Read ახალი ქართულით, Modern Georgian Bible, 1982 გამოცხადება იოანესი 3 Bible Online

გამოცხადება იოანესი 3 - ახალი ქართულით, Modern Georgian Bible, 1982 bible

გამოცხადება იოანესი 3

¹ხოლო სარდეს ეკლესიის ანგელოზს მისწერე: ამას ამბობს, ვისაც აქვს შვიდი სული ღვთისა და შვიდი ვარსკვლავი: ვიცი შენი საქმენი: სახელი ისეთი გაქვს, თითქოს ცოცხალი იყო, და მკვდარი კი ხარ.

²იფხიზლე და განამტკიცე დანარჩენი, რაც უახლოვდებასიკვდილს, რადგანაც ვერ ვნახე, რომ შენი საქმენი გასრულებულიყვნენ ჩემიღვთის წინაშე.

³გახსოვდეს, რაც მიგიღია და მოგსმენია, დაიცავი დამოინანიე; ხოლო თუ არ იფხიზლებ, მოვალ შენთან, როგორც მპარავი, და ვერგაიგებ, რა დროს მოგივალ.

⁴თუმცა გყავს სარდეში რამდენიმე კაცი, რომელთაც არშეუბილწავთ თავიანთი სამოსი; და სისპეტაკით მოსილნი ივლიან ჩემთან,ვინაიდან ღირსნი არიან.

⁵მძლეველი ასე სისპეტაკით მოსილი ივლის, არ ამოვშლი მისსახელს სიცოცხლის წიგნიდან და ვაღიარებ მის სახელს ჩემი მამისა და მისიანგელოზების წინაშე.

⁶ვისაც ყური აქვს, ისმინოს, რას ეუბნება სული ეკლესიებს.

⁷ხოლო ფილადელფიის ანგელოზს მისწერე: ამას ამბობს წმიდა დაჭეშმარიტი, ვისაცა აქვს დავითის კლიტე, რომელიც აღებს და ვერავინ დახშავს,დახშავს და ვერავინ აღებს:

⁸ვიცი შენი საქმენი: აჰა, მოგეცი შენს წინაშე გახსნილიკარი და ვერავინ შესძლებს მის დახშვას. მცირე გაქვს ძალა, მაგრამ დაიცავიჩემი სიტყვა და არ უარყავ ჩემი სახელი.

⁹აჰა, სატანის საკრებულოდან გადმოგცემ იმათ, რომელნიცამბობენ, იუდეველნი ვართო, და არ კი არიან, არამედ ცრუობენ. აჰა, მევაიძულებ მათ, მოვიდნენ, ფეხქვეშ ჩაგივარდნენ და თაყვანი გცენ, რათააღიარონ, რომ მე შეგიყვარე.

¹⁰რაკიღა დაიცავი სიტყვა ჩემი მოთმინებისა, მეც დაგიცავ განსაცდლის ჟამს, რომელიც მოიწევა მთელს ქვეყანაზე მიწის მკვიდრთა გამოსაცდელად.

¹¹აჰა, მოვალ მალე. მტკიცედ გეპყრას, რაც გაგაჩნია, რათა არავინ წარგტაცოს შენი გვირგვინი.

¹²მძლეველს სვეტად აღვმართავ ჩემი ღვთის ტაძარში, და აღარ გავა გარეთ; და დავაწერ მას სახელს ჩემი ღვთისას, სახელს ჩემი ღვთის ქალაქის - ახალი იერუსალიმისას, ზეცით რომ ჩამოდის ჩემი ღვთისაგან, და ჩემს ახალ სახელს.

¹³ვისაც ყური აქვს, ისმინოს, რას ეუბნება სული ეკლესიებს.

¹⁴ხოლო ლაოდიკიის ეკლესიის ანგელოზს მისწერე: ამას ამბობს ამინი, მოწმე სარწმუნო და ჭეშმარიტი, დასაბამი ღვთის ქმნილებისა.

¹⁵ვიცი შენი საქმენი: არც ცივი ხარ და არც ცხელი: ოჰ, ნეტა ცივი მაინც იყო, ან ცხელი.

¹⁶მაგრამ რაკი ნელ-თბილი ხარ, არც ცივი ხარ და არც ცხელი, ამიტომ გადმოგაფურთხებ ჩემს ბაგეთაგან.

¹⁷რადგანაც ამბობ: მდიდარი ვარო, გავმდიდრდი და აღარაფერი მჭირდებაო, და ის კი არ იცი, რომ უბადრუკი ხარ და საწყალობელი, გლახაკი, ბრმა და შიშველი.

¹⁸გირჩევ იყიდო ჩემგან ცეცხლით გაწმენდილი ოქრო, რათა გამდიდრდე, და სპეტაკი სამოსი, რათა შეიმოსო და აღარ გამოჩნდეს შენი სიშიშვლის სირცხვილი, და საოლავი იცხო თვალზე, რათა იხილო.

¹⁹ვინც მიყვარს, მას ვამხილებ და ვწვრთნი. მაშ, ეშურე და შეინანე.

²⁰აჰა, კართან ვდგავარ და ვაკაკუნებ. თუ ვინმე გაიგებს ჩემს ხმას და კარს გამიღებს, შევალ და მასთან ვივახშმებ, ხოლო ის - ჩემთან.

²¹მძლეველს გვერდით მოვისვამ ჩემს ტახტზე, როგორც თავად ვძლიე და ჩემს მამასთან დავჯექი მის ტახტზე.

²²ვისაც ყური აქვს, ისმინოს, რას ეუბნება სული ეკლესიებს.