Read ახალი ქართულით, Modern Georgian Bible, 1982 გამოცხადება იოანესი 21 Bible Online

გამოცხადება იოანესი 21 - ახალი ქართულით, Modern Georgian Bible, 1982 bible

გამოცხადება იოანესი 21

¹მერე ვიხილე ახალი ცა და ახალი მიწა, რადგანაც პირველი ცა და პირველი მიწა გადაეგო, და ზღვა აღარ არის.

²ვიხილე წმიდა ქალაქი, ახალი იერუსალიმი, ღვთისაგანჩამომავალი ზეცით, სასძლოსავით გამზადებული და სასიძოსთვის შემკული.

³და მომესმა მგრგვინავი ხმა ტახტით, რომელმაც თქვა: აჰა,კარავი ღვთისა კაცთა შორის, რომელიც დაემკვიდრება მათში, და თვით ღმერთიიქნება მათთან.

⁴შეაშრობს ღმერთი მათ თვალზე ცრემლს, და აღარ იქნებასიკვდილი: აღარც გლოვა, აღარც ტირილი და ტანჯვა იქნება, რადგანაც გადაეგოყოველივე უწინდელი.

⁵ხოლო ტახტზე მჯდომარემ თქვა: აჰა, ყველაფერს შევქმნიახალს. მე კი მითხრა: დაწერე, რადგან ეს სიტყვები სარწმუნოა და ჭეშმარიტი.

⁶კვლავ მითხრა მე: აღსრულდა. მე ვარ ანი და ჰაე, დასაბამიდა დასასრული. და უსასყიდლოდ ვასმევ მწყურვალს სიცოცხლის წყლის წყაროს.

⁷მძლეველი დაიმკვიდრებს ამას, და მე ვიქნები მისი ღმერთი,ხოლო ის იქნება ჩემი ძე.

⁸მხდალთა და ურწმუნოთა, ბილწთა და მკვლელთა, მეძავთა დაგრძნეულთა, კერპთაყვანისმცემელთა და ცრუთა ხვედრი კი ტბაშია, ცეცხლითა დაგოგირდით მოგიზგიზეში. და ეს არის მეორე სიკვდილი.

⁹მაშინ მოვიდა ერთი იმ შვიდ ანგელოზთაგან, რომელთაცჰქონდათ უკანასკნელი წყლულებით სავსე შვიდი თასი, და მითხრა: მოდი დაგიჩვენებ ქალს, სასძლოს კრავისას.

¹⁰ამიყვანა სულით დიდსა და მაღალ მთაზე, და მიჩვენა დიდიქალაქი, წმიდა იერუსალიმი, ღვთისაგან რომ ჩამოდიოდა ზეცით,

¹¹და ჰქონდა დიდება ღვთისა, ხოლო მისი მნათობი პატიოსანთვალსა ჰგავდა, ბროლივით გამჭვირვალე იასპის ქვას.

¹²ვრცელი და მაღალი გალავნით შემოზღუდულს თორმეტი ბჭეჰქონდა, ბჭეებზე - თორმეტი ანგელოზი, და ზედ ეწერა ისრაელის თორმეტი ტომისსახელი.

¹³აღმოსავლეთით სამი ბჭე, ჩრდილოეთით სამი, სამხრეთით სამი,დასავლეთით სამი.

¹⁴ქალაქის გალავანს თორმეტი საძირკველი ჰქონდა, და მათზეკრავის თორმეტი მოციქულის თორმეტი სახელი.

¹⁵ჩემთან მოუბარს საზომად ოქროს ლერწამი ჰქონდა, რათა გაეზომა ქალაქი, მისი ბჭენი და გალავანი.

¹⁶ხოლო ქალაქი ოთხკუთხედად ძევს, და მისი სიგრძე იგივეა,რაც სიგანე. გადაზომა ქალაქი ლერწმით თორმეტი ათას უტევანზე, და მისისიგრძე, სიგანე და სიმაღლე ერთმანეთის ტოლნი აღმოჩნდნენ.

¹⁷გაზომა მისი გალავანი, და გამოვიდა ას ორმოცდაოთხი წყრთა,კაცის საზომით, ანუ იგივე საზომით ანგელოზისა.

¹⁸თვით გალავანი იასპით იყო ნაგები, ქალაქი კი წმიდა მინისმსგავსი ბაჯაღლო ოქროთი.

¹⁹ქალაქის გალავნის საძირკვლები ნაირგვარი ძვირფასი ქვითიყო შემკული: პირველი საძირკველი - იასპით, მეორე - საფირონით, მესამე -ქალკედონით, მეოთხე - ზურმუხტით,

²⁰მეხუთე - სარდონიკით, მეექვსე - სარდიონით, მეშვიდე -ქრისოლითით, მერვე - ბივრილით, მეცხრე - ტოპაზით, მეათე - ქრისოპრასით,მეთერთმეტე - იაკინთით, მეთორმეტე - ამეთვისტოთი.

²¹თორმეტი ბჭე თორმეტი მარგალიტი იყო, თვითეული ბჭე თითომარგალიტია, ქალაქის მოედანი კი - ბაჯაღლო ოქრო, ჭვირვალე მინის მსგავსი.

²²ტაძარი კი ვერ ვიხილე მასში, რადგანაც მისი ტაძარიყოვლისმპყრობელი ღმერთია და კრავი.

²³ქალაქს არც მზე სჭირდება მანათობლად და არც მთვარე,რადგანაც ღვთის დიდებამ გაანათა იგი, ხოლო მისი სანთელი არის კრავი.

²⁴ხალხები ივლიან მის ნათელში და მიწიერი მეფენი თავიანთდიდებასა და პატივს შეიტანენ მასში.

²⁵მისი ბჭენი არ დაიხშვიან დღისით, ღამე კი არასოდეს იქნებაიქ.

²⁶და მიიტანენ მასში ხალხთა დიდებასა და პატივს.

²⁷ვერ შევა მასში ვერავითარი უწმინდური, ვერცერთი ცრუ დაბილწი, არამედ მხოლოდ ისინი, ვინც ჩაწერილია კრავის სიცოცხლის წიგნში.