Read ახალი ქართულით, Modern Georgian Bible, 1982 გამოცხადება იოანესი 7 Bible Online

გამოცხადება იოანესი 7 - ახალი ქართულით, Modern Georgian Bible, 1982 bible

გამოცხადება იოანესი 7

¹შემდგომ ამისა, ვიხილე ოთხი ანგელოზი, ქვეყნის ოთხსავ კიდეზე მდგარი, და ეპყრათ ოთხი ქარი მიწისა, რათა არ ექროლა ქარს არც ხმელზე, არც ზღვაზე და არც რომელიმე ხის მიმართ.

²და ვიხილე სხვა ანგელოზი, მზის აღმოსავლით აღმომავალი,რომელსაც ჰქონდა ცოცხალი ღმერთის ბეჭედი, და ხმამაღლა შესძახა ოთხანგელოზს, რომელთაც მიეცა ვნება მიწის და ზღვისა:

³ნუ ავნებთ ნურც მიწას, ნურც ზღვას, ნურც ხეებს, ვიდრე არაღვბეჭდავთ ბეჭდით ჩვენი ღმერთის მონათა შუბლებს.

⁴და მომესმა აღბეჭდილთა რიცხვი: ას ორმოცდაოთხი ათასი იყოაღბეჭდილი ისრაელის ძეთა ყოველი ტომიდან:

⁵იუდას ტომიდან თორმეტი ათასი აღბეჭდილი, რუბენის ტომიდანთორმეტი ათასი, გადის ტომიდან თორმეტი ათასი,

⁶ასერის ტომიდან თორმეტი ათასი, ნეფთალების ტომიდანთორმეტი ათასი, მანასეს ტომიდან თორმეტი ათასი,

⁷სიმონის ტომიდან თორმეტი ათასი, ლევის ტომიდან თორმეტიათასი, ისახარის ტომიდან თორმეტი ათასი,

⁸ზაბულონის ტომიდან თორმეტი ათასი, იოსების ტომიდანთორმეტი ათასი, ბენიამინის ტომიდან თორმეტი ათასი აღბეჭდილი.

⁹შემდგომ ამისა, გავიხედე და, აჰა, ურიცხვი ხალხი,რომელსაც ვერვინ დათვლიდა, ყოველი ხალხისა და ტომისაგან, ერისა დაენისაგან, სპეტაკი სამოსით მოსილი იდგა ტახტისა და კრავის წინაშე, და ხელთეპყრა პალმის რტონი.

¹⁰ხმამაღლა ღაღადებდნენ და ამბობდნენ: ხსნა ჩვენი ღმერთის, ტახტზე მჯდომარისა, და კრავისაგან არის!

¹¹ყველა ანგელოზი, რომელიც იდგა ტახტის, უხუცესებისა და ოთხი ცხოველის ირგვლივ, პირქვე დაემხო ტახტის წინაშე, თაყვანი სცა ღმერთს და თქვა:

¹²ამინ! კურთხევა და დიდება, სიბრძნე და მადლიერება, პატივი, ძალა და სიმტკიცე ღმერთს ჩვენსას უკუნითი უკუნისამდე.

¹³მომმართა ერთმა უხუცესმა და მითხრა: ვინ არიან ეს სპეტაკი სამოსით მოსილნი, ან საიდან მოსულან?

¹⁴მე მივუგე: უფალო ჩემო, შენ იცი. ხოლო მან მითხრა: ესენი არიან დიდი ურვიდან მოსულნი, რომელთაც გარეცხეს და კრავის სისხლით გაასპეტაკეს თავიანთი სამოსი.

¹⁵ამიტომაც არიან ღვთის ტახტის წინაშე, ვისაც დღე და ღამ ემსახურებიან მის ტაძარში, და ტახტზე მჯდომარე დაიფარავს მათ თავისი კარვით.

¹⁶ასე რომ, აღარც მოშივდებათ, არც მოსწყურდებათ, აღარც მზე დასწვავთ და აღარც ხვატი.

¹⁷რადგანაც კრავი, რომელიც ტახტის შუაშია, დამწყემსავს და სიცოცხლის წყლის წყაროსაკენ წარუძღვება მათ, და ღმერთი მათ თვალებზე სათითაოდ შეაშრობს ცრემლს.