Read ახალი ქართულით, Modern Georgian Bible, 1982 გამოცხადება იოანესი 4 Bible Online

გამოცხადება იოანესი 4 - ახალი ქართულით, Modern Georgian Bible, 1982 bible

გამოცხადება იოანესი 4

¹შემდგომ ამისა, გავიხედე და, აჰა, კარი გაიღო ცაში, და ხმამ, რომელიც თავდაპირველად ჩამესმა, როგორც ხმა საყვირისა, მითხრა: ამოდი აქ და გიჩვენებ, რაც უნდა მოხდეს ამის შემდეგ.

²მყისვე ატაცებულ ვიქმენ სულის მიერ; და, აჰა, ტახტი იდგაცაში, ხოლო ტახტზე იყო მჯდომარე.

³მჯდომარე იასპისა და სარდიონის ქვას ჰგავდა სახით, ტახტსკი გარს ადგა ცისარტყელა, ზურმუხტის მსგავსი.

⁴ტახტის გარშემო ოცდაოთხი ტახტი და მათზე მსხდომარეოცდაოთხი უხუცესი, რომელთაც ემოსათ სპეტაკი სამოსი და თავს ედგათ ოქროსგვირგვინნი.

⁵ხოლო ტახტიდან გამოდიოდნენ ელვანი, გრგვინვა და გრიალი,ტახტის წინ კი ენთო შვიდი ლამპარი ვერცხლისა, რომლებიც არიან ღვთის შვიდისული.

⁶ტახტის წინ თითქოს მინის ზღვა იყო, მსგავსი ბროლისა,ტახტის შუა და ტახტის ირგვლივ კი - ოთხი ცხოველი, წინიდანაც და უკნიდანაცთვლებით სავსენი.

⁷პირველი ცხოველი ლომს ჩამოჰგავდა, მეორე - კუროს, მესამესკაცის სახე ჰქონდა, ხოლო მეოთხე იყო მფრინავი არწივის მსგავსი.

⁸ამ ოთხი ცხოველიდან თვითეულს ექვსი ფრთა ესხა, შიგნიდანთვლებით სავსენი. არც დღისით და არც ღამით არა აქვთ მოსვენება, არამედღაღადებენ: წმიდაა, წმიდაა, წმიდაა უფალი ღმერთი, ყოვლისმპყრობელი, რომელიციყო, არის და მოვა.

⁹და როცა ცხოველნი დიდებას, პატივს და მადლიერებასმიაგებენ ტახტზე მჯდომარეს, რომელიც ცოცხალია უკუნითი უკუნისამდე,

¹⁰ოცდაოთხი უხუცესი დაემხობა ტახტზე მჯდომარის წინაშე და თაყვანს სცემენ ცოცხალს უკუნითი უკუნისამდე, ტახტის წინ ყრიან თავიანთ გვირგვინებს და ამბობენ:

¹¹ღირსი ხარ, უფალო, რომ მიიღო დიდება, პატივი და ძლიერება, რადგანაც შენ შეჰქმენ ყოველი, შენ ინებე და შეიქმნენ.