Read ახალი ქართულით, Modern Georgian Bible, 1982 გამოცხადება იოანესი 16 Bible Online

გამოცხადება იოანესი 16 - ახალი ქართულით, Modern Georgian Bible, 1982 bible

გამოცხადება იოანესი 16

¹და მომესმა ტაძრიდან მგრგვინავი ხმა, შვიდ ანგელოზს რომ ეუბნებოდა: წადით და დასთხიეთ ქვეყნად შვიდი თასი ღვთის რისხვისა.

²წავიდა პირველი და დასთხია თავისი თასი ქვეყნად; დამოიწყლა სასტიკი და საზარელი წყლულებით ხალხი, რომელსაც ჰქონდა მხეცისნიშანი და თაყვანს სცემდა მის ხატს.

³მეორე ანგელოზმა დასთხია თავისი თასი ზღვაზე, რომელიციქცა თითქოს მკვდრის სისხლად, და ყოველი სულდგმული ამოწყდა ზღვაში.

⁴მესამემ მდინარეებსა და წყალთა წყაროებზე დასთხია თავისითასი, და წყალი სისხლად იქცა.

⁵მაშინ მომესმა ხმა წყალთა ანგელოზისა, რომელმაც თქვა: მართალი ხარ, უფალო, რომელიც ხარ და იყავი: მართალი ხარ, წმიდაო, რადგანაც ასე განსაჯე.

⁶რაკიღა წმიდათა და წინასწარმეტყველთა სისხლი დასთხიეს,შენც სასმელად სისხლი მიეც მათ, და ღირსნიც არიან.

⁷და მომესმა ხმა საკურთხევლიდან, რომელმაც თქვა: დიახ,უფალო ღმერთო, ყოვლისმპყრობელო, მართალი და ჭეშმარიტია შენი მსჯავრი.

⁸მეოთხე ანგელოზმა თავისი თასი დასთხია მზეზე, და მიეცამზეს კაცთა დაბუგვა ცეცხლით.

⁹დაიწვნენ კაცნი სიცხით და ჰგმეს სახელი ღვთისა, რომელსაცაქვს ხელმწიფება მათ წყლულებზე, მაგრამ არ მოინანიეს, რომ დიდება მიეგოთმისთვის.

¹⁰მეხუთემ თავისი თასი დასთხია მხეცის ტახტზე და დაბნელდასაუფლო მისი, და სიმწრისაგან იკვნეტდნენ თავიანთ ენებს.

¹¹და ჰგმობდნენ ცის ღმერთს თავიანთი სიმწრისა და წყლულებისგამო, მაგრამ არ მოინანიეს თავიანთი საქმენი.

¹²მეექვსემ დასთხია თავისი თასი დიდ მდინარეზე ევფრატისა, და დაშრა მისი წყალი, რათა გამზადებულ იქნეს მეფეთა გზა, რომელნიც მოდიან მზის აღმოსავლით.

¹³და ვიხილე ურჩხულის პირით, მხეცის პირით და ცრუწინასწარმეტყველთა პირით გამომავალი სამი უწმინდური სული, გომბეშოსმსგავსი.

¹⁴ესენი არიან ეშმაკთა სულები, რომლებიც ახდენენ სასწაულებსდა გადიან მთელი ქვეყნიერების მეფეებთან, რათა თავი მოუყარონ მათსაბრძოლველად ყოვლისმპყრობელი ღმერთის დიად დღეს.

¹⁵აჰა, მოვალ, როგორც მპარავი: ნეტა მას, ვინც ფხიზლობს დაიცავს თავის სამოსს, რათა შიშვლად არ იაროს და არ იხილონ მისი სირცხვილი.

¹⁶და შეკრიბეს ისინი იმ ადგილას, რომელსაც ებრაულად ჰქვიაჰარმაგედონი.

¹⁷მეშვიდე ანგელოზმა დასთხია თავისი თასი ჰაერში და მოისმაციური ტაძრის ტახტიდან მგრგვინავი ხმა, რომელმაც თქვა: აღსრულდა.

¹⁸და იქმნა ელვა და ქუხილი, გრგვინვა და დიდი მიწისძვრა,რომლის მსგავსიც არ ყოფილა მას შემდეგ, რაც კაცნი არიან ქვეყნად.

¹⁹სამ ნაწილად გაიყო დიდი ქალაქი, დაემხნენ წარმართთაქალაქები და მოხსენიებულ იქნა დიდი ბაბილონი ღვთის წინაშე რათა სასმისითმისცემოდა ღვინო მისი მძვინვარების რისხვისა.

²⁰ყველა კუნძული გაუჩინარდა და აღარსად ჩანდნენ მთები.

²¹ტალანტის ოდენა სეტყვა თავს დაატყდა ზეციდან ხალხს, დაჰგმო სეტყვით მოწყლულმა ხალხმა სახელი ღვთისა, რადგანაც მძიმე იყო მისიწყლულება.