Read ახალი ქართულით, Modern Georgian Bible, 1982 გამოცხადება იოანესი 12 Bible Online

გამოცხადება იოანესი 12 - ახალი ქართულით, Modern Georgian Bible, 1982 bible

გამოცხადება იოანესი 12

¹და გამოჩნდა დიადი ნიშანი ცაში: ქალი, რომელსაც ემოსა მზე, მთვარე ესვენა ფერხთით და თორმეტი ვარსკვლავის გვირგვინი ედგა თავზე.

²მუცლად ეღო და კიოდა მშობიარობის კივილით გაწამებული.

³სხვა ნიშანიც გამოჩნდა ცაში: აჰა, წითელი ურჩხული დიდი,რომელსაც ჰქონდა შვიდი თავი და ათი რქა, და თავს ედგა შვიდი გვირგვინი.

⁴კუდით მოითრევდა ცის ვარსკვლავთა მესამედს, გადმოყარაისინი ქვეყნად და დადგა ურჩხული ქალის წინაშე, რომელსაც უნდა ეშვა, რათაშობისთანავე შთაენთქა მისი შვილი.

⁵და შვა ძე, რომელსაც რკინის კვერთხით უნდა ემწყემსა ყველახალხი: და ატაცებულ იქნა მისი შვილი ღვთისა და მისი ტახტის წინაშე.

⁶ქალი კი ილტვოდა უდაბნოში, სადაც აქვს თავისი ადგილი,გამზადებული ღვთის მიერ, რათა არჩენდნენ იქ ათას ორას სამოცი დღე.

⁷და ატყდა ბრძოლა ცაში: მიქაელი და მისი ანგელოზებიებრძოდნენ ურჩხულს, ურჩხული და მისი ანგელოზები კი ებრძოდნენ მათ.

⁸მაგრამ ვერ იმძლავრეს და აღარ აღმოჩნდა მათი ადგილი ცაში.

⁹და გადმოვარდა დიდი ურჩხული, დასაბამიერი გველი, რომელსაცჰქვია ეშმაკი და სატანა, მთელი საწუთროს მაცდური; გადმოვარდა ქვეყნად დათან გადმოჰყვნენ მისი ანგელოზები.

¹⁰მაშინ მომესმა მგრგვინავი ხმა ცაში, რომელმაც თქვა: აწ იქმნა ხსნა, ძალი და სუფევა ჩვენი ღმრთისა და ხელმწიფება მისი ქრისტესი, რადგანაც დაემხო ბრალმდებელი ჩვენი ძმებისა, რომელიც ბრალს სდებდა მათ ჩვენი ღმერთის წინაშე დღისით თუ ღამით.

¹¹იმძლავრეს მასზე კრავის სისხლით და მათი მოწმობისსიტყვით, და არ შეიყვარეს მათი სული, თვით სიკვდილამდე.

¹²მაშ, ხარობდეთ ზეცანო და ზეცის მკვიდრნო! მაგრამ ვაიმიწას და ზღვას, რადგანაც თქვენში ჩამოგდებულ იქნა ეშმაკი, აღსავსე სასტიკირისხვით, ვინაიდან იცის, რომ ცოტაღა დარჩა ხანი.

¹³და როცა იხილა ურჩხულმა, რომ დაემხო ქვეყნად, დევნადაუწყო ქალს, რომელმაც შვა ვაჟი.

¹⁴მაგრამ მიეცა ქალს ორი ფრთა ვეება არწივისა, რათაგარიდებოდა ურჩხულს და გაფრენილიყო უდაბნოში, თავის ადგილას, სადაც უნდაერჩინა თავი დროის, დროთა და ნახევარი დროის მანძილზე.

¹⁵მაშინ გველმა თავისი პირიდან მდინარესავით ამოუშვა წყალიქალის კვალდაკვალ, რათა წაეღო იგი მდინარეს.

¹⁶მაგრამ მიწა შეეწია ქალს: განახვნა ბაგენი და შთანთქამდინარე, რომელიც ურჩხულმა ამოუშვა პირიდან.

¹⁷მაშინ განრისხდა ურჩხული ქალზე და გასწია, რათა შებმოდადანარჩენებს მისი მოდგმიდან, რომლებიც იცავენ ღვთის მცნებებს და აქვთ იესოსმოწმობა.