარი სელივით შეიქმნა და დასცვივდა ბორკილები ხელებიდან.

¹⁵ვირის ახალი თავყბა იპოვა, ხელით დასწვდა, აიღო და ათასიკაცი დახოცა იმით.

¹⁶თქვა სამსონმა: ვირის თავყბით ვირთა დასიო, ვირის ყბითვხოცე ათასიო.

¹⁷ეს რომ თქვა, გააგდო ვირის თავყბა ხელიდან და უწოდა იმადგილს რამათ-ლეხი.

¹⁸ძალიან მოსწყურდა და შეევედრა უფალს: ეს დიდი საქმე ხომჩაიდინე შენი მორჩილის ხელით, ნუთუ ახლა წყურვილმა უნდა მომკლას დაწინდაუცვეთელებს ჩავუვარდე ხელში?

¹⁹გააჩინა ღმერთმა ლეხში ნაპრალი და ამოხეთქა იქიდანწყალმა. დალია სამსონმა, სული მოიბრუნა და გამოცოცხლდა. ამიტომაც ეწოდა იმადგილს ვედრების წყარო, რომელიც დღემდეა ლეხში.

²⁰იგი ოცი წელი იყო ისრაელის მსაჯული ფილისტიმელების დროს.