Read ახალი ქართულით, Modern Georgian Bible, 1982 გამოცხადება იოანესი 6 Bible Online

გამოცხადება იოანესი 6 - ახალი ქართულით, Modern Georgian Bible, 1982 bible

გამოცხადება იოანესი 6

¹კვლავ ვიხილე, რომ კრავმა ახსნა ერთი შვიდ ბეჭედთაგანი, და მომესმა ოთხ ცხოველთაგან ერთ-ერთის მგრგვინავი ხმა: მოდი!

²და, აჰა, თეთრი ცხენი, და ზედ მჯდომარე მხედარიმშვილდოსანი, რომელსაც მიეცა გვირგვინი, და გამოვიდა მძლეველი, რათასძლიოს.

³და როცა ახსნა მეორე ბეჭედი, მომესმა ხმა მეორეცხოველისა, რომელმაც თქვა: მოდი!

⁴გამოვიდა მეორე ცხენი, წითელი, და მასზე მჯდომს მიეცამიწიდან მშვიდობის აღხოცის ძალა, რათა მუსრს ავლებდნენ ერთმანეთს: და მიეცამას მახვილი დიდი.

⁵და როცა ახსნა მესამე ბეჭედი, მომესმა ხმა მესამეცხოველისა, რომელმაც თქვა: მოდი! გავიხედე და, აჰა, შავი ცხენი, და მასზემჯდომს ხელთ ეპყრა სასწორი.

⁶და მომესმა ხმა ოთხ ცხოველს შორის, რომელმაც თქვა: საწყაოპური დინარად და სამი საწყაო ქერი დინარად, ხოლო ღვინოსა და ზეთს ნუ ავნებ.

⁷და როცა ახსნა მეოთხე ბეჭედი, მომესმა ხმა მეოთხეცხოველისა, რომელმაც თქვა: მოდი!

⁸შევხედე და, აჰა, ჩალისფერი ცხენი, ხოლო სახელი მისიმხედრისა - სიკვდილი; ჯოჯოხეთი მოსდევდა მხედარს და მიეცა მას ხელმწიფებამეოთხედზე დედამიწისა, რათა მუსრი გაავლოს მახვილითა და შიმშილით,სიკვდილითა და მიწიერ მხეცთა პირით.

⁹და როცა ახსნა მეხუთე ბეჭედი, საკურთხევლის ქვეშ ვიხილემათი სულები, ვინც მოკლულ იქნენ ღვთის სიტყვისა და მოწმობისთვის, რომელიცჰქონდათ.

¹⁰ხმამაღლა შეღაღადეს და თქვეს: როდემდის, მეფეო, წმიდაო და ჭეშმარიტო, არ განსჯი და შურს არ იძიებ ჩვენი სისხლისთვის მიწის მკვიდრთაგან?

¹¹და მიეცა მათ სპეტაკი სამოსი და ითქვა მათ მიმართ, ცოტა ხანს კიდევ დამცხრალიყვნენ, ვიდრე არ გასრულდებოდა მათ თანა-მონათა და ძმათა რიცხვი, რომელნიც მათსავით მოკლულ უნდა იქმნენ.

¹²და როცა ახსნა მეექვსე ბეჭედი, შევხედე და, აჰა, საშინლად იძრა მიწა, და გაშავდა მზე, როგორც ძაძა, და სისხლივით გაწითლდა მთვარე.

¹³და დაცვივდნენ ზეცის ვარსკვლავნი ქვეყნად, როგორც ლეღვის ხე, მძვინვარე ქარით რხეული, ყრის მიწაზე თავის ყვავილებს.

¹⁴და გრაგნილივით შეგრაგნილი შეიკრა ზეცა და ყოველი მთა და კუნძული თავ-თავიანთი ადგილებიდან იძრნენ.

¹⁵ქვეყნის მეფენი და მთავარნი, ათასისთავნი, მდიდარნი და ძლიერნი, ყოველი მონა და თავისუფალი მღვიმეებსა და მთის გამოქვაბულებს შეეფარნენ.

¹⁶და მთებსა და კლდეებს შებღავლეს: დაგვემხეთ თავს და ტახტზე მჯდომარის სახისა და კრავის რისხვისაგან დაგვფარეთ;

¹⁷ვინაიდან მოვიდა დიადი დღე მათი რისხვისა, და ვინ შეიძლებს დადგომას?