Read ახალი ქართულით, Modern Georgian Bible, 1982 გამოცხადება იოანესი 19 Bible Online

გამოცხადება იოანესი 19 - ახალი ქართულით, Modern Georgian Bible, 1982 bible

გამოცხადება იოანესი 19

¹შემდგომ ამისა, მომესმა ცაში მგრგვინავი ხმა, როგორც ხმა ურიცხვი ხალხისა, რომელიც ამბობდა: ალილუია! ხსნა, დიდება და ძალი ჩვენი ღვთისაა!

²რადგანაც ჭეშმარიტი და სამართლიანია მისი განკითხვა,ვინაიდან განიკითხა დიდი მეძავი, თავისი სიძვით რომ გახრწნა ქვეყანა, დაიძია მისი ხელიდან თავისი მონების სისხლი.

³განმეორებით ითქვა: ალილუია! და მისი კვამლი ადის უკუნითიუკუნისამდე.

⁴ოთხი ცხოველი და ოცდაოთხი უხუცესი დაემხნენ და თაყვანისცეს ტახტზე მჯდომარე ღმერთს, და თქვეს: ამინ! ალილუია!

⁵და გამოვიდა ხმა ტახტით, რომელმაც თქვა: აქებდეთ ჩვენსღმერთს ყოველი მონა მისი და მოშიში მისი, მცირე თუ დიდი.

⁶და მომესმა ხმა, როგორც დიდძალი ხალხის, მრავალი წყლისადა საზარი ქუხილის ხმა, რომელმაც თქვა: ალილუია! რადგანაც გამეფდა უფალიღმერთი ჩვენი, ყოვლისმპყრობელი.

⁷გვიხაროდეს და ვილხენდეთ, და დიდება მივაგოთ მას,ვინაიდან მოვიდა კრავის ქორწილი და მისმა სასძლომ განიმზადა თავი.

⁸და მიეცა მას შესამოსად წმიდა და ნათელი ბისონი, რადგანაცწმიდათა სიმართლეა იგი.

⁹და მითხრა მე: დაწერე: ნეტარნი არიან კრავის საქორწინოსერობაზე წვეულნი. და მითხრა: ესენი არიან ჭეშმარიტი სიტყვები ღვთისა.

¹⁰ფეხქვეშ ჩავუვარდი, რომ თაყვანი მეცა მისთვის, მაგრამ მანმითხრა: ნუ იზამ ამას; თანამონა ვარ შენი და შენი ძმებისა, რომლებსაც აქვთმოწმობა იესოსი. მე კი არა, ღმერთს ეცი თაყვანი, რადგანაც იესოს მოწმობაარის წინასწარმეტყველების სული.

¹¹ვიხილე გახსნილი ცა და, აჰა, თეთრი ცხენი და მისიმხედარი, რომელიც იწოდება სარწმუნოდ და ჭეშმარიტად, რადგანაც სიმართლითგანიკითხავს და იბრძვის.

¹²თვალები ცეცხლის ალს მიუგავდა, მრავალი გვირგვინი ედგა თავზე და ზედ ეწერა სახელი, რომელიც არავინ იცის მის გარდა.

¹³სისხლით ნაღები სამოსით იყო მოსილი, და სახელი მისი -ღვთისა სიტყვა.

¹⁴ციური ლაშქარი მისდევდა, თეთრ ცხენებზე ამხედრებული დასპეტაკი და წმიდა ბისონით მოსილი.

¹⁵მისი პირიდან გამოდიოდა ბასრი მახვილი, რათა მოესრაწარმართნი, რკინის კვერთხით ემწყემსა ისინი და დაეწურა ყოვლისმპყრობელიღვთის რისხვის მძვინვარე ღვინის საწნახელი.

¹⁶ხოლო სამოსსა და თეძოზე აწერია მისი სახელი: მეუფეთამეუფე და უფლებათა უფალი.

¹⁷და ვიხილე გზაზე მდგარი ერთი ანგელოზი, ხმამაღლა რომშესძახა და უთხრა შუა ცაში მფრინავ ყველა ფრინველს: მოდით და ღვთის დიდსერობაზე შემოკრბით,

¹⁸რათა ჭამოთ მეფეთა, ათასისთავთა და ძლიერთა ხორცი, ცხენთათუ მხედართა, მონათა თუ თავისუფალთა, დიდთა თუ მცირეთა ხორცი.

¹⁹ვიხილე მხეცი, დედამიწის მეფენი და მათი ლაშქარნი, ერთადშეკრებილნი, რათა შებმოდნენ ცხენზე მჯდომსა და მის მხედრობას.

²⁰შეპყრობილ იქნა მხეცი და მასთან ერთად ცრუწინასწარმეტყველიც, მის წინაშე რომ ახდენდა სასწაულებს, რითაც აცთუნამხეცის ნიშნის მიმღებნი და მისი ხატის მოთაყვანენი, და ორივენი ცოცხლადიქნენ ჩაყრილი გოგირდით მოგიზგიზე ცეცხლის ტბაში.

²¹დანარჩენები კი მოისრნენ ცხენზე მჯდომარის მახვილით,რომელიც გამოდიოდა მისი პირიდან, და ყველა ფრინველი მიაძღა მათ მძორს.