Read ახალი ქართულით, Modern Georgian Bible, 1982 მსაჯულნი 18 Bible Online

მსაჯულნი 18 - ახალი ქართულით, Modern Georgian Bible, 1982 bible

მსაჯულნი 18

¹იმ ხანებში ისრაელს მეფე არ ჰყავდა. იმ ხანებში დანის ტომი თავის წილხვდომილს დაეძებდა, რომ იქ დასახლებულიყო, რადგან ჯერაც არ ხვდომოდა წილი ისრაელის ტომთა შორის.

²ხუთი კაცი გაგზავნეს დანიანებმა თავიანთი ტომიდან,ცორელები და ეშთაოლელები, მაგარი ვაჟკაცები, რომ მხარე დაევლოთ დადაეზვერათ. უთხრეს, წადით და მხარე დაზვერეთო. მივიდნენ ეფრემის მთაშიმიქას სახლთან და ღამე იქ გაითიეს.

³მიქას სახლთან ყოფნისას ეცნოთ ყმაწვილი ლევიანის ხმა,შევიდნენ და ჰკითხეს: აქ ვინ მოგიყვანა, არას აკეთებ, რა გინდა აქ?

⁴მიუგო: ასე და ასე მომირიგდა მიქა, დამიქირავა და მღვდლადდამიყენა.

⁵უთხრეს: ჰკითხე ღმერთს, გვინდა ვიცოდეთ, იღბლიანი იქნებათუ არა ჩვენი გზა, რომელსაც ვადგავართ?

⁶უთხრა მღვდელმა: მშვიდობით ივლით, უფალი გიფარავთ თქვენსგზაზე, რომელსაც ადგახართ.

⁷წავიდა ეს ხუთი კაცი, მივიდა ლაიშში და ნახა: ცხოვრობს იქხალხი უზრუნველად, ციდონელთა წესის მიხედვით, წყნარი და უზრუნველი,ქვეყანაზე არავინ აწუხებს, არავინ ებატონება, ციდონელებისგან მოწყვეტილიადა არა ხალხთან არა აქვს საქმე.

⁸მობრუნდნენ მოძმეებთან, ცორასა და ეშთაოლში. ჰკითხესმოძმეებმა: რა ამბავი მოგაქვთ?

⁹მიუგეს: ავდგეთ და გავილაშქროთ მათზე, რადგან ვნახეთ მათი მხარე და ძალიან კარგი იყო, თქვენ კი არაფერს ჰღონობთ. ნუღა დაბრკოლდებით, წადით და დაიმკვიდრეთ ის მხარე.

¹⁰მიხვალთ და უზრუნველ ხალხს წააწყდებით. გაშლილი მხარეა დაღმერთს თქვენთვის მოუცია იგი. ისეთი ადგილია, არაფერი რომ არ აკლიაქვეყანაზე.

¹¹გაემართა იქიდან დანისტომელთა ერთი ნაწილი, ცორელები და ეშთაოლელები, საომრად შეჭურვილი ექვსასი კაცი.

¹²წავიდნენ და კირიათ-იეყარიმში, იუდაში, დაბანაკდნენ.ამიტომ ეძახიან დღემდე იმ ადგილს დანის ბანაკს. იგი კირიათ-იეყარიმისგადაღმაა.

¹³იქიდან ეფრემის მთაში ავიდნენ და მიქას სახლს მიადგნენ.

¹⁴იმ ხუთმა კაცმა, ლაიშის მხარე რომ დაზვერა, უთხრათანამოძმეებს: თუ იცით, რომ ერთ-ერთში ამ სახლთაგან არის ეფოდი, თერაფიმი,ქანდაკი და ჩამოსხმული კერპი? ჰოდა, მოიფიქრეთ, როგორ მოვიქცეთ.

¹⁵გაუხვიეს იქით და შევიდნენ ყმაწვილი ლევიანის სახლში,მიქას სახლში, და მშვიდობით მოიკითხეს.

¹⁶ექვსასი კაცი დანისტომელი, საომრად შეჭურვილი, ჭიშკართანიდგა.

¹⁷ავიდა ის ხუთი კაცი, მხარე რომ დაზვერა, შევიდა შიგნით,აიღო ქანდაკი, ეფოდი, თერაფიმი და ჩამოსხმული კერპი. მღვდელი ჭიშკართანიდგა საომრად შეჭურვილი ექვსასი კაცის გვერდით.

¹⁸მიქას სახლში შევიდნენ ისინი და აიღეს ქანდაკი, ეფოდი,თერაფიმი და ჩამოსხმული კერპი. უთხრა მათ მღვდელმა: რას სჩადიხართ!

¹⁹მიუგეს: გაჩუმდი, პირზე ხელი აიფარე და წამოგვყევი,გაგვიხდი მამად და მღვდლად. რა გირჩევნია, ერთი კაცის მღვდლობა თუ ისრაელისტომისა და მოდგმის მღვდლობა?

²⁰გაუხარდა მღვდელს, აიღო ეფოდი, თერაფიმი, ქანდაკი დაგაჰყვა იმ ხალხს.

²¹გაბრუნდნენ ისინი და გზას გაუდგნენ. ქალები და ბავშვები,საქონელი და ტვართი წინ გაუშვეს.

²²გამოცილებული იყვნენ მიქას სახლს, რომ შეიყარნენ მიქას კარის მეზობლები და უკან გამოუდგნენ დანიანებს.

²³მიჰყვიროდნენ დანიანებს. მოიხედეს დანიანებმა და უთხრესმიქას: რა მოგივიდა, რა გაყვირებს?

²⁴უთხრა: მომტაცეთ ჩემი გაკეთებული ღმერთები, ჩემი მღვდელიდა წახვედით, სხვა რაღა უნდა მომხდარიყო? როგორღა მეუბნებით, რა მოგივიდაო?

²⁵დანიანებმა უთხრეს: აღარ გავიგონოთ შენი ხმა, თორემგამწარდება ზოგიერთი ჩვენგანი, გამოგენთებათ და დაღუპავ შენს თავსაც დაშენიანებსაც.

²⁶წავიდნენ დანიანები თავიანთი გზით. დაინახა მიქამ, რომმასზე ძლიერები იყვნენ ისინი, გატრიალდა და შინ დაბრუნდა.

²⁷წაიღეს მიქას ნაკეთობანი და მისი მღვდელიც თან წაიყვანეს.დაეცნენ ლაიშში წყნარ და უზრუნველ ხალხს, მახვილით მოსრეს და ცეცხლს მისცესქალაქი.

²⁸არავინ აღმოჩნდა მისი მშველელი, რადგან ციდონისგან შორსიყო და არა ხალხთან არ ჰქონდა საქმე. ეს ქალაქი ვაკეზე მდებარეობდაბეთ-რეხობის ახლოს. ხელახლა ააშენეს ქალაქი, დასახლდნენ მასში.

²⁹თავიანთი მამის, დანის, ისრაელის ძის, სახელობაზე უწოდესდანი, მანამდე კი ქალაქს ლაიში ერქვა.

³⁰დაიდგეს ქანდაკი დანიანებმა. იმ მხარის გადასახლებამდედანისტომელთა მღვდლები იყვნენ იონათანი, ძე გერშომისა, მენაშეს ძისა, თავადიგი და მისი შთამომავლები.

³¹ედგათ მიქას გაკეთებული ქანდაკი მთელი ის ხანი, სანამღვთის სახლი სილოამში იყო.