Read ახალი ქართულით, Modern Georgian Bible, 1982 მსაჯულნი 7 Bible Online

მსაჯულნი 7 - ახალი ქართულით, Modern Georgian Bible, 1982 bible

მსაჯულნი 7

¹ადგა დილით იერობაალი, იგივე გედეონი, აგრეთვე მასთან მყოფი მთელი ხალხი, და ქაროდის ხევში დაბანაკდა. მიდიანის ბანაკი მისგან ჩრდილოეთით იყო, მორეს ბორცვთან, ვაკეზე.

²უთხრა უფალმა გედეონს: ძალზე ბევრი ხალხი გვყავს. არჩავაგდებ ამათ ხელში მიდიანს, რომ არ გამიდიდგულდეს ისრაელი, არ თქვას,ჩემმა ხელმა მიხსნაო.

³ამიტომ გამოუცხადე ხალხს და უთხარი: ვინც შეშინებულია დაკანკალებს, უკან გაბრუნდეს, წავიდეს გალაადის მთიდან. ოცდაორი ათასი კაციუკან გაბრუნდა, ხოლო ათი ათასი დარჩა.

⁴უთხრა უფალმა გედეონს: მაინც ბევრია ხალხი. წყალზეჩაიყვანე და იქ გამოგირჩევ მათ. ვისზეც გეტყვი, გამოგყვეს-მეთქი, ისგამოგყვეს, ვისზეც გეტყვი, ნუ გამოგყვება-მეთქი, ნუ გამოგყვება.

⁵ჩაიყვანა მან ხალხი წყალზე. უთხრა უფალმა გედეონს: ვინცენით შესვლეპს წყალს, როგორც ძაღლები სვლეპენ, ცალკე დააყენე, აგრეთვეისინიც, ვინც ჩაიმუხლებს და ისე დალევს.

⁶ენით მსვლეპელთა რიცხვი სამასი იყო, დანარჩენმა ხალხმაჩაიმუხლა და ისე დალია წყალი.

⁷უთხრა უფალმა გედეონს: სამასი მსვლეპელით გიხსნით დახელში ჩაგაგდებინებთ მიდიანს, დანარჩენი ხალხი შინ წავიდეს.

⁸გამოართვეს ხალხს საგზალი და ბუკები. ყველა ისრაელიანითავ-თავის კარავში გაისტუმრა გედეონმა, მხოლოდ სამასი კაცი დაიტოვა.მიდიანის ბანაკი მის ქვემოთ იყო, ვაკეზე.

⁹უთხრა უფალმა იმ ღამით გედეონს: ადექი და დაეცი ბანაკს.

¹⁰თუ მარტო ჩასვლის გეშინია, მაშინ შენს მსახურ ფურასთანერთად ჩადი ბანაკში.

¹¹მოისმენ, რასაც იტყვიან, გული მოგეცემა, დაეცემი ბანაკს. ჩავიდნენ ის და მისი მსახური ფურა იქ, სადაც ბანაკში მყოფი შეიარაღებული ხალხი იდგა.

¹²მიდიანი, ყამალეკი და კედემიანები ვაკეზე იყვნენდაბანაკებულნი, კალიასავით ურიცხვნი. თვლა არ ჰქონდა მათ აქლემებს. იმდენიიყვნენ, როგორც ზღვაში ქვიშა.

¹³მივიდა გედეონი და, აჰა, ერთი მათგანი სიზმარს უყვებამეორეს და ამბობს: მესიზმრა, ვითომ ქერის პურის კოკორი დაგორავდა მიდიანისბანაკში, კარავთან მიგორდა, დაეჯახა და დასცა, და დაემხო კარავი.

¹⁴მეორე გამოეპასუხა: ეს სხვა რა უნდა იყოს, თუ არაგედეონის მახვილი, იოაშის ძისა, ისრაელიანისა. მის ხელში ჩაუგდია ღმერთსმიდიანი და მთელი ბანაკი.

¹⁵როცა გედეონმა ეს სიზმარი და მისი ახსნა მოისმინა,თაყვანი სცა უფალს, აბრუნდა ისრაელიანთა ბანაკში და თქვა: ადექით, ხელშიჩაგიგდოთ უფალმა მიდიანის ბანაკი.

¹⁶დაჰყო სამასი კაცი სამ რაზმად. ხელთ ყველას ბუკები და ცარიელი დოქები მისცა, დოქებში ანთებული კვარები ჩააწყობინა.

¹⁷უთხრა: მიყურეთ და თქვენც იგივე აკეთეთ. აჰა, დავიძრებიბანაკისაკენ და რასაც მე ვიზამ, თქვენც იგივე ჰქენით.

¹⁸როცა ბუკებს დავკრავთ მე და ჩემთან მყოფნი, თქვენც ბუკებსდაჰკარით მთელი ბანაკის ირგვლივ და იყვირეთ. უფლისთვის და გედეონისთვის!

¹⁹მივიდა ბანაკთან გედეონი და მასთან მყოფი ასი კაცი, როცაშუა სახმილავი იწყებოდა და გუშაგები იცვლებოდნენ. ასტეხეს ბუკისცემა დადაამსხვრიეს დოქები, ხელში რომ ეჭირათ.

²⁰ბუკსა ჰკრა სამივე რაზმმა და დაამსხვრია დოქები. მარცხენა ხელში კვარები ეჭირათ, მარჯვენაში - ბუკები. ახმიანებდნენ და გაჰყვიროდნენ: მახვილები უფლისთვის და გედეონისთვის!

²¹ყველა თავ-თავის ადგილას იდგა ბანაკის გარშემო. აიშალამთელი ბანაკი, ღრიალებდნენ და აქეთ-იქით აწყდებოდნენ.

²²ვიდრე სამასი კაცი ბუკებს სცემდა, უფალმა ერთმანეთზეაღამართვინა მახვილი მთელ ბანაკს. უკუიქცა ლაშქარი ბეთშიტამდე, ცერარისმხრისკენ, და აბელმექოლის საზღვრებამდე, ტაბათს იქით.

²³გამოვიდნენ დაძახილზე ისრაელიანები ნაფთალიდან, აშერიდან,მთელი მენაშედან და დაედევნენ მიდიანს.

²⁴კაცები დაგზავნა გედეონმა ეფრემის მთაში და შეუთვალა:ჩამოდით, წინ დაუხვდით მიდიანს, ბეთბარამდე გადაუჭერით ფონები და იორდანე.გამოვიდა მთელი ეფრემი მის დაძახილზე და ბეთბარამდე გადაუჭრეს ფონები დაიორდანე.

²⁵შეიპყრეს მიდიანის ორი მთავარი, ყორები და ზეები. ყორებიყორების კლდეზე მოკლეს, ზეები ზეების ხევში და დაედევნენ მიდიანს. ყორებისადა ზეების თავები კი გედეონთან მოიტანეს იორდანეს გაღმიდან.