Read ახალი ქართულით, Modern Georgian Bible, 1982 გამოცხადება იოანესი 18 Bible Online

გამოცხადება იოანესი 18 - ახალი ქართულით, Modern Georgian Bible, 1982 bible

გამოცხადება იოანესი 18

¹შემდგომ ამისა, ვიხილე ზეცით ჩამომავალი სხვა ანგელოზი, რომელსაც ჰქონდა დიდი ხელმწიფება, და განათდა დედამიწა მისი დიდებით.

²შეღაღადა და ხმამაღლა თქვა: დაემხო, დაემხო ბაბილონი,დიდი ქალაქი, და ეშმაკთა სამკვდროდ, ყოველი უწმინდური სულის სამყოფლად დაყოველი უწმინდური და ბილწი ფრინველის საბუდრად იქცა.

³რადგანაც მისი სიძვის მძვინვარე ღვინით დაითრო ყველახალხი, ქვეყნის მეფეებმა ისიძვეს მასთან და ქვეყნის ვაჭარნი დამდიდრდნენმისი ფუფუნების სიუხვით.

⁴და მომესმა მეორე ხმა ზეცით, რომელმაც თქვა: გამოდი,მაგისგან, ჩემო ხალხო, რათა არ ეზიაროთ მის ცოდვებს და არ მოიწყლათ მისიწყლულებით.

⁵რადგანაც უწიეს მისმა ცოდვებმა ზეცას, და გაიხსენაღმერთმა უსამართლობა მისი.

⁶მიაგეთ მას, როგორც მან მოგაგოთ და, მისი საქმისამებრ,ორმაგადაც მიაგეთ; სასმისით, რომლითაც გასმევდათ, ორმაგად ასვით მას.

⁷რამდენადაც მოჰქონდა თავი დიდებით და ფუფუნებით,იმდენადვე მიაგეთ ტანჯვა-ვაება; რადგანაც გულში ამბობს: დედოფლად ვზივარ,ქვრივი როდი ვარ, და არ ვიხილავ გლოვას.

⁸ამიტომაც მოვლენ ერთ დღეს მისი წყლულებანი, სიკვდილი,გლოვა და შიმშილი, და დაიწვის ცეცხლით, რადგანაც ძლიერია უფალი ღმერთი,რომელიც განიკითხავს მას.

⁹იტირებენ და ივაგლახებენ მის გამო ქვეყნის მეფენი,რომელნიც სიძვით და ფუფუნებით ცხოვრობდნენ მასთან, როდესაც იხილავენ მისიხანძრის კვამლს.

¹⁰და მისი ტანჯვის შიშით შორს გამდგარნი ასე იტყვიან: ვაი,ვაი, დიდო ქალაქო ბაბილონო, მძლავრო ქალაქო, რადგანაც ერთ საათში მოვიდაშენი განკითხვა.

¹¹ქვეყნის ვაჭარნი იტირებენ და ივაგლახებენ მის გამო,რადგანაც აღარავინ იყიდის მათ საქონელს,

¹²ოქროსა და ვერცხლის საქონელს, პატიოსან თვლებს დამარგალიტს, ბისონს და პორფირს, აბრეშუმსა და ძოწეულს, სურნელოვან ხეს დასპილოს ძვლის ნაირგვარ ნაკეთობას, ძვირფასი ხის, რვალის, რკინისა თუმარმარილოს ათასგვარ ჭურჭელს,

¹³დარიჩინსა და საკმეველს, გუნდრუკს და მირონს, ღვინოს და ზეთს, ფქვილსა და ხორბალს, ცხვარსა და ძროხას, ცხენებს და ეტლებს, კაცთა ხორცსა და სულს.

¹⁴შენი სულის სასურველი ხილი გაგშორდა, ყოველივე ბრწყინვალედა პოხიერი ხელიდან გამოგეცალა, და ვეღარასდროს იპოვი მათ.

¹⁵ყოველივე ამით მოვაჭრენი, რომელნიც დამდიდრდნენ მისგან,შორს დადგებიან მისი ტანჯვის შიშით, იტირებენ და ივაგლახებენ.

¹⁶და იტყვიან: ვაი, ვაი, დიდო ქალაქო, პორფირითა დაძოწეულით მოსილო, ოქროთი, პატიოსანი თვლებითა და მარგალიტებით შემკულო.

¹⁷რადგანაც ერთ საათში იავარ-იქნა ესოდენ დიდი სიმდიდრე. დაყოველი მესაჭე, მეხომალდე თუ მენავე შორს დადგა;

¹⁸და მისი ხანძრის შემყურეთ შებღავლეს და თქვეს: რომელიქალაქი შეედრებოდა ამ დიდ ქალაქს?

¹⁹თავზე ნაცარი წაიყარეს და ტირილითა და გლოვით ამბობდნენ:ვაი, ვაი, დიდო ქალაქო, რომლის ძვირფასეულობითაც დამდიდრდა ყველა, ვისაცხომალდი ჰქონდა ზღვაში: რადგანაც ერთ საათში აოხრდა.

²⁰ხარობდეთ მასზე, ცაო, წმიდაო მოციქულნო დაწინასწარმეტყველნო, რადგანაც ღმერთმა თქვენი სამართალი მოჰკითხა მას.

²¹ერთმა მძლეთა-მძლე ანგელოზმა აიღო ქვა, ვეება დოლაბისმსგავსი, ზღვაში ჩააგდო და თქვა: ასე სწრაფად შთაინთქმება ბაბილონი, დიდიქალაქი, და აღარ იქნება.

²²მეჩანგეთა და მეწინწილეთა, მესტვირეთა და მესაყვირეთა ხმააღარ იჟღერებს შენში, აღარ დარჩება არცერთი ხელოსანი, არც ხელოსნობა, დადოლაბის ხმა მიწყდება შენში.

²³აღარც სანთლის ნათელი ინათებს შენში და მეფე-დედოფლის ხმაჩაკვდება შენში, რადგანაც შენი ვაჭრები დედამიწის მთავრები იყვნენ და შენიგრძნეულებით ცთუნებულ იქნა ყოველი ხალხი.

²⁴და პოვნილ იქნა შენში წინასწარმეტყველთა, წმიდათა და ამქვეყნად ყველა მოკლულის სისხლი.