Read ახალი ქართულით, Modern Georgian Bible, 1982 რუთი 2 Bible Online

რუთი 2 - ახალი ქართულით, Modern Georgian Bible, 1982 bible

რუთი 2

¹ქმრის მხრიდან ნათესავი ჰყავდა ნაყომის, ერთი შეძლებული კაცი, ელიმელექის საგვარეულოდან, სახელად ბოყაზი.

²უთხრა მოაბელმა რუთმა ნაყომის: წავალ ყანებში დათავთავებს ავკრეფ იმათ ნამკალში, ვის თვალშიც მადლს ვიპოვნი. უთხრა: წადი,შვილო.

³წავიდა და შეუდგა აკრეფას ყანაში მომკელთა კვალზე. ბოლოსიმ ბოყაზის ყანაში მოხვდა, რომელიც ელიმელექის საგვარეულოდან იყო.

⁴ამ დროს ბოყაზიც მოვიდა ბეთლემიდან და უთხრა მომკელებს:უფალი იყოს თქვენთან! მიუგეს: უფალმა გაკურთხოს!

⁵უთხრა ბოყაზმა თავის მსახურს, რომელიც თავზე ადგამომკელებს: ვისია ეს ყმაწვილი ქალი?

⁶მიუგო მსახურმა, რომელიც თავზე ადგა მომკელებს, და უთხრა:მოაბელია ეს ყმაწვილი ქალი, ნაყომის წამოჰყვა მოაბის ველიდან.

⁷თქვა, ამაკრეფინეთ და შემაგროვებინეთ თავთავები მომკელთაკვალზეო. მოვიდა და დილიდან აქ ტრიალებს. შინ თითქმის არ ჩერდება.

⁸უთხრა ბოყაზმა რუთს: ახლა ყური მიგდე, შვილო. სხვისყანაში ნუ წახვალ ასაკრეფად. აქედან ნურსად გადახვალ, ჩემს მსახურ ქალებთანდარჩი.

⁹ხომ ხედავ ამ ყანას, რომელსაც მკიან. იარე მომკელთა კვალზე. ბიჭებისთვის ნაბრძანები მაქვს, არ დაგიშალონ. თუ მოგწყურდეს, ჭურჭლებთან მიდი და დალიე, საიდანაც ჩემი ბიჭები იღებენ წყალს.

¹⁰პირქვე დაემხო ქალი, მდაბლად თაყვანისცა და უთხრა: რამადლი ვპოვე შენს თვალში, რომ უცხო ტომის ქალი ასე დამაფასე?

¹¹მიუგო ბოყაზმა და უთხრა: გაგებული მაქვს ყველაფერი, რაც დედამთილისთვის გააკეთე შენი ქმრის სიკვდილის შემდეგ. დედ-მამა, სამშობლო მხარე რომ მიატოვე და მოხვედი ხალხში, რომელსაც ადრე არც კი იცნობდი.

¹²უფალმა გადაგიხადოს მაგ საქმისთვის; სრული საზღაური მიგეზღოს უფლისგან, ისრაელის ღმერთისგან, რომლის ფრთებქვეშაც ხარ შეფარებული.

¹³უთხრა: მადლი მიპოვნია შენს თვალში, ბატონო, რაკიმანუგეშე და გამამხნევე შენი მხევალი. მე ხომ შენი მხევლობის ღირსიც არავარ!

¹⁴უთხრა მას ბოყაზმა: პურის ჭამისას მოდი და აქ ჭამე პური,ლუკმა ჩააწე ღვინოში. დაჯდა ქალი მომკელთა გვერდით. დაუყარეს ქუმელი, მანაცჭამა გაძღომამდე და კიდევაც დარჩა შეუჭმელი.

¹⁵როცა ქალი ასაკრეფად ადგა, უბრძანა ბოყაზმა ბიჭებს დაუთხრა: ძნებს შორისაც აკრიფოს, ნუ დააყვედრით.

¹⁶ხელეურებიდანაც მიუყარეთ და დაუტოვეთ ხოლმე, აკრიფოს, ნუ დაუშლით.

¹⁷საღამომდე კრეფდა ქალი ყანაში. დაცეხვა ანაკრეფი დაგამოუვიდა ერთ ეფამდე ქერის მარცვალი.

¹⁸აიღო და წავიდა ქალაქში. ნახა დედამთილმა მისი ანაკრეფი.ამოიღო რუთმა, რაც შეუჭმელი დარჩა და მისცა.

¹⁹უთხრა მას დედამთილმა: სად კრეფდი დღეს, სად შრომობდი?დალოცვილი იყოს შენი მომხედავი! უამბო დედამთილს ვისთანაც შრომობდა, დაუთხრა: ბოყაზი ჰქვია იმ კაცს, ვისთანაც ვშრომობდი დღეს.

²⁰უთხრა ნაყომიმ რძალს: დალოცვილი იყოს უფლისაგან, რომწყალობა არ მოაკლო არც ცოცხლებს და არც მკვდრებს! უთხრა ნაყომიმ: ჩვენიახლობელია ეს კაცი, ჩვენი სანათესაოდან არის.

²¹თქვა მოაბელმა რუთმა: ისიც მითხრა, ჩემს მსახურ ბიჭებთან დარჩი, სანამ ჩემს სამკალს არ მორჩებიანო.

²²უთხრა ნაყომიმ რუთს, თავის რძალს: კარგია, შვილო, რომ მისმსახურ ქალებთან ერთად გახვალ და სხვის ყანაში არ დაგინახავენ.

²³არ მოშორებია იგი ბოყაზის მსახურ ქალებს. კრეფდანამკალში, სანამ ქერისა და პურის მკა არ დასრულდა. ასე ცხოვრობდა ის თავისდედამთილთან ერთად.