Read ახალი ქართულით, Modern Georgian Bible, 1982 მსაჯულნი 6 Bible Online

მსაჯულნი 6 - ახალი ქართულით, Modern Georgian Bible, 1982 bible

მსაჯულნი 6

¹უკუღმართად იქცეოდნენ ისრაელიანები უფლის თვალში და უფალმა მიდიანის ხელში ამყოფა ისინი შვიდ წელიწადს.

²დამძიმდა მიდიანის ხელი ისრაელზე, იხიზნებოდნენისრაელიანები მიდიანისგან მთებში, გამოქვაბულებში და მიუვალ ადგილებში.

³როგორც კი მოამთავრებდა ისრაელი ხვნა-თესვას, მოვიდოდნენმიდიანი, ყამალეკი, კედემიანები და მოედებოდნენ ისრაელს.

⁴ჩამოსახლდებოდნენ მათ მიწაზე, გააჩანაგებდნენ მთელმოსავალს ღაზამდე, აღარაფერს უტოვებდნენ ისრაელს თავის სარჩენად, არცცხვარს, არც ძროხას, არც სახედარს.

⁵მოდიოდნენ ჯოგებიან-კარვებიანად, მოდიოდნენ კალიასავითურიცხვნი, თვლა აღარ ჰქონდათ არც მათ და არც მათ აქლემებს. შეესეოდნენ დააჩანაგებდნენ ისრაელის ქვეყანას.

⁶მთლად გაღატაკდა ისრაელი მიდიანის გამო და შეჰღაღადესისრაელიანებმა უფალს.

⁷და როცა შეჰღაღადეს ისრაელიანებმა უფალს მიდიანის გამო,

⁸მოუვლინა უფალმა ისრაელიანებს წინასწარმეტყველი, რომელმაცუთხრა მათ: ასე ამბობს უფალი, ისრაელის ღმერთი: გამოგიყვანეთ ეგვიპტიდან,გამოგიყვანეთ მონობის სახლიდან,

⁹დაგიხსენით ეგვიპტელის ხელთაგან და ყველა თქვენი მჩაგვრელის ხელთაგან, განვდევნე ისინი თქვენგან და მათი ქვეყანა თქვენ მოგეცით.

¹⁰თან გითხარით: მე ვარ უფალი, თქვენი ღმერთი. არ იწამოთღმერთები ამორეველებისა, ვის მიწაზეც ცხოვრობთ, მაგრამ არ შეისმინეთ ჩემი.

¹¹მოვიდა უფლის ანგელოზი და დაჯდა აბიყეზრელი იოაშის ბელეკონქვეშ, ყოფრაში. მისი ვაჟი გედეონი საწნახელში ცეხვავდა ხორბალს, მიდიანისგან ფარულად.

¹²გამოეცხადა უფლის ანგელოზი და უთხრა: უფალი შენთანაა,მაგარო ვაჟკაცო!

¹³უთხრა გედეონმა: ვაგლახ, ჩემო ბატონო, უფალი რომ ჩვენთანიყოს, ეს უბედურება რატომ დაგვემართებოდა. სადღაა მთელი მისი სასწაულები,ჩვენი მამები რომ გვიყვებოდნენ და გვეუბნებოდნენ: უფალი იყო, ეგვიპტიდანრომ გამოგვიყვანაო. ახლა მიგვატოვა უფალმა და მიდიანის ხელში ჩაგვაგდო.

¹⁴მიუბრუნდა მას უფალი და უთხრა: წადი მაგ შენი ძალით დაიხსენი ისრაელი მიდიანის ხელთაგან. ხომ მე გაგზავნი!

¹⁵უთხრა გედეონმა: ვაგლახ, ბატონო, მე როგორ უნდა ვიხსნაისრაელი! ჩემი საგვარეულო ყველაზე მცირეა მენაშეში, მე კი მამაჩემის სახლშიყველაზე უმცროსი ვარ.

¹⁶უთხრა უფალმა: მე ვიქნები შენთან და ისე სძლევ მიდიანს, როგორც ერთ კაცს.

¹⁷უთხრა გედეონმა: თუ მადლი ვპოვე შენს თვალში, ნიშანი რამმომეცი, რომ შენ მელაპარაკები.

¹⁸ნუ წახვალ აქედან ჩემს მოსვლამდე, ვიდრე ძღვენსგამოვიტანდე და მოგართმევდე. უთხრა: შენს დაბრუნებამდე აქ მოვიცდი.

¹⁹წავიდა გედეონი, თიკანი და ერთი ეფა ფქვილის ხმიადებიდაამზადა, ხორცი კალათაში ჩააწყო, წვენი ქოთანში ჩაასხა, მიიტანაბელეკონქვეშ და მიართვა.

²⁰უთხრა უფლის ანგელოზმა: აიღე ხორცი და ხმიადები, მანდ,ქვაზე დააწყვე და ზედ წვენი გადაასხი. ასეც მოიქცა.

²¹გაიშვირა უფლის ანგელოზმა კვერთხი, რომელიც ხელთ ეპყრა, და მისი წვერი ხორცსა და ხმიადებს შეახო, ავარდა ქვიდან ცეცხლი და შთანთქა ხორცი და ხმიადები. მერე თვალს მიეფარა უფლის ანგელოზი.

²²მიხვდა გედეონი რომ ეს უფლის ანგელოზი იყო. თქვაგედეონმა: ვაი ჩემს თავს, უფალო, რადგან უფლის ანგელოზი პირისპირ ვიხილე!

²³უფალმა უთხრა: მშვიდობა შენდა, ნუ გეშინია, არ მოკვდები.

²⁴სამსხვერპლო აუგო იქ უფალს გედეონმა და უწოდა მშვიდობისუფალი. იგი დღემდე დგას აბიყეზრელის ყოფრაში.

²⁵უთხრა უფალმა იმ ღამით გედეონს: წამოიყვანე მამაშენისჯოგიდან მოზვერი და მეორე მოზვერი, შვიდწლიანი. დაანგრიე ბაალისსამსხვერპლო, რომელიც მამაშენს უდგას, და მის გვერდით რომ აშერაა, აჩეხე.

²⁶აუგე უფალს, შენს ღმერთს, რიგიანი სამსხვერპლო ამ კვრივისთავში. მერე აიღე და დაწვი მეორე მოზვერი აღსავლენ მსხვერპლად იმ აშერასხით, რომელსაც აჩეხავ.

²⁷წამოიყვანა გედეონმა ათი კაცი თავის მსახურთაგან და ისემოიქცა, როგორც უფალმა უბრძანა, მაგრამ თავის შინაურთა და ქალაქის მკვიდრთაშიშით ვერ გაბედა დღისით გაეკეთებინა ეს საქმე და ღამით გააკეთა.

²⁸აღდგნენ დილით ქალაქის მკვიდრნი და რას ხედავენ: ბაალისსამსხვერპლო დანგრეულია, გვერდით რომ აშერა იყო, აჩეხილია და აღსავლენიმოზვერი იწვის ახალაგებულ სამსხვერპლოზე.

²⁹უთხრეს ერთმანეთს: ვინ ჩაიდინა ეს საქმე? მიმოდგნენ,გამოიკითხეს და თქვეს: გედეონს ჩაუდენია, იოაშის ძეს.

³⁰უთხრეს ქალაქის მკვიდრებმა იოაშს: გამოგვიყვანე შენივაჟი, სიკვდილით უნდა დაისაჯოს, რადგან დაუნგრევია ბაალის სამსხვერპლო დაგვერდით რომ აშერა იყო, აუჩეხავს.

³¹უთხრა იოაშმა ყველას, ვინც მას მიუხდა: რა თქვენი დასაცავია ბაალი, რა თქვენი საპატრონოა? მისი დამცველი ამ დილითვე სიკვდილით დაისჯება. თუ ღმერთია, თავად დაიცვას თავი, რადგან გედეონის დანგრეულია მისი სამსხვერპლო.

³²უწოდეს იმ დღიდან იერობაალი, რადგან თქვეს: თავადგაუსწორდეს ბაალი თავისი სამსხვერპლოს დანგრევისთვის.

³³შეიყარა იმჟამად მთელი მიდიანი, ყამალეკი და კედემიანები,გადმოლახეს მდინარე და იზრეყელის ველზე დაბანაკდნენ.

³⁴უფლის სულმა მოიცვა გედეონი, ბუკსა ჰკრა და გამოვიდნენაბიყეზერელები მის დაძახილზე.

³⁵კაცები დაგზავნა მთელ მენაშეს ტომში და გამოვიდნენ ისინიმის დაძახილზე. კაცები გაუგზავნა აშერს, ზებულონსა და ნაფთალისაც და ისინიცგამოვიდნენ მათ შესახვედრად.

³⁶უთხრა გედეონმა ღმერთს: თუ ჩემი ხელით იხსნი ისრაელს,როგორც მეუბნებოდი,

³⁷მაშინ საწმისს გავშლი კალოზე: თუ ცვარი მხოლოდ საწმისზეიდება, მთელი მიწა კი მშრალი იქნება, ვირწმუნებ, რომ ჩემი ხელით იხსნიისრაელს, როგორც მეუბნებოდი.

³⁸ასეც მოხდა: მეორე დღეს დილაადრიან ადგა, გაწურა საწმისიდა მთელი თასი წყალი გამოადინა.

³⁹უთხრა გედეონმა უფალს: ნუ შემრისხავ, მინდა ამ ერთხელკიდევ მოგმართო და ამ ერთხელ კიდევ ვსინჯო საწმისი. მხოლოდ საწმისი იყოსმშრალი, მთელ მიწაზე კი ცვარი იდოს.

⁴⁰ასეც მოახდინა იმ ღამით ღმერთმა: მხოლოდ საწმისი იყომშრალი, მთელ მიწაზე კი ცვარი იდო.