Read ახალი ქართულით, Modern Georgian Bible, 1982 წმ. მოციქულისა იუდასი 1 Bible Online

წმ. მოციქულისა იუდასი 1 - ახალი ქართულით, Modern Georgian Bible, 1982 bible

წმ. მოციქულისა იუდასი 1

¹იუდა, იესო ქრისტეს მონა და იაკობის ძმა, - მოწოდებულთ, რომელნიც შეიყვარა მამა ღმერთმა და დაცულნი არიან იესო ქრისტესათვის.

²წყალობა, მშვიდობა და სიყვარული გიმრავლოთ.

³საყვარელნო, რაკიღა მთელი გულმოდგინებით ვცდილობ მოგწეროთჩვენი საერთო ხსნის თაობაზე, საჭიროდ ვცანი მომეწერა შეგონება: იღვწოდეთრწმენისათვის, ერთხელ რომ მიეცა წმიდათ.

⁴ვინაიდან შემოგვეპარნენ ზოგიერთნი, ადრიდანვე რომ ეწერათეს სასჯელი; უღმერთონი, გარყვნილებად რომ აქციეს ჩვენი ღვთის მადლი დაუარყოფენ ჩვენს ერთადერთ მბრძანებელსა და უფალს იესო ქრისტეს.

⁵მინდა შეგახსენოთ, თუმცა ყველაფერი იცით, რომ ღმერთმაეგვიპტის ქვეყნიდან იხსნა თავისი ხალხი, შემდეგ კი შემუსრა ურწმუნონი.

⁶ხოლო ანგელოზები, რომლებმაც არ დაიცვეს თავიანთიდასაბამიერობა, არამედ დაუტევეს თავიანთი სავანე, საუკუნო ბორკილებითშეკრულნი, ქვესკნელის წყვდიადში გამოამწყვდია რათა განეკითხა დიად დღეს.

⁷ისევე, როგორც სოდომი, გომორი და მათი მოსაზღვრექალაქები, მათსავით მემრუშენი და უცხო ხორცს ადევნებულნი, საუკუნო ცეცხლითდასჯილნი და ნიმუშად დადებულნი.

⁸იგივე ელით ამ მეოცნებეთაც, რომელნიც ბილწავენ ხორცს,მთავრობათა უარმყოფლებსა და დიდებათა მგმობელთ.

⁹მიქაელ მთავარანგელოზმა, ეშმაკს რომ ეპაექრებოდა მოსესსხეულის გამო, ვერ გაბედა გმობის მსჯავრი წარმოეთქვა მის მიმართ, არამედთქვა: შეგრისხოს უფალმა!

¹⁰ისინი კი ჰგმობენ იმას, რაც არ იციან, ხოლო რაც ბუნებით იციან, როგორც უგონო პირუტყვებმა, იმითვე იხრწნიან თავს.

¹¹ვაი მათ, რადგან კაენის გზას დაადგნენ, საზღაურისთვის აჰყვნენ ბალაამის საცთურს და ურჩობით დაიღუპნენ, როგორც კორე.

¹²ისინი არიან თქვენი სიყვარულის სერობათა შემბილწველნი, დაურიდებლად რომ ილხენენ თქვენთან ერთად და თავიანთ თავს მასპინძლობენ; უწყლო ღრუბელნი, ქარის მიერ მიმოფანტულნი, შემოდგომის უნაყოფო ხენი, ორგზის გამხმარნი, ფესვებითურთ ამოძირკვულნი;

¹³ზღვის მძვინვარე ტალღები, თავიანთივე სირცხვილით აქაფებულნი, ცთომილი ვარსკვლავნი, რომელთათვისაც საუკუნოდ გამზადებულია ბნელეთის უკუნი.

¹⁴მათთვის იწინასწარმეტყველა ენოქმა, მეშვიდემ ადამის შემდეგ, რომელმაც თქვა: აჰა, მოვიდა უფალი მისივე წმიდათა სიმრავლით,

¹⁵რათა განსაჯოს ყველანი და ამხილოს უღმერთონი მათივე უღვთო საქმეთა და ღვთისმგმობლურ სიტყვათა გამო, მის მიმართ რომ იტყოდნენ უღვთო ცოდვილნი.

¹⁶ისინი არიან მდრტვინავნი, მოდავენი, თავიანთ გულისთქმას აყოლილნი, მაღალფარდოვნად მოუბარნი და - ანგარების გამო - პირფერნი.

¹⁷თქვენ კი, საყვარელნო, გახსოვდეთ სიტყვები, ჩვენი უფლის იესო ქრისტეს მოციქულთა მიერ წინასწარ თქმული.

¹⁸ისინი გეუბნებოდნენ, რომ უკანასკნელ ჟამს მოვლენ მკრეხელნი, თავიანთი უკეთური გულისთქმისამებრ მავალნი.

¹⁹ესენი არიან განხეთქილების მიზეზნი, მშვინვიერნი, სულის არმქონენი.

²⁰ხოლო თქვენ, საყვარელნო, უწმიდესი რწმენით დაიმკვიდრეთ თავი, ილოცეთ სულით წმიდით.

²¹ღვთის სიყვარულით დაიცავით თავი და ელოდეთ ჩვენი უფლის იესო ქრისტეს წყალობას საუკუნო სიცოცხლისათვის.

²²ზოგიერთ მეჭველს სწყალობდეთ.

²³ზოგიერთი ცეცხლს გამოსტაცეთ და იხსენით: ზოგის მიმართაც შიშნარევი სიბრალული გქონდეთ. გძულდეთ ხორცისაგან შებღალული თვით სამოსელიც.

²⁴ხოლო ვისაც შეუძლია დაცემისაგან დაგიცვათ და უმწიკვლონი სიხარულით დაგადგინოთ თავისი დიდების წინაშე,

²⁵ღმერთს, ერთსა და ბრძენს, მაცხოვარს ჩვენსას უფალ იესო ქრისტეს მიერ, დიდება და სიდიადე, ძალა და ხელმწიფება, აწ და მარადის, უკუნითი უკუნისამდე, ამინ.